ଅମରେନ୍ଦ୍ର ମହାନ୍ତି
ଅମରେନ୍ଦ୍ର ମହାନ୍ତି (୬ ଫେବୃଆରୀ ୧୯୫୮ - ୧୭ ମଇ ୨୦୨୧), ଜଣେ ଓଡ଼ିଆ ସଙ୍ଗୀତ ନିର୍ଦ୍ଦେଶକ ଓ ଗାୟକ ଥିଲେ ।[୧] ବୁଲୁ ଭାଇ ଭାବରେ ସେ ପରିଚିତ ଥିଲେ ।
ଅମରେନ୍ଦ୍ର ମହାନ୍ତି | |
|---|---|
 | |
| ଜନ୍ମ | ୬ ଫେବୃଆରୀ ୧୯୫୮ |
| ମୃତ୍ୟୁ | ୧୭ ମଇ ୨୦୨୧ (ବୟସ ୬୩) |
| ମୃତ୍ୟୁର କାରଣ | କରୋନାଭୂତାଣୁ ରୋଗ ୨୦୧୯ |
| ଜାତୀୟତା |  ଭାରତୀୟ |
| ପ୍ରସିଦ୍ଧି | ଓଡ଼ିଆ ଗାୟକ ଓ ସଂଗୀତକାର |
| ବୈବାହିକ-ସାଥୀ | ସବିତା ମହାନ୍ତି |
| ସନ୍ତାନ | ଅନ୍ୱେଷା ମହାନ୍ତି |
| ପିତାମାତା | ନଗେନ୍ଦ୍ରନାଥ ମହାନ୍ତି, ଶରତ କୁମାରୀ ମହାନ୍ତି |
ବ୍ୟକ୍ତିଗତ ଜୀବନ
ସମ୍ପାଦନାଅମରେନ୍ଦ୍ର ୧୯୫୮ ମସିହାରେ କେନ୍ଦ୍ରାପଡ଼ାରେ ଜନ୍ମଗ୍ରହଣ କରିଥିଲେ । କଟକର ପ୍ୟାରୀମୋହନ ଏକାଡେମୀରୁ ସେ ସ୍କୁଲ ଶିକ୍ଷା ଗ୍ରହଣ କରିଥିଲେ । ବାଳକୃଷ୍ଣ ଦାଶ, ସୁନନ୍ଦା ପଟ୍ଟନାୟକ ଓ ହରେକୃଷ୍ଣ ମହାନ୍ତିଙ୍କଠାରୁ ସେ ସଙ୍ଗୀତ ଶିକ୍ଷାଲାଭ କରିଥିଲେ । କରୋନାଭୂତାଣୁ ରୋଗରେ ପୀଡ଼ିତ ହୋଇ ସେ ୨୦୨୧ ମସିହା ମଇ ମାସ ୧୭ ତାରିଖରେ ଭୁବନେଶ୍ୱରର ଏକ ଘରୋଇ ଡାକ୍ତରଖାନାରେ ଚିକିତ୍ସାଧିନ ଥିବା ଅବସ୍ଥାରେ ତାଙ୍କର ପରଲୋକ ଘଟିଥିଲା ।[୨][୩]
ସଙ୍ଗୀତକାର ଜୀବନ
ସମ୍ପାଦନାଆକାଶବାଣୀ କଟକରୁ ଅମରେନ୍ଦ୍ର ନିଜର ସଙ୍ଗୀତ ଜୀବନ ଆରମ୍ଭ କରିଥିଲେ । ୧୯୯୩ ମସିହାର ଚଳଚ୍ଚିତ୍ର ଶ୍ରଦ୍ଧାଞ୍ଜଳି ଥିଲା ତାଙ୍କ ସଙ୍ଗୀତ ନିର୍ଦ୍ଦେଶନାରେ ପ୍ରଥମ ଚଳଚ୍ଚିତ୍ର । ଅନେକ ଗୀତରେ ସେ ନିଜେ କଣ୍ଠଶିଳ୍ପୀ ମଧ୍ୟ ଥିଲେ । [୪][୫] ଓଡ଼ିଶାରେ ସଙ୍ଗୀତ ରେକଡ଼ିଂ ଷ୍ଟୁଡ଼ିଓର ଅଭାବ ଥିବାବେଳେ ସେ କଟକରେ ନିଜ ଘରେ ଆଶା ଷ୍ଟୁଡ଼ିଓ ନାମରେ ଏକ ଷ୍ଟୁଡ଼ିଓ ପ୍ରତିଷ୍ଠା କରି ଗୀତ ରେକଡ଼ିଂ ଆରମ୍ଭ କରିଥିଲେ । ମହମ୍ମଦ ଅଜିଜଙ୍କ ଭଳି କଣ୍ଠଶିଳ୍ପୀ ମଧ୍ୟ ଏଠାରେ ରେକଡ଼ିଂ କରିଥିଲେ । ପତ୍ନୀ ସବିତାଙ୍କ ନିଧନ ପରେ, ଅମରେନ୍ଦ୍ର ଭୁବନେଶ୍ୱରକୁ ବିସ୍ଥାପିତ ହୋଇ, ସେଠାରେ ଅମରେନ୍ଦ୍ର ମହାନ୍ତି ମ୍ୟୁଜିକ ଏକାଡ଼େମୀ ପ୍ରତିଷ୍ଠା କରି ସଙ୍ଗୀତ ଶିକ୍ଷାଦାନ କରୁଥିଲେ ।[୬]
ସମ୍ପୃକ୍ତ ଓଡ଼ିଆ କଥାଚିତ୍ର
ସମ୍ପାଦନା| କଥାଚିତ୍ର | ମୁକ୍ତିଲାଭ ବର୍ଷ | ନିର୍ଦ୍ଦେଶକ | ଭୂମିକା |
|---|---|---|---|
| ହେ ସଖା | ୨୦୧୨ | ଆଶିଷ ଭଟ୍ଟାଚାର୍ଯ୍ୟ | ସଙ୍ଗୀତକାର, ଗାୟକ |
| କଣ୍ଢେଇ ଆଖିରେ ଲୁହ | ୨୦୦୪ | ରବି କିନ୍ନାଗି | ସଙ୍ଗୀତକାର |
| ପରି ମହଲ | ୨୦୦୩ | ବିକାସ ଦାସ | ସଙ୍ଗୀତକାର |
| ସରପଞ୍ଚ ବାବୁ | ୧୯୯୯ | ଚକ୍ର ପାଣି | ସଙ୍ଗୀତକାର |
| ଧର୍ମ ଦେବତା | ୨୦୦୧ | ବିଜୟ ଭାସ୍କର | ସଙ୍ଗୀତକାର |
| ମାଗୁଣିର ଶଗଡ଼ | ୨୦୦୧ | ପ୍ରଫୁଲ୍ଲ ମହାନ୍ତି | ସଙ୍ଗୀତକାର |
| ଜୟ ଶ୍ରୀରାମ | ୨୦୦୫ | ତୃପ୍ତି ବିଶ୍ୱାଳ | ସଙ୍ଗୀତକାର |
| ରାମ ଲକ୍ଷ୍ମଣ | ୧୯୯୭ | ସଂଗ୍ରାମ ବିଶ୍ୱାଳ | ସଙ୍ଗୀତକାର |
| ବସୁଧା | ୧୯୯୬ | ଅବତାର ସିଂହ | ସଙ୍ଗୀତକାର |
| ସୁନା ପଞ୍ଜୁରୀ | ୧୯୯୫ | ରବି କିନ୍ନାଗି | ସଙ୍ଗୀତକାର |
| ଶ୍ରଦ୍ଧାଞ୍ଜଳି | ୧୯୯୩ | ପଙ୍କଜ ପାଣି | ସଙ୍ଗୀତକାର |
| ଭାଇ ହେଲା ଭଗାରି | ୧୯୯୪ | ରବି କିନ୍ନାଗି | ସଙ୍ଗୀତକାର |
| ସିଂହବାହିନୀ | ୧୯୯୮ | ରାଜୁ ମିଶ୍ର | ସଙ୍ଗୀତକାର |
| ପବିତ୍ର ବନ୍ଧନ | ୧୯୯୯ | ରବି କିନ୍ନାଗି | ସଙ୍ଗୀତକାର |
| ରଙ୍ଗ ବରଷିବ ଟୁପୁରୁ ଟୁପୁରୁ | ୨୦୧୯ | ଜିତେନ୍ଦ୍ର ମହାପାତ୍ର | ସଙ୍ଗୀତକାର |
ଆଧାର
ସମ୍ପାଦନା- ↑ Indian Panorama. Directorate of Film Festivals, Ministry of Information and Broadcasting, Government of India. 2002.
- ↑ "ଆଉ ନାହାନ୍ତି ସଙ୍ଗୀତ ନିର୍ଦ୍ଦେଶକ ଅମରେନ୍ଦ୍ର ମହାନ୍ତି, ୬୩ବର୍ଷ ବୟସରେ ଦେହାନ୍ତ". www.prameyanews7.com. ପ୍ରମେୟ ନ୍ୟୁଜ. Retrieved 17 May 2021.
- ↑ "ସଙ୍ଗୀତ ନିର୍ଦ୍ଦେଶକ ଅମରେନ୍ଦ୍ର ମହାନ୍ତିଙ୍କ ପରଲୋକ". odishareporter.in. odisha reporter. Archived from the original on 17 May 2021. Retrieved 17 May 2021.
- ↑ "Popular Odia music director Amarendra Mohanty breathes his last due to COVID-19". OrissaPOST (in English). Bhubaneswar. 17 May 2021. Archived from the original on 17 May 2021. Retrieved 17 May 2021.
{{cite news}}: CS1 maint: unrecognized language (link) - ↑ "ସଂଗୀତ ନିର୍ଦ୍ଦେଶକ ଅମରେନ୍ଦ୍ର ମହାନ୍ତିଙ୍କ କରୋନାରେ ଦେହାନ୍ତ : ଭୁବନେଶ୍ୱରରେ ସମ କୋଭିଡ ହସ୍ପିଟାଲରେ ୫ଦିନ ହେଲା ଚାଲିଥିଲା ଚିକିତ୍ସା". www.kanaknews.com. ଇଷ୍ଟର୍ଣ୍ଣ ମିଡ଼ିଆ. Archived from the original on 17 May 2021. Retrieved 17 May 2021.
- ↑ "ସଙ୍ଗୀତକାର ଅମରେନ୍ଦ୍ର ମହାନ୍ତିଙ୍କ ପରଲୋକ". No. ସମ୍ବାଦ ୧୮/୦୫/୨୦୨୧ ଭୁବନେଶ୍ୱର ସଂସ୍କରଣ ପୃଷ୍ଠା ୧. ଇଷ୍ଟର୍ଣ୍ଣ ମିଡିଆ. 18 May 2021. Archived from the original on 18 May 2021. Retrieved 18 May 2021.
ବାହାର ଆଧାର
ସମ୍ପାଦନା
- ଇଣ୍ଟରନେଟ ମୁଭି ଡାଟାବେସରେ ଅମରେନ୍ଦ୍ର ମହାନ୍ତି