ଦୀପ୍ତିରେଖା ପାଢ଼ୀ

ଦୀପ୍ତିରେଖା ପାଢ଼ୀ ଜଣେ ଓଡ଼ିଆ ଦୂରଦର୍ଶନ ଅଭିନେତ୍ରୀ ଏବଂ ପ୍ରଚ୍ଛଦପଟ ଗାୟିକା । ସେ ଓଡ଼ିଆ ଚଳଚ୍ଚିତ୍ର ଲଭ୍ ଡଟ୍ କମ୍‌ରେ ପ୍ରଥମ କରି ପ୍ରଚ୍ଛଦପଟ ଗାୟିକା ଭାବରେ କାମ କରିଥିଲେ । ଏହା ପରେ ସେ ଇ ଟିଭି ଓଡ଼ିଆରେ ପ୍ରସାରିତ ରାଜକନ୍ୟା ଧାରାବାହିକରେ ନୟିକା ପୂର୍ବି ଭାବରେ ଅଭିନୟ କରିଥିଲେ । ଦୀପ୍ତି ଓଡ଼ିଆ କଥାଚିତ୍ର ସମେତ ଓଡ଼ିଆ ଭଜନ ଓ ଆଲବମ ଆଦିରେ ଗୀତ ଗାଇଛନ୍ତି ।

ଦୀପ୍ତିରେଖା ପାଢ଼ୀ
ଜନ୍ମ	୧୭ ଅକ୍ଟୋବର ଭୁବନେଶ୍ୱର ଓଡ଼ିଶା, ଭାରତ
ବୃତ୍ତି(ସମୂହ)	(ଓଡ଼ିଆ) ଅଭିନେତ୍ରୀ ପ୍ରଚ୍ଛଦପଟ ଗାୟିକା
ସକ୍ରିୟ ବର୍ଷ	୨୦୦୯ରୁ-ଏବେଯାଏଁ
ପୁରସ୍କାର	ଓଡ଼ିଆ ଫିଲ୍ମ‌ଫେୟାର- ୨୦୧୭ ତରଙ୍ଗ ସିନେ ଆୱାର୍ଡ଼

ପ୍ରାରମ୍ଭିକ ଜୀବନ

ଦୀପ୍ତିରେଖା ଭୁବନେଶ୍ୱରରେ ଜନ୍ମଗ୍ରହଣ କରିଥିଲେ । ତାଙ୍କର ଜଣେ ବଡ଼ ଭଉଣୀ ଏବଂ ଗୋଟିଏ ସାନ ଭାଇ ଅଛନ୍ତି । ସେ ଛୋଟବେଳୁ ଗୀତ ଶିଖିବା ଆରମ୍ଭ କରିଥିଲେ । ସେ ରାଜଧାନୀ କଳା ସଂସଦରେ ପ୍ରଥମେ ଗୀତ ଶିଖିଥିଲେ ।

ଅଭିନୟ ଜୀବନ

ଦୀପ୍ତି ସାତ ବର୍ଷ ବୟସରୁ ଗୀତ ଶିଖିବା ଆରମ୍ଭ କରିଥିଲେ । ସେ ଛୋଟବେଳେ ବିଦ୍ୟାଳୟରେ ଅନୁଷ୍ଠିତ ଗୀତ ପ୍ରତିଯୋଗିତାମାନଙ୍କରେ ଭାଗ ନେଉଥିଲେ । ୨୦୦୯ରେ ଦୀପ୍ତି ତାଙ୍କ କାକାଙ୍କ ସ‌ହ ପ୍ରେମ ଆନନ୍ଦଙ୍କ ପାଖକୁ ଯାଇଥିଲେ । ସେଠାରେ ପ୍ରେମାନନ୍ଦ ତାଙ୍କୁ ଓଡ଼ିଆ ଚଳଚ୍ଚିତ୍ର ଲଭ୍ ଡଟ୍ କମ୍‌ରେ ପ୍ରଚ୍ଛଦପଟ ଗାୟିକା ଭାବରେ ନେଇଥିଲେ ଏବଂ ନୂଆ ପ୍ରେମିକା ଆଲବମ୍‌ରେ ଗୀତ ଗାଇବାର ସୁଯୋଗ ଦେଇଥିଲେ । ପରେ ପରେ ଦୀପ୍ତି ଭାଇନା, କ'ଣ କଲା ସେର ଚଲା କରିବା ଠିଆ ପାଲା ଭଳି ଗୀତ ଗାଇଥିଲେ । ତାଙ୍କର ଅନ୍ୟ କିଛି ଗୀତ ହେଲା: ଯିଏ ମୋତେ କିଣି ଦେବ ଛୋଟ ଛୋଟ ଛିଟ ଜାମା, ତୁ ମୋ ଲଭ୍ ଷ୍ଟୋରୀ ଚଳଚ୍ଚିତ୍ରର ଗୀତ । ବେବି, ଅଭୟ, ରୋମିଓ ଜୁଲିଏଟ, ହିରୋ ନଂ ୱାନ୍ ଭଳି ଚଳଚ୍ଚିତ୍ରରେ ସେ ଗୀତ ଗାଇଥିଲେ ।

ଇ ଟିଭି ଓଡ଼ିଆରେରେ ପ୍ରସାରିତ ଧାରାବାହିକ ରାଜକନ୍ୟାର ପୂର୍ବ ନାୟିକା ଛାଡ଼ିଦେବା ପରେ ଦୀପ୍ତିଙ୍କୁ ମଳୟ ମଲ୍ଲିକଙ୍କ ତରଫରୁ ସୁଯୋଗ ଦିଆଯାଇଥିଲା । ଏହି ଧାରାବାହିକରେ ସେ ନାୟିକା ପୂର୍ବି ଭାବରେ ଅଭିନୟ କରୁଥିଲେ ।

ଅଭିନୀତ ଧାରାବାହିକ

• ରାଜକନ୍ୟା- ଇ ଟିଭି ଓଡ଼ିଆ

ପ୍ରଚ୍ଛଦପଟ ଗାୟିକା

• ଲଭ୍ ଡଟ୍ କମ୍
• ଚାନ୍ଦ ନା ତମେ ତାରା- ଯିଏ ମୋତେ କିଣି ଦେବ ଛୋଟ ଛୋଟ ଛିଟ ଜାମା
• ଭାଇନା, କ'ଣ କଲା ସେ- ଚାଲ କରିବା ଠିଆ ପାଲା
• ବେବି- ତୁ ମୋ ହୃଦୟର ଭାଷା
• ତୁ ମୋ ଲଭ୍ ଷ୍ଟୋରୀ- ଟିକେ ଟିକେ ଅଚିହ୍ନା ତୁ ଟିକେ ଟିକେ ଚିହ୍ନା
• ଅଭୟ- ଗଜଲ୍ ଗଜଲ୍
• ରୋମିଓ ଜୁଲିଏଟ- ବେଳ ବେଳେ ଭଲ ଲାଗେ
• ବଜରଙ୍ଗୀ- ହାଏ ତୋ ପ୍ରେମ
• ହିରୋ ନଂ ୱାନ୍- ଡାର୍ଲିଂ ଡାର୍ଲିଂ
• ପ୍ରେମ୍ କୁମାର

ପୁରସ୍କାର

• ଓଡ଼ିଆ ଫିଲ୍ମ‌ଫେୟାର ପୁରସ୍କାର- ୨୦୧୭
• ତରଙ୍ଗ ସିନେ ଆୱାର୍ଡ଼- ୨୦୧୭