ଯାଯାବର (୧୯୭୫ର କଥାଚିତ୍ର)

ଏହି ଲେଖାଟି ଓଡ଼ିଆ କଥାଚିତ୍ର ଯାଯାବର ବାବଦରେ । ବାକିସବୁ ପାଇଁ, ଯାଯାବର ପ୍ରସଙ୍ଗଟି ଦେଖନ୍ତୁ ।

ଯାଯାବର, ୧୯୭୫ମସିହାରେ ମୁକ୍ତିଲାଭ କରିଥିବା ଏକ ଓଡ଼ିଆ କଥାଚିତ୍ର । ଏହି କଥାଚିତ୍ରଟିର ପ୍ରଯୋଜନା କରିଥିଲେ ବିଜୟ ପଟ୍ଟନାୟକ । ବିଜୟ ମିଶ୍ର ଏହି କଥାଚିତ୍ରଟିର କାହାଣୀ ରଚନା କରିଥିଲେ ଓ ତ୍ରିମୁର୍ତ୍ତୀ ଏହାର ନିର୍ଦ୍ଦେଶନା ଦେଇଥିଲେ । ଅଭିନେତ୍ରୀ ଅନୀତା ଦାସ ଏହି କଥାଚିତ୍ର ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ ।

ଯାଯାବର
ରଙ୍ଗୀନ ଯାଯାବର ଚଳଚ୍ଚିତ୍ରର ପୋଷ୍ଟର
ନିର୍ଦ୍ଦେଶକ	ତ୍ରିମୁର୍ତ୍ତୀ
ପ୍ରଯୋଜକ	ବିଜୟ ପଟ୍ଟନାୟକ
କାହାଣୀ	ବିଜୟ ମିଶ୍ର
କଳାକାର	ଶ୍ରୀରାମ ପଣ୍ଡା ବନଜା ମହାନ୍ତି ହେମନ୍ତ ଦାସ ତ୍ରିପୁରା ମିଶ୍ର
ସଙ୍ଗୀତ	ଅକ୍ଷୟ ମହାନ୍ତି
ଚିତ୍ରଗ୍ରହଣ	ଶ୍ରୀନିବାସ ମହାପାତ୍ର
ବିତରକ	ବସନ୍ତ ନାୟକ
ମୁକ୍ତିଲାଭ ତାରିଖ	୧୯୭୫
ଦେଶ	ଭାରତ
ଭାଷା	ଓଡ଼ିଆ

ଅଭିନୟ

• ଶ୍ରୀରାମ ପଣ୍ଡା
• ବନଜା ମହାନ୍ତି
• ହେମନ୍ତ ଦାସ
• ପିର ମିଶ୍ର
• ତ୍ରିପୁରା ମିଶ୍ର
• ଜୟୀରାମ ସାମଲ
• ସାମୁଏଲ ସାହୁ (ବାବି)
• ଶ୍ୟାମଳେନ୍ଦୁ
• ଦୁଃଖୀରାମ ସ୍ୱାଇଁ
• ଅନିତା ଦାସ
• ମୀରା ମହାନ୍ତି

ନିର୍ଦ୍ଦେଶକ

'ଯାଯାବର'ର ନିର୍ଦ୍ଦେଶନା ଦେବାପାଇଁ ଏକାଠି ହୋଇଥିଲେ, ଅକ୍ଷୟ ମହାନ୍ତି, ହେମନ୍ତ ଦାସ ଓ ବିଜୟ ମିଶ୍ର । ସେମାନେ ନିଜ ନାମ ଲୁଚାଇ ଏହି ଛଦ୍ମନାମ, ତ୍ରିମୁର୍ତ୍ତୀ ବ୍ୟବହାର କରିଥିଲେ । ନିର୍ଦ୍ଦେଶନା ବ୍ୟତିତ, ଅକ୍ଷୟ ମହାନ୍ତି ଏହି ଚଳଚ୍ଚିତ୍ରରେ ସଙ୍ଗୀତ ନିର୍ଦ୍ଦେଶନା କରିଥିବା ସମୟରେ, ବିଜୟ ମିଶ୍ର କାହାଣୀ ଓ ଚିତ୍ରନାଟ ରଚନା କରିଥିଲେ ଏବଂ ହେମନ୍ତ ଦାସ ଏକ ପ୍ରମୁଖ ଚରିତ୍ରରେ ଅଭିନୟ କରିଥିଲେ ।

ଗୀତ ଓ ସଙ୍ଗୀତ

ଏହି କଥାଚିତ୍ରଟିର ସଙ୍ଗୀତ ନିର୍ଦ୍ଦେଶନା ଦେଇଥିଲେ ଅକ୍ଷୟ ମହାନ୍ତି ।

ଗୀତ

• ଯାଯାବର ମନ ମୋର ନୀତି ଗଢ଼େ
• ହାଇ ସେ ହରିଣୀ ଆଖି

ରଙ୍ଗୀନ ଯାଯାବର ମୁକ୍ତିଲାଭ

କଳା ଓ ଧଳା ଓଡ଼ିଆ ସିନେମା ଯାଯାବରକୁ ରଙ୍ଗରେ ପରିଣତ କରାଯାଇଥିଲା। ଡିଜିଟାଲ କଳାକାର, ତିଳକ ରାୟ ଏବଂ ୧୮ ଜଣ ରୋଟୋ କଳାକାରଙ୍କୁ ନେଇ ବାପୁ ଲେଙ୍କା ଏହି ଚଳଚ୍ଚିତ୍ରକୁ ପୁନରୁଦ୍ଧାର ଏବଂ ସଂରକ୍ଷଣ କରିବା ପାଇଁ ଏକ ଅସାଧାରଣ ପ୍ରୟାସ କରିଥିଲେ, ଯାହା ଦେଶର ପ୍ରଥମ କଳା ଓ ଧଳା ଆଞ୍ଚଳିକ ଚଳଚ୍ଚିତ୍ର ଭାବେ ରଙ୍ଗୀନ ହୋଇଛି । ୨୧ ଟେକ୍ନୋକ୍ରାଟ୍ ଏବଂ ୭୩୬ ଦିନର ପ୍ରୟାସ ବିନା ଫିଲ୍ମକୁ ପୁନଃକାର୍ଯ୍ୟ କରିବା ସମ୍ଭବ ହୋଇନଥାନ୍ତା । ଡିଜିଟାଲ ପେଣ୍ଟିଂର ନିର୍ଦ୍ଦେଶକ ତିଲକ ରାୟ ତାଙ୍କ ସହ ଜଡିତ ରୋଟୋ କଳାକାରଙ୍କ ସହ ମିଶି ଏହି କଳା ଓ ଧଳା ଫିଲ୍ମର ୨,୧୯,୦୦୦ ଫ୍ରେମକୁ ରଙ୍ଗୀନ କରିଥିଲେ ।

ଅଧିକ ତଥ୍ୟ

• ଇଣ୍ଟରନେଟ ମୁଭି ଡାଟାବେସରେ ଯାଯାବର