ସୌମ୍ୟ ରଞ୍ଜନ ପଟ୍ଟନାୟକ
ସୌମ୍ୟରଞ୍ଜନ ପଟ୍ଟନାୟକ (ଜନ୍ମ: ୧୮ ଅଗଷ୍ଟ ୧୯୫୨) ଜଣେ ଭାରତୀୟ ରାଜନେତା, ଶିଳ୍ପପତି, ଶିକ୍ଷାବିତ, ଲେଖକ ଓ ସମାଜସେବୀ । ସେ ଦୈନିକ ଓଡ଼ିଆ ଖବରକାଗଜ ସମ୍ବାଦର ପ୍ରତିଷ୍ଠାତା ତଥା ପୂର୍ବତନ ସମ୍ପାଦକ ।[୧][୨]
ସୌମ୍ୟ ରଞ୍ଜନ ପଟ୍ଟନାୟକ | |
|---|---|
 ଭୁବନେଶରରେ ସୌମ୍ୟରଞ୍ଜନ ପଟ୍ଟନାୟକ | |
| ବିଧାୟକ: ୧୬ଶ ଓଡ଼ିଶା ବିଧାନ ସଭା | |
| କାର୍ଯ୍ୟକାଳ ୨୦୧୯ – ୨୦୨୪ | |
| ପୂର୍ବ ଅଧିକାରୀ | ଦୁଷ୍ମନ୍ତ କୁମାର ସ୍ୱାଇଁ |
| ନିର୍ବାଚନ ମଣ୍ଡଳୀ | ଖଣ୍ଡପଡ଼ା |
| ବ୍ୟକ୍ତିଗତ ସବିଶେଷ | |
| ଜନ୍ମ | ୧୮ ଅଗଷ୍ଟ ୧୯୫୨ ବାଙ୍ଗିରିପୋଷି, ମୟୂରଭଞ୍ଜ, ଓଡ଼ିଶା |
| ଜାତୀୟତା |  ଭାରତୀୟ |
| ଜୀବନ ସାଥୀ | ସୁଦତ୍ତା ପଟ୍ଟନାୟକ |
| ସନ୍ତାନ | ତଲ୍ଲୀନା ପଟ୍ଟନାୟକ, ତନୟା ପଟ୍ଟନାୟକ |
| ବାପା/ବୋଉ | ବ୍ରଜବନ୍ଧୁ ପଟ୍ଟନାୟକ |
| ଶିକ୍ଷା | ସ୍ନାତକୋତ୍ତର |
| ଶିକ୍ଷାନୁଷ୍ଠାନ | ରେଭେନ୍ସା ବିଶ୍ୱବିଦ୍ୟାଳୟ, ବନାରସ ହିନ୍ଦୁ ବିଶ୍ୱବିଦ୍ୟାଳୟ, ଉତ୍କଳ ବିଶ୍ୱବିଦ୍ୟାଳୟ |
| ପ୍ରସିଦ୍ଧି | ସମ୍ପାଦକ,ସାମ୍ବାଦିକ, ଶିକ୍ଷାବିତ,ପ୍ରାକ୍ତନ ସାଂସଦ.,ଶିଳ୍ପପତି |
| ସନ୍ତକ |  |
| ୱେବସାଇଟ | Soumyapatnaik.in |
ବାଲ୍ୟ ଜୀବନ ଓ ଶିକ୍ଷା
ସମ୍ପାଦନାସୌମ୍ୟରଞ୍ଜନ ପଟ୍ଟନାୟକ ୧୯୫୨ ମସିହା ଅଗଷ୍ଟ ମାସ ୧୮ ତାରିଖରେ ମୟୂରଭଞ୍ଜ ଜିଲ୍ଲାର ବାଙ୍ଗିରିପୋଷିରେ ଜନ୍ମଗ୍ରହଣ କରିଥିଲେ । ପିତା ବ୍ରଜବନ୍ଧୁ ପଟ୍ଟନାୟକ ବନବିଭାଗରେ ଜଣେ ରେଞ୍ଜର ଥିବାରୁ ଚାକିରି ବଦଳି ଯୋଗୁ ସୌମ୍ୟରଞ୍ଜନ ଓଡ଼ିଶାର ବହୁ ଯାଗାରେ ରହି ବିଦ୍ୟାଳୟ ଶିକ୍ଷା ସମ୍ପୂର୍ଣ୍ଣ କରିଥିଲେ ।
ସେ କଟକର ରେଭେନ୍ସା ବିଶ୍ୱବିଦ୍ୟାଳୟରୁ ରାଜନୀତି ବିଜ୍ଞାନରେ ପ୍ରଥମ ଶ୍ରେଣୀରେ ସ୍ନାତକ ହାସଲ କରି ବନାରସ ହିନ୍ଦୁ ବିଶ୍ୱବିଦ୍ୟାଳୟରୁ ରାଜନୀତି ବିଜ୍ଞାନରେ ଓ ଉତ୍କଳ ବିଶ୍ୱବିଦ୍ୟାଳୟରୁ ସାର୍ବଜନିକ ପ୍ରଶାସନରେ ସ୍ନାତକୋତ୍ତର ଅଧ୍ୟୟନ କରିଥିଲେ । ପରେ ସେ ଲଣ୍ଡନ ସ୍କୁଲ ଅଫ ଇକୋନୋମିକ୍ସ ଓ ଅକ୍ସଫୋର୍ଡ଼ ଇଉନିଭର୍ସିଟିରୁ ମଧ୍ୟ ଶିକ୍ଷାଗ୍ରହଣ କରିଥିଲେ ।
କର୍ମଜୀବନ
ସମ୍ପାଦନା୧୯୭୨ ମସିହାରେ ସେ ବନାରସ ହିନ୍ଦୁ ବିଶ୍ୱବିଦ୍ୟାଳୟରେ ଶିକ୍ଷାଦାନ କରିବା ଆରମ୍ଭ କରିଥିଲେ । ଏତେ କମ ବୟସରୁ ବନାରସ ହିନ୍ଦୁ ବିଶ୍ୱବିଦ୍ୟାଳୟରେ ତାଙ୍କର ଶିକ୍ଷାଦାନ କରିବା ସେତେବେଳେ ବିତର୍କ ସୃଷ୍ଟି କରିଥିଲା । ୧୯୮୪ ମସିହାରେ ସେ ଦୈନିକ ଓଡ଼ିଆ ଖବରକାଗଜ ସମ୍ବାଦ ଖବରକାଗଜର ପ୍ରତିଷ୍ଠା କରି ସ୍ୱତନ୍ତ୍ର ସମ୍ପାଦକୀୟ ପୃଷ୍ଠା, ଖେଳ ପୃଷ୍ଠା, ସାପ୍ତାହିକ ପତ୍ରିକା ଆଦି ନୂଆ ବିଭାଗ ସହ ମୁଦ୍ରଣରେ ଅଫସେଟ ପ୍ରିଣ୍ଟିଙ୍ଗ ଆଦି ଆରମ୍ଭ କରିଥିଲେ ।[୩] ସମ୍ବାଦ ଆନୁକୁଲ୍ୟରେ ସେ ଆମ ଓଡ଼ିଶା[୪] ନାମକ ଏକ ସଂସ୍ଥା ଗଠନ କରିଥିଲେ ଯାହା ଓଡ଼ିଶା ଓଡ଼ିଶା ସାରା ଛାତ୍ରଙ୍କ ପାଇଁ ଶୁଦ୍ଧ ଓଡ଼ିଆ ଲିଖନ ପ୍ରତିଯୋଗିତା[୫] ଦ୍ୱାରା ସେମାନଙ୍କ ମଧ୍ୟରେ ଓଡ଼ିଆ ପଢ଼ିବା ଓ ଲେଖିବା ପାଇଁ ଆଗ୍ରହ ସୃଷ୍ଟିକରିବା କ୍ଷେତ୍ରରେ କାର୍ଯ୍ୟକରିଥିଲା । ତାଙ୍କର ପାରମ୍ପରିକ ଯାତ୍ରା, ଓଡ଼ିଆ ସିନେମା, ରେଡ଼ିଓ ଓ ଟେଲିଭିଜନକୁ ଅବଦାନ[୬] ମଧ୍ୟରେ ଇଷ୍ଟର୍ଣ୍ଣ ଅପେରା ଯାତ୍ରାଦଳ, କନକ ଟିଭି ନାମକ ୨୪ ଘଣ୍ଟିଆ ଖବରଭିତ୍ତିକ ଟିଭି ଚ୍ୟାନେଲ ଓ ୨୪ ଘଣ୍ଟିଆ ମନୋରଞ୍ଜନ ଧର୍ମୀ ଚ୍ୟାନେଲ ମଞ୍ଜରୀ, ଏଫ.ଏମ. ରେଡ଼ିଓ ଚ୍ୟାନେଲ ରେଡ଼ିଓ ଚକୋଲେଟ୍ ଆଦି ଆରମ୍ଭ କରିବା ଅନ୍ୟତମ । ସେ ଓଡ଼ିଆ କଥାଚିତ୍ର ଲାଲ ଓଢ଼ଣି, ତୁ ଭାରି ବିୟୁଟିଫୁଲ୍, ତୁ ଆଉ ମୁଁ ଓ ମୀମାଂସାର ପ୍ରଯୋଜନା, ତୋ ପାଇଁ ନେବି ମୁଁ ଶହେ ଜନମର ସହପ୍ରଯୋଜନା, ଏବଂ ବାବୁ ଆଇ ଲଭ ୟୁର କାହାଣୀ ରଚନା କରିଥିଲେ । ସେ କେ.ଏମ.ବି.ବି କଲେଜ ଅଫ ଇଞ୍ଜିନିୟରିଂ[୭] ନାମରେ ଏକ ବୈଷୟିକ ମହାବିଦ୍ୟାଳୟ ଓ ସମ୍ବାଦ ସ୍କୁଲ ଅଫ ମିଡ଼ିଆ ଆଣ୍ଡ କଲଚର[୮] ନାମରେ ଏକ ଗଣମାଧ୍ୟମ ମହାବିଦ୍ୟାଳୟ ପ୍ରତିଷ୍ଠା କରିଥିଲେ । ୧୯୯୬ ମସିହା ସାଧାରଣ ନିର୍ବାଚନରେ ସୌମ୍ୟରଞ୍ଜନ ଭୁବନେଶ୍ୱର ଲୋକ ସଭା ନିର୍ବାଚନ ମଣ୍ଡଳୀରୁ କଂଗ୍ରେସ ପ୍ରାର୍ଥୀ ସଫଳ ଭାବରେ ପ୍ରତିଦ୍ୱନ୍ଦିତା କରିଥିଲେ । ୧୯୯୮ ସାଧାରଣ ନିର୍ବାଚନରେ ପୁନର୍ବାର ପ୍ରତିଦ୍ୱନ୍ଦିତା କରି ବିଫଳ ହୋଇଥିଲେ । ୨୦୦୩ ମସିହାରେ ସେ ଆମ ଆମ ଓଡ଼ିଶା ଦଳ ନାମରେ ରାଜନୈତିକ ଦଳ ଆରମ୍ଭ କରି ନିର୍ବାଚନ ଲଢ଼ି ବିଫଳ ହୋଇଥିଲେ । ପରେ ତାଙ୍କୁ ବିଜୁ ଜନତା ଦଳ ତରଫରୁ ରାଜ୍ୟ ସଭାକୁ ମନୋନୀତ କରାଯାଇଥିଲା । ୨୦୧୮ ମସିହାରେ ଆମ ଓଡ଼ିଶା ଦଳର ବିଜୁ ଜନତା ଦଳ ସହ ମିଶ୍ରଣ ହୋଇଥିଲା ।[୯] ୨୦୧୯ ମସିହା ବିଧାନ ସଭା ନିର୍ବାଚନରେ ସେ ଖଣ୍ଡପଡ଼ାରୁ ବିଧାନସଭାକୁ ବିଧାୟକ ଭାବରେ ନିର୍ବାଚିତ ହୋଇଥିଲେ ।[୧୦] ସେ ୨୦୨୩ ଅକ୍ଟୋବରରେ ସମ୍ବାଦର ସମ୍ପାଦକ ପଦରୁ ଅବସର ନେଇଥିଲେ ।[୧୧]
ପରିବାର
ସମ୍ପାଦନାସୌମ୍ୟରଞ୍ଜନ ପଟ୍ଟନାୟକ, ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ଜାନକୀ ବଲ୍ଲଭ ପଟ୍ଟନାୟକ ଓ ରାଜନେତା ଜୟନ୍ତୀ ପଟ୍ଟନାୟକଙ୍କ କନ୍ୟା ସୁଦତ୍ତା ପଟ୍ଟନାୟକଙ୍କୁ ବିବାହ କରିଛନ୍ତି ।[୧୨] ଏହି ଦମ୍ପତିଙ୍କର ଦୁଇ ଝିଅ ଅଛନ୍ତି । ବଡ଼ ଝିଅଙ୍କ ନାମ ତଲ୍ଲୀନା ଓ ସାନ ଝିଅ ତନୟା ସମ୍ବାଦର ସମ୍ପାଦକ ।[୧୧] ସୌମ୍ୟରଞ୍ଜନଙ୍କର ବଡ଼ ଭାଇ ନିରଞ୍ଜନ ପଟ୍ଟନାୟକ ଓଡ଼ିଶା ରାଜ୍ୟ କଂଗ୍ରେସର ଜଣେ ବରିଷ୍ଠ ସଦସ୍ୟ ।
ରଚନାବଳୀ
ସମ୍ପାଦନା- ଆମ ଓଡ଼ିଶା ଗପ
- ଆମ ଘରର ହାଲଚାଲ (ପ୍ରଥମ ଓ ଦ୍ୱିତୀୟ ଭାଗ)
- ଓଡ଼ିଶା ଶାସନର ଏକ ସ୍ୱର୍ଣ୍ଣଯୁଗ
- କଥା ଶତକ (ପ୍ରଥମ ଓ ଦ୍ୱିତୀୟ ଭାଗ)
- ସେମାନଙ୍କ ପିଲାଦିନ
- ନିର୍ବାଚିତ କଥା
- ପ୍ରେମ କଥା
- ଶ୍ରେଷ୍ଠ କଥା
- Odishsa Tales
- Janaki Ballav Patnaik: The March To a Modern Odisha
ଆଧାର
ସମ୍ପାଦନା- ↑ "ଆର୍କାଇଭ୍ କପି" (PDF). Archived from the original (PDF) on 2012-11-19. Retrieved 2012-09-03.
{{cite web}}: Cite has empty unknown parameter:|1=(help) - ↑ http://www.parliamentofindia.nic.in/ls/lok11/biodata/11or05.htm
- ↑ "ଆର୍କାଇଭ୍ କପି". Archived from the original on 2012-09-02. Retrieved 2012-09-03.
{{cite web}}: Cite has empty unknown parameter:|1=(help) - ↑ "ଆର୍କାଇଭ୍ କପି". Archived from the original on 2013-01-16. Retrieved 2012-09-03.
{{cite web}}: Cite has empty unknown parameter:|1=(help) - ↑ http://www.aamaodisha.org.in/kahinki-kipari.php[permanent dead link]
- ↑ http://orissamatters.com/2009/10/05/kanak-tv/
- ↑ "ଆର୍କାଇଭ୍ କପି". Archived from the original on 2012-07-23. Retrieved 2012-09-03.
{{cite web}}: Cite has empty unknown parameter:|1=(help) - ↑ http://www.ssomac.com/
- ↑ "Ama Odisha Party president Soumya Ranjan Patnaik joins BJD in presence Naveen Patanik". orissadiary.com/. orissa diary. Retrieved 23 December 2019.
- ↑ "BJD storming to power in Odisha for fifth consecutive term". www.indiatoday.in/. india today. Retrieved 23 December 2019.
- ↑ ୧୧.୦ ୧୧.୧ Mohanty, Debabrata (2 October 2023). "Soumya Ranjan Patnaik steps down as editor of Sambad". ହିନ୍ଦୁସ୍ତାନ ଟାଇମ୍ସ. Retrieved 2024-06-28.
- ↑ "ଆର୍କାଇଭ୍ କପି". Archived from the original on 2009-06-19. Retrieved 2012-09-03.
{{cite web}}: Cite has empty unknown parameter:|1=(help)
ବାହାର ଆଧାର
ସମ୍ପାଦନା