ରବି ମିଶ୍ର
ରବି ମିଶ୍ର (ମୃତ୍ୟୁ: ୨୦ ଜାନୁଆରୀ ୨୦୨୧) ଜଣେ ଓଡ଼ିଆ ହାସ୍ୟ ଅଭିନେତା ଥିଲେ, ଯିଏକି ଓଡ଼ିଆ କଥାଚିତ୍ର, ଦୂରଦର୍ଶନ ଧାରାବାହିକ, ସିଡି ଫିଲ୍ମ ଏବଂ ମଞ୍ଚ ନାଟକରେ ଅଭିନୟ କରୁଥିଲେ [୧]। ଡିଡି ଓଡ଼ିଆରେ ପ୍ରସାରତି କାର୍ଯ୍ୟକ୍ରମ ଗୋପାଳର ରହସ୍ୟରେ ସେ ଗୋପାଳ ଭାଣ୍ଡ ଭୂମିକାରେ ଅଭିନୟ କରିଥିଲେ, ଯାହାକୁ ତାଙ୍କୁ ଘରେ ଘରେ ପରଚିତ କରାଇଥିଲା ।[୨] ୧୯୭୯ ମସିହାରେ ସେ ଓଡ଼ିଆ କଥାଚିତ୍ର ଜଗତରେ କାମ କରିବା ଆରମ୍ଭ କରିଥିଲେ । ତାଙ୍କ ଅଭିନୀତ ପ୍ରଥମ ଓଡ଼ିଆ କଥାଚିତ୍ର ଥିଲା ରାମାୟଣ ।[୩] ଭାଇ ହେଲା ଭଗାରି, ସକଳ ତୀର୍ଥ ତୋ ଚରଣେ, ସୌଭାଗ୍ୟବତୀ, ଧଉଳି ଏକ୍ସପ୍ରେସ୍ ଭଳି ଅନେକ ସଫଳ ଓଡ଼ିଆ ଚଳଚ୍ଚିତ୍ରରେ ଅଭିନୟ କରିଥିଲେ ।[୪]
ରବି ମିଶ୍ର | |
|---|---|
| ଜନ୍ମ ଓ ଜନ୍ମସ୍ଥାନ | ୧୬ ଅକ୍ଟୋବର ୧୯୫୪ |
| ମୃତ୍ୟୁ | ୨୦ ଜାନୁଆରୀ ୨୦୨୧ (୬୪ ବର୍ଷ) |
| ଜୀବିକା | ଓଡ଼ିଆ ଅଭିନେତା |
| କାର୍ଯ୍ୟକାଳ | ୧୯୭୯ - ୨୦୨୧ |
| ପୁରସ୍କାର | ରାଜ୍ୟ ଚଳଚ୍ଚିତ୍ର ପୁରସ୍କାର (ଲକ୍ଷ୍ମୀର ଅଭିସାର ପାଇଁ) |
ଜନ୍ମ ଓ ପ୍ରାରମ୍ଭିକ ଜୀବନସମ୍ପାଦନ କରନ୍ତୁ
ରବି ମିଶ୍ର ୧୯୫୪ ମସିହାରେ ଅକ୍ଟୋବର ୧୬ରେ ଯାଜପୁରଠାରେ ଜନ୍ମଗ୍ରହଣ କରିଥିଲେ ।[୩]
ଅଭିନୟ ଜୀବନସମ୍ପାଦନ କରନ୍ତୁ
ରବି ମିଶ୍ର କଲେଜରେ ପାଠ ପଢ଼ିବା ସମୟରୁ ଅଭିନୟ କରିବା ଆରମ୍ଭ କରିଥିଲେ । ସେ ସ୍ନାତକ ପଢ଼ିବାବେଳେ ତାଙ୍କର ମହାବିଦ୍ୟାଳୟର ଏକ ନାଟକରେ ଜଣେ ମାରୁଆଡ଼ି ଭୂମିକାରେ ଅଭିନୟ କରିଥିଲେ । ଏହାପରେ ସେ ୧୯୭୯ ମସିହାରେ ଓଡ଼ିଆ କଥାଚିତ୍ର ଜଗତରେ ଅଭିନୟ କରିବା ଆରମ୍ଭ କରିଥିଲେ । ତାଙ୍କ ଅଭିନୀତ ପ୍ରଥମ କଥାଚିତ୍ର ଥିଲା ଧୀର ବିଶ୍ୱାଳଙ୍କ ପ୍ରଯୋଜିତ ରାମାୟଣ, ଯେଉଁଥିରେ ସେ ସୁଗ୍ରୀବ ଭୂମିକାରେ ଅଭିନୟ କରିଥିଲେ । ୧୭ ଜାନୁଆରୀ ୨୦୨୦ରେ ନନ୍ଦିଘୋଷ ଟିଭିକୁ ଦେଇଥିବା ଏକ ସାକ୍ଷାତକାର ଅନୁସାରେ ସେ କୁସ୍ତି କରୁଥିଲେ, ତେଣୁ ଜଣେ ପହିଲୀମାନ ଭାବରେ ତାଙ୍କୁ ସୁଗ୍ରୀବ ଚରିତ୍ରରେ ଅଭିନୟ ପାଇଁ ସୁଯୋଗ ମିଳିଥିଲା ।[୩] ସେ ଓଡ଼ିଆ କଥାଚିତ୍ର ଜଗତରେ ଉଭୟ ସକାରତ୍ମକ ଏବଂ ଖଳନାୟକ ଭୂମିକାରେ କାର୍ଯ୍ୟ କରିଥିଲେ ।[୫]
ରବି କଥାଚିତ୍ରରେ ଅଭିନୟ କରିବା ପରେ ଡିଡି ଓଡ଼ିଆର ପ୍ରଥମ ଧାରାବାହିକ କଲିକତି ଚେଙ୍କରେ ଅଭିନୟ କରିଥିଲେ । ସେ ଡିଡି ଓଡ଼ିଆର ୨୯ଟି ଧାରାବାହିକରେ ଅଭିନୟ କରିଥିଲେ । ୧୯୯୧ ମସିହାରେ ନୂଆବର୍ଷ ଅବସରରେ ଡିଡି ଓଡ଼ିଆର ଏକ କାର୍ଯ୍ୟକ୍ରମ ଦର୍ପଣରେ ଯଦୁମଣିଙ୍କ ଭୂମିକା ରବି ମିଶ୍ରଙ୍କର ଅଭିନୟ ଜୀବନର ମୋଡ଼ ବଦଳାଇଥିଲା । ତାଙ୍କ ଅଭିନୀତ ଗୋପାଳ ଭାଣ୍ଡ ଚରିତ୍ର ଦର୍ଶକଙ୍କଦ୍ୱାରା ଆଦୃତ ହୋଇଥିଲା ଏବଂ ସେ ସେହି ଚରିତ୍ର ନାମରେ ଖ୍ୟାତିଲାଭ କରିଥିଲେ ।[୬][୭] ସେ ତାଙ୍କର ମୃତ୍ୟୁଯାଏଁ ଅଭିନୟ କରୁଥିଲେ । ତାଙ୍କ ମୃତ୍ୟବେଳକୁ ସେ ଜୀ ସାର୍ଥକର ହେ ପ୍ରଭୁ ନାମକ ଏକ ଧାରାବାହିକରେ ଜେଜେ ଭୂମିକାରେ କରୁଥିଲେ ।[୮][୯]
ଅଭିନୀତ କଥାଚିତ୍ରସମ୍ପାଦନ କରନ୍ତୁ
| ବର୍ଷ | କଥାଚିତ୍ର | ଭୂମିକା | ମନ୍ତବ୍ୟ |
|---|---|---|---|
| ୧୯୭୯ | ରାମାୟଣ | ସୁଗ୍ରୀବ | ପ୍ରଥମ ଓଡ଼ିଆ କଥାଚିତ୍ର |
| ୧୯୯୫ | ସକଳ ତୀର୍ଥ ତୋ ଚରଣେ | ପ୍ରତାପ | ଖଳନାୟକ |
| ୧୯୯୮ | ସୌଭାଗ୍ୟବତୀ | ସଚି | |
| ଲକ୍ଷ୍ମୀର ଅଭିସାର | ରାଜ୍ୟ ଚଳଚ୍ଚିତ୍ର ପୁରସ୍କାର ପାଇଥିଲେ | ||
| ୧୯୯୯ | ରାକ୍ଷୀ ଭିଜିଗଲା ଆଖି ଲୁହରେ | ||
| ମା ପରି କିଏ ହେବ | |||
| ଧର୍ମ ନିକିତି | |||
| ୨୦୦୨ | ରଙ୍ଗ୍ ନମ୍ବର | ||
| ମନ ରହିଗଲା ତୁମରି ଠାରେ | କୁଞ୍ଜ ବିହାରୀ ମିଶ୍ର | ||
| ୨୦୦୩ | ମା ମଙ୍ଗଳା | ||
| ୨୦୦୪ | ଜ୍ୱାଇଁର ଚଉକାକୁ ଶଶୁରର ଛକା | ଶଶୁର | ସିଡି ଫିଲ୍ମ |
| ୨୦୦୫ | ଅର୍ଜୁନ | କୁଳମଣି ସାମଲ | |
| ୨୦୦୬ | ପ୍ରିୟା ମୋ ଆସିବ ଫେରି | ରାମ ନାରାୟଣ ପଣ୍ଡା | |
| ଶଶୁରଘର ଜିନ୍ଦାବାଦ | ବାହାଘର ପଣ୍ଡିତ | ||
| ୨୦୦୭ | ରସିକ ନାଗର | ରାଜାର ବାପା | |
| ମୋନିକା ଓ ମାଇଁ ଡାର୍ଲିଙ୍ଗ | |||
| ଧଉଳି ଏକ୍ସପ୍ରେସ୍ | ପଚା/ଦୋକନର ମାଲିକ | ||
| ୨୦୦୮ | ସତ୍ୟ ମେବ ଜୟତେ | ଦିନା | |
| ୨୦୦୯ | ମୁଖ୍ୟମନ୍ତ୍ରୀ | ବିଧାୟକ | |
| ୨୦୧୦ | ତତେ ଭଲ ପାଉଛି ବୋଲି | ||
| ୨୦୧୨ | ଲଭ୍ ମାଷ୍ଟର | ପୁରୋହିତ | |
| ୨୦୧୩ | ରୁମ୍କୁ ଝୁମାନା | ନିତ୍ୟାନନ୍ଦ | |
| ତୁ ମୋ ଦେହର ଛାଇ | |||
| ୨୦୧୫ | ଆପନା ହାତ ଜଗନ୍ନାଥ | ||
| ୨୦୧୯ | ମାଲ୍ ମହୁ ଜୀବନ ମାଟି |
ଅଭିନୀତ ଧାରାବାହିକସମ୍ପାଦନ କରନ୍ତୁ
| ଧାରାବାହିକ | ଚେନାଲ୍ | ଭୂମିକା | ମନ୍ତବ୍ୟ |
|---|---|---|---|
| କଲିକତି ଚେଙ୍କ | ଡିଡି ଓଡ଼ିଆ | ଡିଡି ଓଡ଼ିଆର ପ୍ରଥମ ଧାରାବାହିକ | |
| ଗୋପାଳ ରହସ୍ୟ | ଡିଡି ଓଡ଼ିଆ | ଗୋପାଳ ଭାଣ୍ଡ | |
| ଦେବୀ ଦୁର୍ଗା | ଡିଡି ଓଡ଼ିଆ | ||
| ବଡ଼ ଘର ବଡ଼ ଗୁମର କଥା | ଇ ଟିଭି ଓଡ଼ିଆ | ଅଞ୍ଜଳୀର ବାପା | |
| ଶଙ୍ଖା ସିନ୍ଦୂର | ତରଙ୍ଗ ଟିଭି | ଜେଜେବାପା | |
| କାଳିଜାଇ | ତରଙ୍ଗ ଟିଭି | ଜେମାମଣିଙ୍କ ଗୁମାସ୍ତା | |
| ହେ ପ୍ରଭୁ | ଜୀ ସାର୍ଥକ | ଜେଜେ |
ପୁରସ୍କାରସମ୍ପାଦନ କରନ୍ତୁ
ରବି ମିଶ୍ରଙ୍କୁ ଓଡ଼ିଆ କଥାଚିତ୍ର ଲକ୍ଷ୍ମୀର ଅଭିସାର ପାଇଁ ରାଜ୍ୟ ଚଳଚ୍ଚିତ୍ର ପୁରସ୍କାର ମିଳିଥିଲା ।[୩]
ମୃତ୍ୟୁସମ୍ପାଦନ କରନ୍ତୁ
ରବି ୨୦୨୧ ମସିହାର ଜାନୁଆରୀ ୨୦ ତାରିଖରେ ହୃଦ୍ଘାତ ଯୋଗୁଁ ମୃତ୍ୟୁବରଣ କରିଥିଲେ ।[୧୦] ମୃତ୍ୟୁବେଳକୁ ତାଙ୍କୁ ୬୪ ବର୍ଷ ବୟସ ହୋଇଥିଲା ।[୧] ୧୯ ଜାନୁଆରୀ ୨୦୨୧ରେ ସେ ଏକ ସୁଟିଂରେ ହୃଦ୍ଘାତ ହେବାର ଅଭିନୟ କରୁଥିବାବେଳେ ତାଙ୍କୁ ଯନ୍ତ୍ରଣା ଅନୁଭବ ହେଇଥିଲା ଏବଂ ପରେ ରାତିରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।[୧୧][୧୨] ତାଙ୍କର ମୃତ୍ୟୁ ପରେ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟୁଇଟ୍ କରି ଶୋକ ପ୍ରକାଶ କରିଥିଲେ ।[୧୩]
ଆଧାରସମ୍ପାଦନ କରନ୍ତୁ
- ↑ ୧.୦ ୧.୧ "Odia Actor Rabi Mishra Passes Away In Capital City Of Odisha". KalingaTV. 20 January 2021. Archived from the original on 20 January 2021. Retrieved 20 January 2021.
- ↑ "Veteran Odia Actor Rabi Mishra Passes Away". Pragativadi. 20 January 2021. Archived from the original on 20 January 2021. Retrieved 20 January 2021.
- ↑ ୩.୦ ୩.୧ ୩.୨ ୩.୩ "ଆଜି ପ୍ରଣାମ ଓଡ଼ିଶାର ଅତିଥି ହାସ୍ୟଅଭିନେତା ରବି ମିଶ୍ର". ନନ୍ଦିଘୋଷ ଟିଭି. YouTube. 17 January 2020. Retrieved 20 January 2021.
- ↑ Mohapatra, Rajendra Prasad (20 January 2021). "Eminent Odia Actor Rabi Mishra Dies Of Cardiac Arrest | OTV News". OTV News (in English). Bhubaneswar. Archived from the original on 20 January 2021. Retrieved 20 January 2021.
{{cite news}}: CS1 maint: unrecognized language (link) - ↑ "'Gopala Rahasya' fame Rabi Mishra no more | Sambad English". Sambad English (in English). Bhubaneswar: sambadenglish.com. 20 January 2021. Archived from the original on 20 January 2021. Retrieved 20 January 2021.
{{cite news}}: CS1 maint: unrecognized language (link) - ↑ "ବରିଷ୍ଠ ଅଭିନେତା ରବି ମିଶ୍ରଙ୍କ ପରଲୋକ". ସମାଜ. ଭୁବନେଶ୍ୱର: Samaja Live. 20 January 2021. Retrieved 20 January 2021.
- ↑ "Eminent Ollywood actor Rabi Mishra passes away". ପ୍ରମେୟ (in English). Bhubaneswar. 20 January 2021. Archived from the original on 20 January 2021. Retrieved 20 January 2021.
{{cite news}}: CS1 maint: unrecognized language (link) - ↑ "Famous Odia TV show Gopala Rahasya actor Rabi Mishra passes away - OrissaPOST". OrissaPOST (in English). Bhubaneswar. 20 January 2021. Archived from the original on 20 January 2021. Retrieved 20 January 2021.
{{cite news}}: CS1 maint: unrecognized language (link) - ↑ lenka, Rashmipriya (20 January 2021). "ଆରପାରିରେ ଓଲିଉଡ଼ ଅଭିନେତା ରବି ମିଶ୍ର". ନନ୍ଦିଘୋଷ ଟିଭି. Archived from the original on 20 January 2021. Retrieved 20 January 2021.
- ↑ "ଜଣାଶୁଣା ଓଡ଼ିଆ ଅଭିନେତା ରବି ମିଶ୍ରଙ୍କ ପରଲୋକ". OTV Khabar. 20 January 2021. Archived from the original on 20 January 2021. Retrieved 20 January 2021.
- ↑ "ସତ ହୋଇଗଲା ଅଭିନୟ; ନୀରବି ଗଲେ ରବି ମିଶ୍ର". Odisha Reporter (in ଓଡ଼ିଆ). 20 January 2021. Archived from the original on 20 January 2021. Retrieved 20 January 2021.
{{cite news}}: CS1 maint: unrecognized language (link) - ↑ "ବରିଷ୍ଠ ଅଭିନେତା ରବି ମିଶ୍ରଙ୍କ ପରଲୋକ". Zee Odisha. ଭୁବନେଶ୍ୱର. 20 January 2021. Archived from the original on 20 January 2021. Retrieved 20 January 2021.
- ↑ "ବରିଷ୍ଠ ଅଭିନେତା ରବି ମିଶ୍ରଙ୍କ ପରଲୋକ, ମୁଖ୍ୟମନ୍ତ୍ରୀଙ୍କ ଶୋକ | Sambad". ସମ୍ବାଦ. sambad.in. 20 January 2021. Retrieved 20 January 2021.
ବାହାର ଆଧାରସମ୍ପାଦନ କରନ୍ତୁ
- ରବି ମିଶ୍ର (ଇଣ୍ଟରନେଟ ମୁଭି ଡାଟାବେସରେ)