ମହମ୍ମଦ ଅଜିଜ
ମହମ୍ମଦ ଅଜିଜ (୨ ଜୁଲାଇ ୧୯୫୪ – ୨୭ ନଭେମ୍ବର ୨୦୧୮) ଓଡ଼ିଆ ଚଳଚ୍ଚିତ୍ର ଜଗତର ଜଣେ ପ୍ରଛଦପଟ ଗାୟକ ଥିଲେ ।[୧] "ମୁଁ ପରଦେଶୀ ଚଢ଼େଇ", "ମନର ଦେଶରେ ପ୍ରେମର ସହର", "ମନ ମୋର ଏକ କାଗଜର ନାଆ" ଆଦି ଲୋକପ୍ରିୟ ଗୀତରେ ସେ କଣ୍ଠଦାନ କରିଥିଲେ । "ରୂପା ଶଗଡ଼ିରେ ସୁନା କନିଆ" ଥିଲା ତାଙ୍କର ପ୍ରଥମ ଓଡ଼ିଆ ଚଳଚ୍ଚିତ୍ର ଗୀତ । ଓଡ଼ିଆ ବ୍ୟତିତ ସେ ହିନ୍ଦୀ ଓ ବଙ୍ଗଳା ଚଳଚ୍ଚିତ୍ରପାଇଁ ମଧ୍ୟ କଣ୍ଠଦାନ କରିଥିଲେ ।[୨]
ମହମ୍ମଦ ଅଜିଜ | |
|---|---|
 | |
| ଜନ୍ମ | ସୟଦ ମହମ୍ମଦ ଅଜିଜ ଉନ୍ ନବୀ ୨ ଜୁଲାଇ ୧୯୫୪ ଅଶୋକନଗର, ଉତ୍ତର ୨୪ ପ୍ରଗଣା,ପଶ୍ଚିମ ବଙ୍ଗ |
| ମୃତ୍ୟୁ | ୨୭ ନଭେମ୍ବର ୨୦୧୮ (ବୟସ ୬୪) |
| ଜାତୀୟତା |  ଭାରତୀୟ |
| ପ୍ରସିଦ୍ଧି | ଓଡ଼ିଆ ଗାୟକ |
| ସନ୍ତାନ | ସାନା |
ଜୀବନୀ
ସମ୍ପାଦନାମହମ୍ମଦ ଅଜିଜଙ୍କର ପୁରାନାମ ଥିଲା ସୟଦ ମହମ୍ମଦ ଅଜିଜ ଉନ୍ ନବୀ । ସେ ୧୯୫୪ମସିହାରେ ପଶ୍ଚିମ ବଙ୍ଗର ଉତ୍ତର ୨୪ ପରଗଣା ଜିଲ୍ଲା ଅନ୍ତର୍ଗତ ଅଶୋକନଗରଠାରେ ଜନ୍ମଗ୍ରହଣ କରିଥିଲେ । ସେ ମହମ୍ମଦ ରଫିଙ୍କୁ ନିଜର ଗୁରୁ ମାନୁଥିଲେ ଓ ତାଙ୍କରି ସଙ୍ଗୀତ ଅନୁସରଣ କରୁଥିଲେ । ବଙ୍ଗଳା ଚଳଚ୍ଚିତ୍ର "ଜ୍ୟୋତି"ରୁ ସେ ପ୍ରଚ୍ଚଦପଟ୍ଟ ଗାୟନ ଆରମ୍ଭ କରିଥିଲେ ।[୩] ୧୯୮୪ ମସିହାରେ ଚଳଚ୍ଚିତ୍ର "ଅମ୍ବର"ଥିଲା ତାଙ୍କର ପ୍ରଥମ ହିନ୍ଦୀ ଚଳଚ୍ଚିତ୍ର । "ମର୍ଦ୍ଦ" ଚଳଚ୍ଚିତ୍ରର ଗୀତ "ମେଁ ମର୍ଦ୍ଦ ଟାଙ୍ଗେୱାଲା" ତାଙ୍କୁ ଲୋକପ୍ରିୟତା ଆଣିଦେଇଥିଲା । ପରେ ସେ ବହୁ ହିନ୍ଦୀ ଚଳଚ୍ଚିତ୍ରରେ କଣ୍ଠଦାନ କରିଥିଲେ ।[୪] ୧୯୮୫ ମସିହାର ଓଡ଼ିଆ ଚଳଚ୍ଚିତ୍ର ଜଗା ହାତରେ ପଘାରୁ ସେ ଓଡ଼ିଆ ଗୀତ ଗାଇବା ଆରମ୍ଭ କରିଥିଲେ । ଭଜନ, ଜଣାଣ, ଆଧୁନିକ ଓ ଚଳଚ୍ଚିତ୍ର ଗୀତ ସବୁପ୍ରକାର ଓଡ଼ିଆ ଗୀତ ସେ ଗାଇଥିଲେ ।[୫]
୨୦୧୮ ମସିହା ନଭେମ୍ବର ୨୭ତାରିଖରେ ମୁମ୍ବାଇର ନାନାବତୀ ହାସାପାତାଲରେ ତାଙ୍କର ପରଲୋକ ଘଟିଥିଲା ।[୬]
ଓଡ଼ିଆ ଚଳଚ୍ଚିତ୍ରରେ ଅବଦାନ
ସମ୍ପାଦନାମହମ୍ମଦ ଅଜିଜ ଗାଇଥିବା ପ୍ରମୁଖ ଓଡ଼ିଆ ଚଳଚ୍ଚିତ୍ର ଥିଲା :
ଆଧାର
ସମ୍ପାଦନା- ↑ https://www.news18.com/photogallery/music/shocking-celebrity-deaths-singer-mohammed-aziz-passes-away-at-64-1855123.html
- ↑ https://www.news18.com/news/movies/veteran-singer-mohammed-aziz-passes-away-1952517.html
- ↑ http://sambad.in/india-and-beyond/mahamood-aziz-no-more-254672/
- ↑ https://odishareporter.in/nation/popular-playback-singer-mohammed-aziz-dies-at-64-306489[permanent dead link]
- ↑ http://www.samajalive.in/bollywood-playback-singer-mohammad-aziz-dies-at-64/50920.html
- ↑ https://indianexpress.com/article/entertainment/bollywood/mohammed-aziz-dead-5467587/
ବାହାର ଆଧାର
ସମ୍ପାଦନା- ଇଣ୍ଟରନେଟ ମୁଭି ଡାଟାବେସରେ ମହମ୍ମଦ ଅଜିଜ