ମେଘନା ମିଶ୍ର

ମେଘ୍ନା ମିଶ୍ର, ଜଣେ ଓଡ଼ିଆ କଥାଚିତ୍ର ଏବଂ ଦୂରଦର୍ଶନ ଅଭିନେତ୍ରୀ । ସେ ଓଡ଼ିଆ କଥାଚିତ୍ର କୁଳ ନନ୍ଦନ ଜରିଆରେ ତାଙ୍କର ଅଭିନୟ ଜୀବନ ଆରମ୍ଭ କରିଥିଲେ । ଓଡ଼ିଆ କଥାଚିତ୍ର ସ‌ହ ସେ ଓଡ଼ିଆ ଦୂରଦର୍ଶନରେ ମଧ୍ୟ ଅଭିନୟ କରିଥିଲେ । ତରଙ୍ଗ ଟିଭିରେ ପ୍ରସାରିତ ଆଧ୍ୟାତ୍ମିକ ଧାରାବାହିକ ଶ୍ରୀ ଜଗନ୍ନାଥରେ ସେ ମାଆ ମହାଲକ୍ଷ୍ମୀ ଭୂମିକାରେ ଅଭିନୟ କରିଥିଲେ ।

ମେଘ୍ନା ମିଶ୍ର
୨୦୧୪ ମସିହାରେ ମେଘନା
ଜନ୍ମ	ମେଘ୍ନା ମିଶ୍ର ଓଡ଼ିଶା, ଭାରତ
ବୃତ୍ତି	(ଓଡ଼ିଆ) ଅଭିନେତ୍ରୀ

ଅଭିନୟ ଜୀବନ

ମେଘ୍ନା ମିଶ୍ର ଓଡ଼ିଆ କଥାଚିତ୍ର କୁଳନନ୍ଦନ ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ଏହାପରେ ସେ ନାରୀ ଆଖିରେ ନିଆଁ, ପ୍ରଥମ ପ୍ରେମ, ପ୍ରିୟା ମୋ ଆସିବ ଫେରି, କାଳୀଶଙ୍କର, ସମୟ ହାତରେ ଡୋରି, ୱାନ୍ ୱେ ଟ୍ରାଫିକ୍ ଆଦି ଚଳଚ୍ଚିତ୍ରରେ ଅଭିନୟ କରିଥିଲେ । ଯୋଉଠି ଥିଲେ ବି ତୁ ମୋର ଚଳଚ୍ଚିତ୍ରରେ ମେଘନା ମିଶ୍ର ଅଭିନେତା ବବି ମିଶ୍ରଙ୍କ ସ‌ହ ଅଭିନୟ କରୁଛନ୍ତି । ଏହି କଥାଚିତ୍ରଟି ଆଗାମୀ ଦିନରେ ମୁକ୍ତିଲାଭ କରିବାକୁ ଯାଉଛି ।

ଓଡ଼ିଆ କଥାଚିତ୍ର ବ୍ୟତୀତ ମେଘ୍ନା ଓଡ଼ିଆ ଦୂରଦର୍ଶନ ଧାରାବାହିକରେ ଅଭିନୟ କରିଥିଲେ । ତରଙ୍ଗ ଟିଭିରେ ପ୍ରସାରିତ ଧାରାବାହିକ ଶ୍ରୀ ଜଗନ୍ନାଥରେ ମାଆ ମହାଲକ୍ଷ୍ମୀ ଭୂମିକାରେ ଅଭିନୟ କରିଥିଲେ । ଏହାପରେ ସେ ତରଙ୍ଗ ଟିଭିରେ ପ୍ରସାରିତ ଅନ୍ୟ ଏକ ଧାରାବାହିକ ତେଜସ୍ୱିନୀରେ ରାଜକୁମାରୀ ତେଜସ୍ୱିନୀର ମାଆ ମହାରାଣୀ ଭୂମିକାରେ ଅଭିନୟ କରିଥିଲେ ।

ଅଭିନୀତ କଥାଚିତ୍ର

ବର୍ଷ	ଚଳଚ୍ଚିତ୍ର	ଭୂମିକା
୨୦୦୩	ନାରୀ ଆଖିରେ ନିଆଁ
୨୦୦୫	କୁଳ ନନ୍ଦନ	ଚନ୍ଦ୍ରିକା
୨୦୦୫	ପ୍ରଥମ ପ୍ରେମ	ସୀମା
୨୦୦୬	ପ୍ରିୟା ମୋ ଆସିବ ଫେରି	ପାର୍ବତୀ ପଣ୍ଡା/ପାରା
୨୦୦୭	କାଳୀଶଙ୍କର	ଝିଲୀ
୨୦୦୭	ସମୟ ହାତରେ ଡୋରି	ପ୍ରୀତି
୨୦୧୪	ୱାନ୍ ୱେ ଟ୍ରାଫିକ୍	ସୋନିଆ

ଅଭିନୀତ ଧାରାବାହିକ

ଧାରାବାହିକ	ଚେନାଲ	ଭୂମିକା
ଶ୍ରୀ ଜଗନ୍ନାଥ	ତରଙ୍ଗ ଟିଭି	ମାଆ ଲକ୍ଷ୍ମୀ
ତେଜସ୍ୱିନୀ	ତରଙ୍ଗ ଟିଭି	ମହାରାଣୀ

ପୁରସ୍କାର

• ଶ୍ରେଷ୍ଠ ପାର୍ଶ୍ୱ ଅଭିନେତ୍ରୀ - ତେଜସ୍ୱିନୀ (ଧାରାବାହିକ, ତରଙ୍ଗ ଟିଭି) - ଦ୍ୱାଦଶ ଚଳଚ୍ଚିତ୍ର ଓ ଟେଲିଭିଜନ ଆୱାର୍ଡ ଶୋ ଟାଇମ୍‌-୨୦୧୮

ବାହାର ଆଧାର

• ଇଣ୍ଟରନେଟ ମୁଭି ଡାଟାବେସରେ ମେଘନା ମିଶ୍ର