ମୁଁ ରାଜା ତୁ ରାଣୀ

ମୁଁ ରାଜା ତୁ ରାଣୀ, ୨୦୧୩ରେ ମୁକ୍ତିଲାଭ କରିଥିବା ଓଡ଼ିଆ କଥାଚିତ୍ର । ଏହି କଥାଚିତ୍ରଟିର ପ୍ରଯୋଜନା କରିଥିଲେ ଅତୀସ କୁମାର ରାଉତ । ଅମୀୟବାଳା ରାଉତ ଏହି କଥାଚିତ୍ରଟିର କାହାଣୀ ରଚନା କରିଥିଲେ । ପ୍ରଦୀପ୍ତ ନନ୍ଦ ଏହି କଥାଚିତ୍ରଟିର ସଂଳାପ ରଚନା କରିଥିଲେ । ପ୍ରଦୀପ୍ତ ନନ୍ଦ ଏବଂ ସୁଧାଂଶୁ ମୋହ‌ନ ସାହୁ ଉଭୟ କଥାଚିତ୍ରଟିର ଚିତ୍ରନାଟ୍ୟ ରଚନା କରିଥିଲେ । ସୁଧାଂଶୁ ମୋହ‌ନ ସାହୁ ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ । ସଙ୍ଗୀତ ନିର୍ଦ୍ଦେଶକ ମଳୟ ମିଶ୍ର କଥାଚିତ୍ରଟିର ସ୍ୱର ସଂଯୋଜନା କରିଥିଲେ ।

ମୁଁ ରାଜା ତୁ ରାଣୀ
ନିର୍ଦ୍ଦେଶକ	ସୁଧାଂଶୁ ମୋହ‌ନ ସାହୁ
ପ୍ରଯୋଜକ	ଅତୀସ କୁମାର ରାଉତ
ସଂଳାପ	ପ୍ରଦୀପ୍ତ ନନ୍ଦ
ଚିତ୍ରନାଟ୍ୟ	ପ୍ରଦୀପ୍ତ ନନ୍ଦ, ସୁଧାଂଶୁ ମୋହ‌ନ ସାହୁ
କାହାଣୀ	ଅମୀୟବାଳା ରାଉତ
କଳାକାର	ଅରିନ୍ଦମ, ସମ୍ଭାବନା ମହାନ୍ତି, ସିଦ୍ଧାନ୍ତ ମହାପାତ୍ର, ହରିହର ମହାପାତ୍ର
ସଙ୍ଗୀତ	ମଳୟ ମିଶ୍ର
ଚିତ୍ରଗ୍ରହଣ	ନିରଞ୍ଜନ ଦାସ
ସମ୍ପାଦକ	ସୁକୁମାର ମଣି
ମୁକ୍ତିଲାଭ ତାରିଖ	୧୪ ଅକ୍ଟୋବର ୨୦୧୩
ଦେଶ	ଭାରତ
ଭାଷା	ଓଡ଼ିଆ

ଏହି କଥାଚିତ୍ରଟିର ମୁଖ୍ୟ ଭୂମିକାରେ ଅଭିନୟ କରିଥିଲେ ଅରିନ୍ଦମ ରାୟ ଏବଂ ନବାଗତା ସମ୍ଭାବନା ମହାନ୍ତି । ଅଭିନେତ୍ରୀ ସ୍ନିଗ୍ଧା ମହାନ୍ତିଙ୍କର ଝିଅ ହେଉଛନ୍ତି ସମ୍ଭାବନା । ସେ ଏହି ଚଳଚ୍ଚିତ୍ର ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ସିଦ୍ଧାନ୍ତ ମହାପାତ୍ର, ହରିହର ମହାପାତ୍ର, ଅକ୍ଷୟ ବସ୍ତିଆ, ମନୋଜ ମିଶ୍ର, ଅନୀତା ଦାସ, ଦେବ୍, ମୁନ୍ନା ଆଦି କଳାକାରମାନେ ଏହି କଥାଚିତ୍ରଟିର ବିଭିନ୍ନ ଭୂମିକାରେ ଅଭିନୟ କରିଥିଲେ ।

ଅଭିନୟ

• ଅରିନ୍ଦମ ରାୟ - ବିଜୟ
• ସମ୍ଭାବନା ମହାନ୍ତି - ଚନ୍ଦ୍ରିକା
• ସିଦ୍ଧାନ୍ତ ମହାପାତ୍ର - ଏସିପି ଆର୍ଯ୍ୟ କୁମାର
• ହରିହର ମହାପାତ୍ର - ମାମା
• ଅକ୍ଷୟ ବସ୍ତିଆ - କୀର୍ତ୍ତନ
• ମନୋଜ ମିଶ୍ର -
• ଅନିତା ଦାସ - ବିଜୟର ମାଆ
• ଦେବ୍
• ମୁନ୍ନା

ଗୀତ ଏବଂ ସଙ୍ଗୀତ

ଏହି କଥାଚିତ୍ରଟିର ସଙ୍ଗୀତ ନିର୍ଦ୍ଦେଶନା ଦେଇଥିଲେ ମଳୟ ମିଶ୍ର । ନିମାଇଁ ମହାନ୍ତି, ଅରୁଣ ମନ୍ତ୍ରୀ, ଅମୀୟବାଳା ରାଉତ ଆଦି ଗୀତିକାରମାନେ କଥାଚିତ୍ରଟିର ଗୀତଗୁଡ଼ିକ ରଚନା କରିଥିଲେ । ଇରା ମହାନ୍ତି, ଉଦିତ ନାରାୟଣ, ସୁରେଶ ୱାଡ଼େକର ଆଦି କଣ୍ଠଶିଳ୍ପୀମାନେ କଥାଚିତ୍ରଟିର ଗୀତଗୁଡ଼ିକ ଗାଇଥିଲେ ।

ଗୀତ

କ୍ରମ	ଗୀତ	ସମୟ
1.	"ମୁଁ ଏମିତି ଗୋଟେ"
2.	"ରୋଡ୍ ସାଇଡ୍"
3.	"ମୁଁ ରାଜା ତୁ ରାଣୀ"
4.	"ଯାଦୁଗର ଯାଦୁଗର"
5.	"ଦୁଇଟି ଚଢ଼େଇ"
6.	"ଦିନ ସରେନା"

ବାହାର ଆଧାର

• ଇଣ୍ଟରନେଟ ମୁଭି ଡାଟାବେସରେ ମୁଁ ରାଜା ତୁ ରାଣୀ