ମହେଶ ସାହୁ

ମହେଶ ସାହୁ ହେଉଛନ୍ତି ଜଣେ ଭାରତୀୟ ରାଜନୀତିଜ୍ଞ । ୨୦୧୯ ଭାରତୀୟ ସାଧାରଣ ନିର୍ବାଚନରେ ସେ ଢେଙ୍କାନାଳ ନିର୍ବାଚନ ମଣ୍ଡଳୀରୁ ବିଜୁ ଜନତା ଦଳ ତରଫରୁ ପ୍ରତିନିଧିତ୍ୱ କରି ୧୭ଶ ଲୋକ ସଭାକୁ ନିର୍ବାଚିତ ହୋଇଥିଲେ । ଏହି ନିର୍ବାଚନରେ ସେ ନିକଟତମ ପ୍ରତିଦ୍ୱନ୍ଦୀ ବିଜେପିର ରୁଦ୍ର ନାରାୟଣ ପାଣିଙ୍କୁ ୩୫,୪୧୨ ଖଣ୍ଡ ଭୋଟରେ ପରାସ୍ତ କରିଥିଲେ । ସେ ଏହା ପୂର୍ବରୁ ୧୧ଶ, ୧୨ଶ, ୧୩ଶ ଏବଂ ୧୫ଶ ବିଧାନ ସଭାର ସଭ୍ୟ ମଧ୍ୟ ଥିଲେ ।

ମହେଶ ସାହୁ
ସାଂସଦ: ୧୭ଶ ଲୋକ ସଭା
Incumbent
Assumed office ୨୦୧୯
ପୂର୍ବ ଅଧିକାରୀ	ତଥାଗତ ଶତପଥୀ, ବିଜେଡି
ନିର୍ବାଚନ ମଣ୍ଡଳୀ	ଢେଙ୍କାନାଳ
୧୫ଶ ବିଧାନ ସଭା ସଭ୍ୟ, ଓଡ଼ିଶା
କାର୍ଯ୍ୟକାଳ ୨୦୧୪ – ୨୦୧୯
ପୂର୍ବ ଅଧିକାରୀ	ରବି ନାରାୟଣ ପାଣି, ବିଜେଡି
ପର ଅଧିକାରୀ	ମୁକେଶ କୁମାର ପାଲ, ବିଜେଡି
ନିର୍ବାଚନ ମଣ୍ଡଳୀ	ପାଳଲହଡ଼ା
ବିଧାନ ସଭା ସଦସ୍ୟ
କାର୍ଯ୍ୟକାଳ ୧୯୯୫ – ୨୦୦୯
ପର ଅଧିକାରୀ	ବ୍ରଜ କିଶୋର ପ୍ରଧାନ, ବିଜେଡି
ନିର୍ବାଚନ ମଣ୍ଡଳୀ	ତାଳଚେର
ବ୍ୟକ୍ତିଗତ ସବିଶେଷ
ଜନ୍ମ	(1961-02-10) ୧୦ ଫେବୃଆରୀ ୧୯୬୧ ଅନୁଗୁଳ
ରାଜନୀତିକ ଦଳ	ବିଜୁ ଜନତା ଦଳ
ଅନ୍ୟାନ୍ୟ ରାଜନୀତିକ ସମ୍ବନ୍ଧ	ବିଜେପି
ଜୀବନ ସାଥୀ	ନନ୍ଦିତା ବେହେରା
ବାପା/ବୋଉ	ନବଘନ ସାହୁ (ବାପା)
ଘର	ବ୍ରାହ୍ମଣ ଶାସନ, ତାଳଚେର ସହର, ଅନୁଗୁଳ
ବୃତ୍ତି	ରାଜନୀତିଜ୍ଞ, ସମାଜସେବୀ

ରାଜନୈତିକ ଜୀବନ

ମହେଶ ଭାରତୀୟ ଜନତା ପାର୍ଟି ତରଫରୁ ୧୯୯୫ରୁ ୨୦୦୪ ବିଧାନ ସଭା ନିର୍ବାଚନ ପର୍ଯ୍ୟନ୍ତ ତାଳଚେର ଆସନରୁ ବିଧାନ ସଭାକୁ ନିର୍ବାଚିତ ହୋଇଆସିଥିଲେ । ସେ ୧୧ଶ, ୧୨ଶ ଏବଂ ୧୩ଶ ବିଧାନ ସଭାର ସଭ୍ୟ ହୋଇଥିଲେ । ୨୦୧୪ ମସିହା ନିର୍ବାଚନରେ ସେ ବିଜୁ ଜନତା ଦଳ ପକ୍ଷରୁ ପାଳଲହଡ଼ା ଆସନରୁ ୧୫ଶ ବିଧାନ ସଭାକୁ ନିର୍ବାଚିତ ହୋଇଥିଲେ ।

ଢେଙ୍କାନାଳ ଲୋକ ସଭା ନିର୍ବାଚନ ମଣ୍ଡଳୀର ପୂର୍ବତନ ସାଂସଦ, ତଥାଗତ ଶତପଥୀ ସାମ୍ବାଦିକତାରେ କାମ କରିବାକୁ ମନୋନିବେଶ କରି ରାଜନୀତି ଜୀବନରୁ ସନ୍ନ୍ୟାସ ଗ୍ରହଣ କରିଥିଲେ । ଏହି ଆସନରୁ ମହେଶଙ୍କୁ ଲୋକ ସଭା ପାଇଁ ବିଜେଡି ତରଫରୁ ଛିଡା କରାଯାଇଥିଲା । ୨୦୧୯ ଭାରତୀୟ ସାଧାରଣ ନିର୍ବାଚନରେ ସେ ଢେଙ୍କାନାଳ ନିର୍ବାଚନ ମଣ୍ଡଳୀରୁ ବିଜୁ ଜନତା ଦଳ ତରଫରୁ ପ୍ରତିନିଧିତ୍ୱ କରି ୧୭ଶ ଲୋକ ସଭାକୁ ନିର୍ବାଚିତ ହୋଇଥିଲେ ।