ନିରଞ୍ଜନ ଶତପଥୀ

ନିରଞ୍ଜନ ଶତପଥୀ ଜଣେ ଓଡ଼ିଆ କଥାଚିତ୍ର ଓ ନାଟକ ଅଭିନେତା ଏବଂ ନିର୍ଦ୍ଦେଶକ ।

ନିରଞ୍ଜନ ଶତପଥୀ
ଜନ୍ମ ଓ ଜନ୍ମସ୍ଥାନ ୨୭ ଅଗଷ୍ଟ ୧୯୨୭(1927-08-27)
ବାଉଁଶଲୁଣ୍ଡି, ଭଞ୍ଜନଗର, ଗଞ୍ଜାମ ଜିଲ୍ଲା
ମୃତ୍ୟୁ ୬ ଜାନୁଆରୀ, ୨୦୧୫ (୮୭ ବର୍ଷ)
ଭୁବନେଶ୍ଵର
କାର୍ଯ୍ୟକାଳ ୧୯୫୦-୧୯୮୪
ପ୍ରସିଦ୍ଧି ଅଭିନେତା
ଜୀବନସାଥି ସୌଦାମିନୀ
ପୁରସ୍କାର ଓଡ଼ିଶା ସଙ୍ଗୀତ ନାଟକ ଏକାଡେମୀ
ଗୁରୁ କେଳୁଚରଣ ମହାପାତ୍ର ସମ୍ମାନ

୨୭ ଅଗଷ୍ଟ ୧୯୨୭ ମସିହାରେ ସେ ଗଞ୍ଜାମ ଜିଲ୍ଲା ଭଞ୍ଜନଗର ନିକଟସ୍ଥ ବାଉଁଶଲୁଣ୍ଡି ଗ୍ରାମରେ ଜନ୍ମଗ୍ରହଣ କରିଥିଲେ । ଶତପଥୀ ଆଇଏ ପାସ୍‍ ପରେ ଦ୍ୱିତୀୟ ବିଶ୍ୱଯୁଦ୍ଧ ସମୟରେ ବାୟୁସେନାରେ ଯୋଗ ଦେଇଥିଲେ ।[୧] ତାଙ୍କୁ ଓଡ଼ିଶା ପୁଲିସର ସର୍ଜେଣ୍ଟ ଭାବେ ନିଯୁକ୍ତି ମିଳିଥିଲା; ହେଲେ ସେ ସୁଯୋଗ ପ୍ରତ୍ୟାହାର କରି ପେସାଦାର ଅଭିନେତାର ପରିଚୟ ସୃଷ୍ଟି କରିଥିଲେ । ୧୯୭୪ରେ ଅନ୍ନୂର୍ଣ୍ଣା ଥିଏଟର ‘ଏ ଗୃପ’ରେ ଯୋଗ ଦେଇଥିଲେ । ପରେ ସେ ଅନ୍ନପୂର୍ଣ୍ଣା ‘ବି’ ଗୃପ କଟକରେ ଯୋଗ ଦେଇ ‘ଘର ସଂସାର’ ନାଟକରେ ମିଃ ବର୍ମା ଭୂମିକାରେ ମର୍ମସ୍ପର୍ଶୀ ଅଭିନୟ କରି ସମସ୍ତଙ୍କ ମନ ଜିଣିବାରେ ସଫଳ ହୋଇଥିଲେ । ଏହି ନାଟକ ତାଙ୍କୁ ଜଣେ ଲୋକପ୍ରିୟ ଅଭିନେତାଭାବେ ପ୍ରତିଷ୍ଠା ଆଣିଦେଇଥିଲା । ମଞ୍ଚ ନାଟକ ବ୍ୟତୀତ ସେ ଓଡ଼ିଆ କଥାଚିତ୍ର ଶ୍ରୀ ଜଗନ୍ନାଥ, ସହରୀ ବାଘ, ଘର ବାହୁଡ଼ା, ଅଲିଭା ଦାଗ, ଘର ସଂସାର, ଅଦିନ ମେଘ, ଜୀବନସାଥୀ, ‘ନିଝୁମ ରାତିର ସାଥୀ’ ପ୍ରଭୃତି କଥାଚିତ୍ରରେ ଅଭିନୟ କରିଥିଲେ । ୬ ଜାନୁଆରୀ ୨୦୧୫, ମଙ୍ଗଳବାର ଅପରାହ୍ଣରେ ଭୁବନେଶ୍ଵରସ୍ଥ ଭିଏସ୍‍ଏସ୍‍ନଗରସ୍ଥିତ ବାସଭବନରେ ପରଲୋକ ହୋଇଯାଇଛି । କିଛି ମାସ ଧରି ସେ ଅସୁସ୍ଥ ଥିଲେ । ମୃତ୍ୟୁଶଯ୍ୟା ନିକଟରେ ପତ୍ନୀ , ପୁତ୍ର, କନ୍ୟା, ପରିବାର ସଦସ୍ୟ ଉପସ୍ଥିତ ଥିଲେ । ସନ୍ଧ୍ୟାରେ ପୁରୀ ସ୍ୱର୍ଗଦ୍ୱାରରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି ।[୨]

ପୁରସ୍କାର ଓ ସମ୍ମାନସମ୍ପାଦନ କରନ୍ତୁ

ତାଙ୍କର ଅନନ୍ୟ ସାଧନା ପାଇଁ ସେ ଓଡ଼ିଶା ସଙ୍ଗୀତ ନାଟକ ଏକାଡେମୀ (୧୯୯୧), ଶାରଳା ପୁରସ୍କାର, କଳିଙ୍ଗ ପୁରସ୍କାର, ଓଡ଼ିଶା ସିନେ କ୍ରିଟିକ୍‍ ଆସୋସିଏସନ, ଶତାବ୍ଦୀର କଳାକାର ସମ୍ମାନ, ଇଟ୍‍ ସମ୍ମାନ, ମନନ ସମ୍ମାନ, ପଞ୍ଚମବେଦ ସମ୍ମାନ ପାଇଥିଲେ ।

ଆଧାରସମ୍ପାଦନ କରନ୍ତୁ

  1. ପ୍ରମେୟ, ୭ ଜାନୁଆରୀ ୨୦୧୫, ପୃଷ୍ଠା:୩
  2. ସମାଜ, ୭ ଜାନୁଆରୀ ୨୦୧୫, ପୃଷ୍ଠା:୩
  3. Palit, Ashok. "Odisha: Guru Kelucharan Mohapatra Samman for 2014 announced". OrissaDiary. OMIS Pvt. Ltd. Retrieved 7 January 2015. 
  4. "Honour for actor". The Hindu. The Hindu. Retrieved 7 January 2015. 
  5. Sahu, Diana. "To Akhire Mu wins best movie award". The New Indian Express. The New Indian Express. Retrieved 7 January 2015. 

ଅଧିକ ତଥ୍ୟସମ୍ପାଦନ କରନ୍ତୁ