ଶ୍ରୀରାମ ପଣ୍ଡା

ଶ୍ରୀରାମ ପଣ୍ଡା ଜଣେ ଓଡ଼ିଆ ଅଭିନେତା, ନିର୍ଦ୍ଦେଶକ ଓ କାହାଣୀକାର । ସେ ଅଧୁନା ବିହାରର ମୁଙ୍ଗେର ଆଶ୍ରମରେ ଜଣେ ସନ୍ଥ ଭାବରେ ଜୀବନ ଅତିବାହିତ କରୁଛନ୍ତି ।

ଶ୍ରୀରାମ ପଣ୍ଡା
ଜନ୍ମ ଓ ଜନ୍ମସ୍ଥାନ	ନବରଙ୍ଗପୁର, ଓଡ଼ିଶା
ଜୀବିକା	ଅଭିନେତା
କାର୍ଯ୍ୟକାଳ	୧୯୭୩-୧୯୯୪
ଜୀବନସାଥି	ତ୍ରିପୁରା ମିଶ୍ର

ଜୀବନ ଓ ପରିବାର

ଶ୍ରୀରାମ ପଣ୍ଡା ଓଡ଼ିଶାର ନବରଙ୍ଗପୁରଠାରେ ୧୯୫୪ ମସିହାରେ ଜନ୍ମ ନେଇଥିଲେ । ସେ ୮୦ ଦଶକରେ ଓଡ଼ିଆ କଥାଚିତ୍ର ମାନଙ୍କରେ ଅଭିନୟ କରୁଥିଲେ । ସେତେବେଳେ ତାଙ୍କର କଥାଚିତ୍ରର ଚରିତ୍ରରେ କ୍ୟାଭେଣ୍ଡର ସିଗାରେଟର ମଡ଼େଲ ଭାବରେ ସିଗାରେଟ ଟାଣିବା ଅନେକଙ୍କୁ ସିଗାରେଟ ଟାଣିବା ପାଇଁ ଅନୁପ୍ରାଣିତ କରିଥିଲା । ସେ ତାହାପରେ ୧୯୯୨ରେ ଅଭିନୟ ଛାଡ଼ି ବିହାରାର ଶୃଙ୍ଗେରଠାରେ ଏକ ଆଶ୍ରମରେ "ସ୍ୱାମୀ ନିତ୍ୟ ଚୈତନ୍ୟ" ନାମରେ ସନ୍ଥ ଭାବେ ଜୀବନ କାଟୁଛନ୍ତି । ଓଡ଼ିଆ କଥାଚିତ୍ରର ବିଗତ ଦିନର ଅଭିନେତ୍ରୀ ତ୍ରିପୁରା ମିଶ୍ର ତାଙ୍କର ସ୍ତ୍ରୀ ଓ ସେ ଅଧୁନା ଅଭିନୟ ଛାଡ଼ି ଜଣେ ମହାବିଦ୍ୟାଳୟ ଅଧ୍ୟାପିକା ଭାବରେ କାମ କରୁଛନ୍ତି । ଶ୍ରୀରାମ ଓ ତ୍ରିପୁରାଙ୍କର ଦୁଇଟି ସନ୍ତାନ ଅଛନ୍ତି ।

ଅଭିନୟ

୧୯୭୨ ମସିହାରେ ଧୀର ବିଶ୍ୱାଳଙ୍କ ଧରିତ୍ରୀ କଥାଚିତ୍ରରୁ ପଣ୍ଡା ଅଭିନେତା ଜୀବନ ଆରମ୍ଭ କରିଥିଲେ । ସେ ୫୨ରୁ ଅଧିକ ଓଡ଼ିଆ ଓ ବଙ୍ଗଳା ଚଳଚ୍ଚିତ୍ରରେ ଅଭିନୟ କରିଛନ୍ତି ।

ପ୍ରଯୋଯନା ଓ ନିର୍ଦ୍ଦେଶନା

ସେ ୧୯୯୧ ମସିହରେ କଥାଚିତ୍ର କୁରୁକ୍ଷେତ୍ରର ପ୍ରଯୋଜକ ତଥା ନିର୍ଦ୍ଦେଶକ ଭାବେ କାର୍ଯ୍ୟ କରିଥିଲେ ।

ଅଭିନୀତ ଓଡ଼ିଆ କଥାଚିତ୍ର

କଥାଚିତ୍ର	ମୁକ୍ତିଲାଭ ବର୍ଷ	ନିର୍ଦ୍ଦେଶକ
ଆକାଶର ଆଖି	୧୯୮୯	ପଙ୍କଜ ପାଣି
ବଡ଼ ଭାଉଜ	୧୯୮୮	ରଜନିକାନ୍ତ
ବଧୂ ନିରୁପମା	୧୯୮୭	ଯୁଗଳ ଦେବତା
ମାନିନୀ	୧୯୮୬	ରବି କିନ୍ନାଗୀ
ସମୟ ବଡ଼ ବଳବାନ	୧୯୮୫	ଶିଶିର ମିଶ୍ର
ଜଗା ବଳିଆ	୧୯୮୪	ପ୍ରଶାନ୍ତ ନନ୍ଦ
ଡୋରା	୧୯୮୪	ପ୍ରଶାନ୍ତ ନନ୍ଦ
ଜନ୍ମଦାତା	୧୯୭୮	କେ. ଏଚ. ଡ଼ି. ରାଓ
ଶଙ୍ଖ ମହୂରୀ	୧୯୭୮	ଅକ୍ଷୟ ମହାନ୍ତି କାଶ୍ୟପ, ଆର୍. ଜି. ଗୋପ
ଝିଲିମିଲି	୧୯୭୮	କେ. ଏଚ. ଡି. ରାଓ
ନାଗଫାଶ	୧୯୭୭	ବସନ୍ତ ନାୟକ
ସିନ୍ଦୂର ବିନ୍ଦୁ	୧୯୭୬	ଶିଶିର ମିଶ୍ର
ଯାଯାବର	୧୯୭୫	ନିର୍ଦ୍ଦେଶକ
ମନ ଆକାଶ	୧୯୭୪	ନିତ୍ୟାନନ୍ଦ ପାଲିତ
ଧରିତ୍ରୀ	୧୯୭୨	ନିର୍ଦ୍ଦେଶକ

ମାନ ସମ୍ମାନ

• ଜୟଦେବ ସମ୍ମାନ, ୨୦୧୧

ଅଧିକ ତଥ୍ୟ

• ଶ୍ରୀରାମ ପଣ୍ଡା (ଇଣ୍ଟରନେଟ ମୁଭି ଡାଟାବେସରେ)