ସଂଗୀତା ଗୋସାଇଁ

ସଂଗୀତା ଗୋସାଇଁ, ଜଣେ ଓଡ଼ିଆ କଣ୍ଠଶିଳ୍ପୀ । ଓଡ଼ିଶୀ, ହିନ୍ଦୁସ୍ତାନୀ, ଗଜଲ, ପଲ୍ଲୀଗୀତ, ପପ ଓ ଲଘୁସଙ୍ଗୀତ ଆଦି ଗାୟନଶୈଳୀରେ ସଂଗୀତାଙ୍କର ଦକ୍ଷତା ଅଛି । ଭଉଣୀ ସୁମିତ୍ରା ଓ ସୁଚିତ୍ରାଙ୍କ ଯୋଡ଼ି ଭାବରେ ସେ ବହୁ ସଙ୍ଗୀତ ପ୍ରସ୍ତୁତ ଓ ପରିବେଷଣ କରିଛନ୍ତି । ସେ ଗୁରୁ କେଳୁଚରଣ ମହାପାତ୍ର ଓଡ଼ିଶୀ ଗବେଷଣା କେନ୍ଦ୍ରର ମୁଖ୍ୟ ମୁଖ୍ୟ ନିର୍ବାହୀ ଭାବରେ ମଧ୍ୟ କାର୍ଯ୍ୟ କରିଛନ୍ତି ।

ସଂଗୀତା ଗୋସାଇଁ
ମୃତ୍ୟୁ	ଭୁବନେଶ୍ୱର
ଜାତୀୟତା	ଭାରତୀୟ
ଶିକ୍ଷା	ପି.ଏଚ୍.ଡି.(ଇଂରାଜୀ), ସ୍ନାତକୋତ୍ତର(ଓଡ଼ିଆ,ଇଂରାଜୀ)
ଚାକିରିକ୍ଷେତ୍ର	ଗୁରୁ କେଳୁଚରଣ ମହାପାତ୍ର ଓଡ଼ିଶୀ ଗବେଷଣା କେନ୍ଦ୍ର
ପ୍ରସିଦ୍ଧି	ଶିକ୍ଷାବିତ ଓ ସଙ୍ଗୀତଜ୍ଞ
ପିତାମାତା	ଉପେନ୍ଦ୍ର ମହାପାତ୍ର
ସମ୍ପର୍କୀୟ	ସୁଚିତ୍ରା, ସୁମିତ୍ରା, ପଦ୍ମାଳୟା

ଜୀବନୀ

ସଂଗୀତାଙ୍କର ପିତାଙ୍କ ନାମ ଥିଲା ଉପେନ୍ଦ୍ର ମହାପାତ୍ର । ପରିବାରରେ ସେମାନେ ୬ଭଉଣୀ ଓ ୨ଭାଇ । ପିଲାବେଳୁ ସବୁ ଭାଇଭଉଣୀ ସଙ୍ଗୀତ ଶିକ୍ଷା ଲାଭ କରିଥିଲେ । ସଂଗୀତାଙ୍କ ପ୍ରଥମ ଗୁରୁ ଥିଲେ ହିନ୍ଦୁସ୍ତାନୀ କଣ୍ଠସଂଗୀତ ଗୁରୁ କମଲ ବରନ ଚେଲ । ପରବର୍ତ୍ତୀ ସମୟରେ ସେ ବହୁ ଗୁରୁଙ୍କଠାରୁ ସଙ୍ଗୀତ ଶିକ୍ଷାଲାଭ କରିଥିଲେ । ହରିପ୍ରସାଦ ଚୌରାଶିଆ, ଭୁବନେଶ୍ୱର ମିଶ୍ର, ରଘୁନାଥ ପାଣିଗ୍ରାହୀ, ବୀଣାପାଣି ମିଶ୍ର, ଦୀପକ ବସୁ ଏବଂ ଅକ୍ଷୟ ମହାନ୍ତିଙ୍କ ଆଦି ଶିଳ୍ପୀଙ୍କ ସଂସ୍ପର୍ଶରେ ଆସି ତାଙ୍କ ସଙ୍ଗୀତ ପ୍ରତିଭାର ଉନ୍ନତି ଘଟିଛି । ସେ ସଂଗୀତ ବିଷାରଦ,ସଂଗୀତ ଭାସ୍କର ଆଦି ପାଠ୍ୟକ୍ରମରେ ସ୍ୱର୍ଣ୍ଣପଦକ ପ୍ରାପ୍ତ ହେବା ସହ ସଂଗୀତର ଉଚ୍ଚତର ଗବେଷଣା କରି ଡକ୍ଟରେଟ୍ ଡିଗ୍ରୀ ମଧ୍ୟ ହାସଲ କରିଛନ୍ତି । ଉଭୟ ଓଡ଼ିଆ ଓ ଇଂରାଜୀ ଭାଷା ସାହିତ୍ୟରେ ସ୍ନାତକୋତ୍ତର କରିବା ସହ ଇଂରାଜୀରେ ପିଏଚଡ଼ି ମଧ୍ୟ ହାସଲ କରିଛନ୍ତି । ସେ କଟକର ଖ୍ରୀଷ୍ଟ ମହାବିଦ୍ୟାଳୟରେ ଇଂରାଜୀ ଅଧ୍ୟାପିକା ଭାବରେ ମଧ୍ୟ କାର୍ଯ୍ୟ କରିଥିଲେ ।

ପ୍ରଚ୍ଛଦପଟ୍ଟ ଗାୟନ

• କନକଲତା - ୧୯୭୨
• ବରଗଦ ଦାଦା
• ବାଘ ବାହାଦୂର
• ସକଳ ତୀର୍ଥ ତୋ ଚରଣେ - ୧୯୯୫

ସମ୍ମାନ ଓ ପୁରସ୍କାର

• ଶ୍ରେଷ୍ଠ ପାର୍ଶ୍ୱଗାୟିକା(ରାଜ୍ୟ ଚଳଚ୍ଚିତ୍ର ପୁରସ୍କାର) - ୧୯୯୭(ସକଳ ତୀର୍ଥ ତୋ ଚରଣେର 'ବୋଲେ ହୁଁଟି' ଗୀତ ପାଇଁ)
• ସୁରତରଙ୍ଗ ଶୀର୍ଷ ସମ୍ମାନ