ବିପ୍ଳବ ରାୟଚୌଧୁରୀ

ବିପ୍ଳବ ରାୟଚୌଧୁରୀ ଜଣେ ପ୍ରଖ୍ୟାତ ଚଳଚିତ୍ର ନିର୍ଦ୍ଦେଶକ । ଡାକ୍ତରୀ ପାଠ ଅଧାରୁ ଛାଡି, ସେ ନିଜ ପସନ୍ଦର ବେଉସା, ଚଳଚିତ୍ର ନିର୍ମାଣକୁ ଆବୋରୀ ନେଇଥିଲେ। ଅର୍ଦ୍ଧେନ୍ଦୁ ଚାଟାର୍ଜୀଙ୍କ ଅଧିନରେ ଜଣେ ସହ-ନିର୍ଦ୍ଦେଶକ ଭାବରେ ସେ, ନିଜ ଚଳଚିତ୍ର ଜୀବନ ଆରମ୍ଭ କରିଥିଲେ । ପ୍ରାୟ ୨୦ଟି ଚଳଚିତ୍ରରେ ସହ-ସମ୍ପାଦକ ଭାବରେ କାମ କରିବା ପରେ, ସେ ନିଜେ ମୁଖ୍ୟ ସମ୍ପାଦକ, ଲେଖକ ଓ ନିର୍ଦ୍ଦେଶକ ଭାବରେ କାମ କରିବା ଆରମ୍ଭ କରିଥିଲେ । ତାଙ୍କଦ୍ଵାରା ନିର୍ଦ୍ଦେଶିତ ପ୍ରଥମ ବଙ୍ଗଳା ଚଳଚିତ୍ର ବର୍ଣ ବିବର୍ଣ ୧୯୭୫ ମସିହାରେ ମୁକ୍ତିଲାଭ କରିଥିଲା । ତିନି ଦଶନ୍ଧି ବ୍ୟାପି ଚଳଚିତ୍ର ଜୀବନରେ ସେ ପ୍ରାୟ ୧୪-୧୫ଟି କ୍ଷୁଦ୍ର ଚଳଚିତ୍ର ବା ଡକୁମେଣ୍ଟାରୀ ଫିଲ୍ମ ଓ ପ୍ରାୟ ୧୦ଟି ବ୍ୟବସାୟିକ ଚଳଚିତ୍ର ନିର୍ମାଣ କରିଛନ୍ତି ।

ବିପ୍ଳବ ରାୟଚୌଧୁରୀ
ଜନ୍ମ ଓ ଜନ୍ମସ୍ଥାନ ୬ ଅକ୍ଟୋବର ୧୯୪୨(1942-10-06)
ପଶ୍ଚିମବଙ୍ଗ
ମୃତ୍ୟୁ ୧୪ ଅଗଷ୍ଟ, ୨୦୧୨ (୬୯ ବର୍ଷ)
କଲିକତା,ପଶ୍ଚିମବଙ୍ଗ
ସମାଧି  ସ୍ଥଳ କଲିକତା,ପଶ୍ଚିମବଙ୍ଗ
ଘର କଲିକତା,ପଶ୍ଚିମବଙ୍ଗ
ଜାତୀୟତା  ଭାରତୀୟ
ପ୍ରସିଦ୍ଧି ଓଡ଼ିଆ,ହିନ୍ଦୀ,ବଙ୍ଗଳା ଭାଷାର ଚଳଚିତ୍ର ନିର୍ଦ୍ଦେଶକ
ପୁରସ୍କାର ଜାତୀୟ ଚଳଚିତ୍ର ପୁରସ୍କାର

ବିପ୍ଳବ ରାୟଚୌଧୁରୀ, ନିଜ ମାତୃଭାଷା ବଙ୍ଗଳା ଅପେକ୍ଷା ଓଡ଼ିଆରେ ଅଧିକ ଚଳଚିତ୍ର ନିର୍ମାଣ କରିଛନ୍ତି । ତାଙ୍କ ନିର୍ଦ୍ଦେଶନାରେ ନିର୍ମିତ ପ୍ରଥମ ଓଡ଼ିଆ ଚଳଚିତ୍ର [[ଚିଲିକା ତୀରେ ୧୯୭୮ ମସିହାରେ ମୁକ୍ତିଲାଭ କରିଥିଲା । ଚିଲିକାର ମତ୍ସଜୀବି ମାନଙ୍କର ଜୀବନ ଓ ସଂଘର୍ଷକୁ ନେଇ ନିର୍ମିତ ଏହି ଚଳଚିତ୍ରଟି ସର୍ବଭାରତୀୟ ସ୍ତରରେ ଉଚ୍ଚ ପ୍ରଶଂସିତ ହୋଇଥିଲା ଓ ଜାତୀୟ ଚଳଚିତ୍ର ପୁରସ୍କାର ଅଧିନରେ ସ୍ଵର୍ଣକମଳ ପୁରସ୍କାର ହାସଲ କରିଥିଲା । ପରବର୍ତୀ ସମୟରେ ତାଙ୍କର ଆଉ ଦୁଇଟି ଓଡ଼ିଆ ଚଳଚିତ୍ର, ଅରଣ୍ଯ ରୋଦନନିର୍ବାଚନ ମଧ୍ଯ ୧୯୯୪ ଓ ୧୯୯୫ ମସିହାରେ ସ୍ଵର୍ଣକମଳ ପୁରସ୍କାର ହାସଲ କରିଥିଲା ।

ବିପ୍ଳବ ରାୟଚୌଧୁରୀ, ସତ୍ୟଜିତ ରାୟ ଫିଲ୍ମ ଓ ଟେଲିଭିଜନ ଅନୁଷ୍ଠାନରେ ନିର୍ଦ୍ଦେଶନା ଓ ସମ୍ପାଦନା ବିଭାଗର ମୁଖ୍ୟ ରୂପେ କାର୍ଯ୍ୟନିର୍ବାହ କରିଛନ୍ତି । ୧୯୮୯ ମସିହାରେ ତାଙ୍କୁ ବିଜୁ ପଟ୍ଟନାୟକ ଫିଲ୍ମ୍ ଓ ଟେଲିଭିଜନ ଅନୁଷ୍ଠାନର ସଦସ୍ୟ ରୂପେ ମନୋନୀତ କରାଯାଇଥିଲା । କଳିଙ୍ଗ ଷ୍ଟୁଡିଓର ଡାଇରେକ୍ଟର ରୂପରେ ମଧ୍ଯ ସେ କାର୍ଯ୍ଯ କରିଥିଲେ । ଯୁକ୍ତରାଷ୍ଟ୍ର ଆମେରିକା ସରକାରଙ୍କଦ୍ଵାରା ନିମନ୍ତ୍ରିତ ହୋଇ, ସେ ସେଠାକାର ବିଭିନ୍ନ ଷ୍ଟୁଡିଓ, ବିଶ୍ଵବିଦ୍ୟାଳୟ ତଥା ଚଳଚିତ୍ର ନିର୍ମାଣ ସହ ସଂଶ୍ଳିଷ୍ଠ ଅନ୍ୟାନ୍ଯ ସଂସ୍ଥା ପରିଦର୍ଶନ କରିବାର ସୁଯୋଗ ପାଇଥିଲେ ।[୧][୨]

ଚଳଚିତ୍ରରେ ଭୂମିକାସମ୍ପାଦନ କରନ୍ତୁ

ବର୍ଷ ସିନେମାର ନାମ ଭୂମିକା ପୁରସ୍କାର
୧୯୯୪ ନିର୍ବାଚନ କାହାଣୀ,ଚିତ୍ରନାଟ୍ୟ,ନିର୍ଦ୍ଦେଶନା ସ୍ଵର୍ଣ୍ଣ କମଳ (ପରିବେଶ ଉପରେ ଶ୍ରେଷ୍ଠ ସିନେମା)
୧୯୯୨ ଅରଣ୍ଯ ରୋଦନ ଚିତ୍ରନାଟ୍ୟ,ନିର୍ଦ୍ଦେଶନା ସ୍ଵର୍ଣ୍ଣ କମଳ
୧୯୮୫ ଦି ହୁଇସପରିଙ୍ଗ ଉଇଣ୍ଡ ନିର୍ଦ୍ଦେଶନା
୧୯୮୪ ୟହ କାହାଣୀ ନେହି ନିର୍ଦ୍ଦେଶନା
୧୯୮୩ ଆଶ୍ରୟ ନିର୍ଦ୍ଦେଶନା
୧୯୮୨ ହାର୍ଟବିଟ କାହାଣୀ,ସମ୍ପାଦନା,ନିର୍ଦ୍ଦେଶନା
୧୯୮୧ ଶୋଧ୍ ନିର୍ଦ୍ଦେଶନା ସ୍ଵର୍ଣ୍ଣ କମଳ[୩]
୧୯୮୦ ଟ୍ରାଇବାଲସ୍ ଅଫ ସିଂହଭୂମି ନିର୍ଦ୍ଦେଶନା
୧୯୭୭ ଚିଲିକା ତୀରେ ଚିତ୍ରନାଟ୍ୟ,ସମ୍ପାଦନା,ନିର୍ଦ୍ଦେଶନା ସ୍ଵର୍ଣ୍ଣ କମଳ
୧୯୭୫ ବର୍ଣ ବିବର୍ଣ ନିର୍ଦ୍ଦେଶନା
୧୯୭୦ ଲାଟେଣ୍ଟ ନିର୍ଦ୍ଦେଶନା
୧୯୬୪ ବିରେଶ୍ଵର ବିବେକାନନ୍ଦ ସମ୍ପାଦନା
୧୯୬୪ ଲାଲ ପଥର ସମ୍ପାଦନା

ଆଧାରସମ୍ପାଦନ କରନ୍ତୁ

ବାହାର ଆଧାରସମ୍ପାଦନ କରନ୍ତୁ