ଲକ୍ଷ୍ମୀକାନ୍ତ ପାଲିତ

ଲକ୍ଷ୍ମୀକାନ୍ତ ପାଲିତ, ଜଣେ ଓଡ଼ିଆ ସଙ୍ଗୀତଜ୍ଞ । ସଙ୍ଗୀତ ନିର୍ଦ୍ଦେଶନା, ଗାୟନ ଓ ଶିକ୍ଷାଦାନ ତାଙ୍କ ବୃତ୍ତି । କଥାଚିତ୍ର, ଟେଲିଭିଜନ ଓ ମଞ୍ଚ ଆଦି ସବୁ ସ୍ଥରରେ ସେ ସଙ୍ଗୀତ ନିର୍ଦ୍ଦେଶନା ବା ପରିବେଷଣ କରିଥିଲେ ମଧ୍ୟ ଯାତ୍ରାରେ ସେ ଅଧିକ ସକ୍ରିୟ ।

ଲକ୍ଷ୍ମୀକାନ୍ତ ପାଲିତ
ଜନ୍ମ	କଟକ
ଜାତୀୟତା	ଭାରତୀୟ
ଶିକ୍ଷା	ସ୍ନାତକୋତ୍ତର
ଶିକ୍ଷାନୁଷ୍ଠାନ	ଉତ୍କଳ ସଙ୍ଗୀତ ମହାବିଦ୍ୟାଳୟ
ବୈବାହିକ-ସାଥୀ	ବିଦ୍ୟୁତପ୍ରଭା ପାଲିତ
ସନ୍ତାନ	ରନ୍ଦୀପ ପାଲିତ, ବନ୍ଦିଶ ପାଲିତ
ପିତାମାତା	ବିଜନ ବିହାରୀ ପାଲିତ, ସୁଷମା ପାଲିତ
ପୁରସ୍କାର	ଓଡ଼ିଶା ସଙ୍ଗୀତ ନାଟକ ଏକାଡେମୀ ପୁରସ୍କାର

ଲକ୍ଷ୍ମୀକାନ୍ତଙ୍କ ଜନ୍ମ କଟକର ଏକ କଳାକାର ପରିବାରରେ ହୋଇଥିଲା । ବିଜନ ବିହାରୀ ପାଲିତ ଓ ସୁଷମା ପାଲିତ ତାଙ୍କ ପିତା ମାତା ଥିଲେ । ମାତାଙ୍କ ପ୍ରଭାବରୁ ସେ ନିଜକୁ ଜଣେ ସଙ୍ଗୀତଜ୍ଞ ଭାବରେ ଗଢ଼ି ପାରିଛନ୍ତି । ସେ ଉତ୍କଳ ସଙ୍ଗୀତ ମହାବିଦ୍ୟାଳୟ ଓ ପ୍ରାଚୀନ କଳାକେନ୍ଦ୍ର ଚଣ୍ଡିଗଡ଼ରୁ ସଙ୍ଗୀତ ଶିକ୍ଷା ଲାଭ କରିଛନ୍ତି । ସଙ୍ଗୀତ ସୁଧାକର ବାଳକୃଷ୍ଣ ଦାସ ଥିଲେ ତାଙ୍କର ଗୁରୁ । ତାଙ୍କ ଧର୍ମପତ୍ନୀ ବିଦ୍ୟୁତପ୍ରଭା, ଦୁଇ ପୁତ୍ର ରନ୍ଦୀପ ଓ ବନ୍ଦିଶ ମଧ୍ୟ ସଙ୍ଗୀତ ଶିଳ୍ପୀ ଅଟନ୍ତି ।

ସଙ୍ଗୀତଜ୍ଞ ଭାବରେ

ସଙ୍ଗୀତ କ୍ଷେତ୍ରରେ ଲକ୍ଷ୍ମୀକାନ୍ତ ୩୦ଟି ରେକର୍ଡ଼ କମ୍ପାନୀରେ ପ୍ରାୟ ୨୫୦୦ ଗୀତ ରେକର୍ଡ଼ କରିଛନ୍ତି । ସର୍ବଭାରତୀୟ ସ୍ଥରରେ ୧୦ଲକ୍ଷରୁ ଅଧିକ ଛାତ୍ରଛାତ୍ରୀ ଓ ୨ହଜାରରୁ ଅଧିକ ଶିକ୍ଷକ ଶିକ୍ଷୟତ୍ରୀଙ୍କୁ ତାଲିମ ଦେବାରେ ସେ ଏକମାତ୍ର ଓଡ଼ିଆ । ୧୯୮୪ ମସିହାରେ, ଏକକାଳୀନ ସେ ୫ହଜାର ଛାତ୍ରଛାତ୍ରୀଙ୍କୁ ନେଇ ଗାୟନ ପ୍ରସ୍ତୁତ କରିଥିଲେ । ଦେଶାତ୍ମବୋଧ ଗୀତ "ଏଇ ଦେଶ ଏଇ ମାଟି"କୁ ସର୍ବଭାରତୀୟ ସ୍ଥରରେ ଅନୁମୋଦିତ କରେଇବାରେ ତାଙ୍କର ଅବଦାନ ରହିଛି । ଓଡ଼ିଶୀ ଗୁରୁ ରତିକାନ୍ତ ମହାପାତ୍ରଙ୍କ ସହ ମିଶି ସେ ବହୁ ଓଡ଼ିଶୀ ସଙ୍ଗୀତ ନିର୍ଦ୍ଦେଶନା ମଧ୍ୟ ଦେଇଛନ୍ତି ।

ଓଡ଼ିଆ କଥାଚିତ୍ରରେ ସଙ୍ଗୀତ ନିର୍ଦ୍ଦେଶନା

• ପରଝିଅ ଘର ଭାଙ୍ଗେନା (୧୯୮୫)
• କାହ୍ନା
• ଜୀବନ ଧାରା (୧୯୯୫)
• ଗାରେ ସିନ୍ଦୂର ଧାରେ ଲୁହ (୨୦୦୨)
• ଗୃହଲକ୍ଷ୍ମୀ (ବଙ୍ଗଳା)
• ବାଦଶାହା
• ଦ ଡିଜାୟର (ଇଂରାଜୀ)

ଟେଲି ଫିଲ୍ମରେ ସଙ୍ଗୀତ ନିର୍ଦ୍ଦେଶନା

• ଛବିର ମଣିଷ
• ବାଘାଯତୀନ
• ଖାରବେଳ
• ଅଭିଶପ୍ତ ଗନ୍ଧର୍ବ
• ଆମ କଥା ଆମ କାହା

ଯାତ୍ରାରେ ସଙ୍ଗୀତ ନିର୍ଦ୍ଦେଶନା

• ସରିନାହିଁ ମହାଭାରତ ମରିନାହିଁ କୁନ୍ତୀ
• ପାଗଳା ହାତୀ
• ଭଗବାନ ତୁମେ ଇସ୍ତଫା ଦିଅ
• କାନିରେ ପଡିଛି ଗଣ୍ଠି
• ଶାଗୁଣା ବସିଛି ଡେଣା ମେଲେଇ
• ସ୍ୱାମୀକୁ ଛୁଇଁଲେ ପାପ
• ଫୁଲ ଆଣିଥିଲି ଫୁଲବାଣୀରୁ
• କଥା ରହିଲା ମୋ ମଗୁଶୁରକୁ
• ଚନ୍ଦନ ଟୋପାକୁ ନାଲି ଅଳତା

ସମ୍ମାନ ଓ ପୁରସ୍କାର

• ଓଡ଼ିଶା ସଙ୍ଗୀତ ନାଟକ ଏକାଡେମୀ ପୁରସ୍କାର - ୨୦୧୪-୧୫
• ସଙ୍ଗୀତ ସୁରନିଧୀ
• ସୁର ମଧୁକୁର
• ସଙ୍ଗୀତ ଗନ୍ଧର୍ବ