ଶରତ ମହାନ୍ତି

ଶରତ ମହାନ୍ତି ଜଣେ ଓଡ଼ିଆ ସିନେମା ଅଭିନେତା ଥିଲେ । ସେ ପ୍ରଥମେ ଅନ୍ନପୂର୍ଣ୍ଣା ଥିଏଟରରୁ ଅଭିନୟ ଆରମ୍ଭ କରିଥିଲେ । ପରେ ୧୯୬୨ ମସିହାରେ ମୁକ୍ତିଲାଭ କରିଥିବା ସିନେମା ଲକ୍ଷ୍ମୀରେ ପ୍ରଥମ କରି ସିନେମାରେ ଅଭିନୟ କରିଥିଲେ । ତାଙ୍କ ଅଭିନୀତ କେତେକ ପ୍ରମୁଖ ଚଳଚ୍ଚିତ୍ର ହେଲା କା, ଅମଡ଼ା ବାଟ, ସ୍ତ୍ରୀ, ମଲାଜହ୍ନ, ଭୁଲି ହୁଏନା, ପୂଜାଫୁଲ ଏବଂ ସକଳ ତୀର୍ଥ ତୋ ଚରଣେ । ସେ ମୁଖ୍ୟତଃ ହାସ୍ୟ ଅଭିନେତା ଭାବରେ ୫୦ରୁ ଅଧିକ ସିନେମା ଓ ଟିଭି ଧାରାବାହିକରେ ଅଭିନୟ କରିଥିଲେ । ଓଡ଼ିଆ ମଞ୍ଚକୁ ତାଙ୍କର ଅଭିନୟ ନିମନ୍ତେ ତାଙ୍କୁ ୨୦୦୭ ମସିହାରେ ଶତାବ୍ଦୀର କଳାକାର ତରଫରୁ ପୁରସ୍କୃତ କରାଯାଇଥିଲା ।

ଶରତ ମହାନ୍ତି
ଜନ୍ମ	୧୯୩୦ କ୍ଷୀରକୋଣା, ସୋର, ବାଲେଶ୍ୱର
ମୃତ୍ୟୁ	୪ ମାର୍ଚ୍ଚ ୨୦୧୮
ଜାତୀୟତା	ଭାରତୀୟ
ବୃତ୍ତି	ଅଭିନେତା
ବୈବାହିକ-ସାଥୀ	ଅନ୍ନପୂର୍ଣ୍ଣା ମହାନ୍ତି
ସନ୍ତାନ	ତମସା ମହାନ୍ତି
ୱେବସାଇଟ	ଇଣ୍ଟରନେଟ ମୁଭି ଡାଟାବେସରେ ଶରତ ମହାନ୍ତି

୪ ମାର୍ଚ୍ଚ ୨୦୧୮ରେ ବାଲେଶ୍ୱରର ସୋର ଡାକ୍ତରଖାନାରେ ବୃଦ୍ଧାବସ୍ଥା-ଜନିତ ଅସୁସ୍ଥତାରୁ ତାଙ୍କର ଦେହାନ୍ତ ହୋଇଥିଲା ।

ପ୍ରାରମ୍ଭିକ ଜୀବନ

ମହାନ୍ତି ବାଲେଶ୍ୱର ଜିଲ୍ଲାସ୍ଥିତ ସୋରର କ୍ଷୀରକୋଣାଠାରେ ଜନ୍ମନେଇଥିଲେ ।

ଅଭିନୟ

ବର୍ଷ	ଫିଲ୍ମ	ଅବଦାନ	ଭୂମିକା
୧୯୯୫
	ସକଳ ତୀର୍ଥ ତୋ ଚରଣେ	ଅଭିନେତା	ସନା
୧୯୮୭
	ଭୁଲି ହୁଏନା	ଅଭିନେତା
୧୯୮୫
	ପୂଜାଫୁଲ	ଅଭିନେତା
୧୯୬୮
	ସ୍ତ୍ରୀ	ଅଭିନେତା
୧୯୬୬
	କା	ଅଭିନେତା
୧୯୬୫
	ମଲାଜହ୍ନ	ଅଭିନେତା
୧୯୬୪
	ଅମଡ଼ା ବାଟ	ଅଭିନେତା
୧୯୬୨
	ଲକ୍ଷ୍ମୀ	ଅଭିନେତା

ଆହୁରି ଦେଖନ୍ତୁ

• ଓଡ଼ିଆ ସିନେମା ଜଗତ
• ଓଡ଼ିଆ ଚଳଚ୍ଚିତ୍ର ଅଭିନେତାମାନଙ୍କର ତାଲିକା

ବାହାର ଆଧାର

• ଇଣ୍ଟରନେଟ ମୁଭି ଡାଟାବେସରେ ଶରତ ମହାନ୍ତି