ଶ୍ରଦ୍ଧାକର ସୂପକାର

ଶ୍ରଦ୍ଧାକର ସୂପକାର (୧୪ ସେପ୍ଟେମ୍ବର ୧୯୧୪ - ୫ ଜାନୁଆରୀ ୧୯୯୩) ଜଣେ ଗାନ୍ଧିବାଦୀ ରାଜନେତା, ସମାଜସେବୀ, ଆଇନଜୀବୀ, ଶିକ୍ଷାବିତ୍‍, ସାମ୍ବାଦିକ ଏବଂ କଥାକାର ଥିଲେ । ସେ ୫୦ ଓ ୬୦ ଦଶକରେ ଜଣେ ଓଡ଼ିଆ ପ୍ରାବନ୍ଧିକ ଥିଲେ ।

ଶ୍ରଦ୍ଧାକର ସୂପକାର
ଜନ୍ମ ଓ ଜନ୍ମସ୍ଥାନ	(1914-09-14)୧୪ ସେପ୍ଟେମ୍ବର ୧୯୧୪ ଝାରୁଆପଡ଼ା, ସମ୍ବଲପୁର ଜିଲ୍ଲା
ମୃତ୍ୟୁ	୫ ଜାନୁଆରୀ ୧୯୯୩(1993-01-05) (ବୟସ ୭୮)
ବୃତ୍ତି	ରାଜନେତା
ଭାଷା	ଓଡ଼ିଆ
ଜାତୀୟତା	ଭାରତୀୟ
ନାଗରିକତା	ଭାରତୀୟ
ଶିକ୍ଷା	ପିଏଚଡ଼ି(ହିନ୍ଦୁ ଆଇନ)
ଶିକ୍ଷାନୁଷ୍ଠାନ	ରେଭେନ୍ସା ମହାବିଦ୍ୟାଳୟ, ପାଟଣା ବିଶ୍ୱବିଦ୍ୟାଳୟ
ସାହିତ୍ୟ କୃତି	"ଗଳ୍ପାଞ୍ଜଳି", "ବିଷକନ୍ୟା", "ଜୁଆର-ଭଟ୍ଟା"

ପ୍ରାରମ୍ଭିକ ଜୀବନ ଓ ଶିକ୍ଷା

ସୂପକାର ୧୯୧୪ ମସିହା ସେପ୍ଟେମ୍ବର ୧୪ ତାରିଖରେ ସମ୍ବଲପୁର ଜିଲ୍ଲାର ଝାରୁଆପଡ଼ାଠାରେ ଜନ୍ମଗ୍ରହଣ କରିଥିଲେ । ତାଙ୍କର ପିତା ଥିଲେ ଡାକ୍ତର ଜନାର୍ଦ୍ଧନ ପୂଜାରୀ ଓ ମାତା ଥିଲେ ତ୍ରିବେଣୀ ଦେବୀ । ସେ ରେଭେନ୍ସା ମହାବିଦ୍ୟାଳୟରୁ ଗଣିତ ସମ୍ମାନ ସହ ସ୍ନାତକ ଏବଂ ପାଟଣା ବିଶ୍ୱବିଦ୍ୟାଳୟରୁ ଇଂରାଜୀରେ ସ୍ନାତକୋତ୍ତର ପାଠ ପଢ଼ିଥିଲେ । ପରେ ହିନ୍ଦୁ ଆଇନ ଉପରେ ଗବେଷଣା କରି, ସେ ସମ୍ବଲପୁର ବିଶ୍ୱବିଦ୍ୟାଳୟରୁ ପିଏଚଡ଼ି ହାସଲ କରିଥିଲେ ।

ରାଜନୀତିକ ଜୀବନ

୧୯୪୯ମସିହାରେ ସେ ପ୍ରଥମଥର ପାଇଁ ଓଡ଼ିଶା ବିଧାନ ସଭାକୁ ଜଣେ ସ୍ୱାଧୀନ ପାର୍ଥୀ ଭାବରେ ନିର୍ବାଚିତ ହୋଇଥିଲେ । ୧୯୫୧ରେ ପୁନଶ୍ଚ ବିଧାନ ସଭା ଓ ୧୯୫୭ରେ ଲୋକ ସଭାକୁ ନିର୍ବାଚିତ ହୋଇଥିଲେ । ପରେ ସେ କଂଗ୍ରେସ ଦଳରେ ଯୋଗଦେଇ ୧୯୬୫କୁ ରାଜ୍ୟସଭାକୁ ନିର୍ବାଚିତ ହୋଇଥିଲେ । ୧୯୮୫ ମସିହାରେ ସୁପକାର ସମ୍ବଲପୁର ବିଧାନ ସଭା ନିର୍ବାଚନ ମଣ୍ଡଳୀରୁ କଂଗ୍ରେସ ଦଳର ପ୍ରାର୍ଥୀ ଭାବେ ନିର୍ବାଚିତ ହୋଇ ଓଡ଼ିଶା ବିଧାନ ସଭାରେ ଯୋଗଦେଇଥିଲେ । ୧୯୫୧ରେ ସେ ଆଉଥରେ କଂଗ୍ରେସ ଦଳର ପ୍ରାର୍ଥୀ ଭାବେ ରେଢ଼ାଖୋଲ ବିଧାନ ସଭା ନିର୍ବାଚନ ମଣ୍ଡଳୀରୁ ନିର୍ବାଚିତ ହୋଇ ବିଧାନ ସଭାରେ ଯୋଗଦେଇଥିଲେ ।

ରଚନାବଳୀ

ସୁପକାର, ଛାତ୍ରାବସ୍ଥାରୁ ସାହିତ୍ୟାନୁରାଗୀ ଥିଲେ ଓ ଲେଖାଲେଖି କରୁଥିଲେ । ତାଙ୍କ ଲେଖା ଶଙ୍ଖ, ଚରୁରଙ୍ଗ, ନବଯୁଗ ଆଦି ପତ୍ରିକାରେ ଛପା ଯାଉଥିଲା ।

ରଚନାବଳୀ

ସୁପକାରଙ୍କ ପ୍ରମୁଖ ରଚନାବଳୀ ମଧ୍ୟରେ "ଗଳ୍ପାଞ୍ଜଳି", "ବିଷକନ୍ୟା", "ଜୁଆର-ଭଟ୍ଟା", "ଗୋଟିଏ କରୁଣ ରାତି", "କସ୍ତୁରୀ ମୃଗ", "ସୂପ", "ସୁରେନ୍ଦ୍ର ସାଏ", "ଆର୍ତ୍ତବନ୍ଧୁ ଆଇଜାକ୍‍ ସାଆନ୍ତରା", "ଲେନିନ୍‍", "ପ୍ରେମର ଅନେକ ରଙ୍ଗ" ପ୍ରଭୃତି କାହାଣୀ ଓ ଜୀବନାଲେଖ୍ୟ ପୁସ୍ତକ ।

ସମ୍ମାନ ଓ ପୁରସ୍କାର

• ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର

୧୯୯୩ ମସିହା ଜାନୁଆରୀ ୫ ତାରିଖରେ ତାଙ୍କର ମୃତ୍ୟୁ ହୋଇଥିଲା ।