ପ୍ରଶାନ୍ତ କୁମାର ମୁଦୁଲି

ପ୍ରଶାନ୍ତ କୁମାର ମୁଦୁଲି (ଜନ୍ମ: ୧୯ ଅପ୍ରେଲ ୧୯୬୪) ଜଣେ ଓଡ଼ିଆ ରାଜନୀତିଜ୍ଞ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ତିନି ଥର କାର୍ଯ୍ୟ କରିଛନ୍ତି । ୨୦୦୯, ୨୦୧୪ ଓ ୨୦୧୯ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ସେ ବାଲିକୁଦା-ଏରସମା ଓ ଜଗତସିଂହପୁର ବିଧାନ ସଭା ନିର୍ବାଚନ ମଣ୍ଡଳୀରୁ ଯଥାକ୍ରମେ ୧୪ଶ, ୧୫ଶ ଓ ୧୬ଶ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।

ପ୍ରଶାନ୍ତ କୁମାର ମୁଦୁଲି
ବିଧାୟକ: ୧୬ଶ ଓଡ଼ିଶା ବିଧାନ ସଭା
କାର୍ଯ୍ୟକାଳ ୨୦୧୯ – ୨୦୨୪
ପୂର୍ବ ଅଧିକାରୀ	ଚିରଞ୍ଜୀବ ବିଶ୍ୱାଳ
ପର ଅଧିକାରୀ	ଅମରେନ୍ଦ୍ର ଦାସ
ନିର୍ବାଚନ ମଣ୍ଡଳୀ	ଜଗତସିଂହପୁର
ବିଧାୟକ: ୧୪ଶ, ୧୫ଶ ଓଡ଼ିଶା ବିଧାନ ସଭା
କାର୍ଯ୍ୟକାଳ ୨୦୦୯ – ୨୦୧୯
ପୂର୍ବ ଅଧିକାରୀ	ଉମେଶ ଚନ୍ଦ୍ର ସ୍ୱାଇଁ
ପର ଅଧିକାରୀ	ରଘୁନନ୍ଦନ ଦାସ
ନିର୍ବାଚନ ମଣ୍ଡଳୀ	ବାଲିକୁଦା-ଏରସମା
ବ୍ୟକ୍ତିଗତ ସବିଶେଷ
ଜନ୍ମ	(1964-04-19) ୧୯ ଅପ୍ରେଲ ୧୯୬୪
ନାଗରିକତା	ଭାରତୀୟ
ଜାତୀୟତା	ଭାରତୀୟ
ରାଜନୀତିକ ଦଳ	ବିଜୁ ଜନତା ଦଳ
ଜୀବନ ସାଥୀ	ବୈଜୟନ୍ତୀମାଳା ମହାନ୍ତି
ସନ୍ତାନ	୧
ବାପା/ବୋଉ	ଶଙ୍କର ମୁଦୁଲି
ବୃତ୍ତି	ରାଜନୀତିଜ୍ଞ

ଜନ୍ମ, ପରିବାର ଓ ଶିକ୍ଷା

ପ୍ରଶାନ୍ତ କୁମାର ମୁଦୁଲି ୧୯୬୪ ମସିହାର ଅପ୍ରେଲ ୧୯ ତାରିଖରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ ଶଙ୍କର ମୁଦୁଲି ଓ ପତ୍ନୀଙ୍କ ନାମ ବୈଜୟନ୍ତୀମାଳା ମହାନ୍ତି । ତାଙ୍କ ବାପା ଜଣେ ଓଡ଼ିଆ ରାଜନେତା ଥିଲେ ।

ରାଜନୈତିକ ଜୀବନ

ପ୍ରଶାନ୍ତ କୁମାର ମୁଦୁଲି ଓଡ଼ିଶା ରାଜନୀତିରେ ବିଜୁ ଜନତା ଦଳର କର୍ମକର୍ତ୍ତା ଭାବରେ କାର୍ଯ୍ୟ କରୁଛନ୍ତି । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ କାର୍ଯ୍ୟ କରିଛନ୍ତି ।

୨୦୨୪ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ, ସେ ବିଜେଡିର ପ୍ରାର୍ଥୀ ଭାବରେ ଜଗତସିଂହପୁର ବିଧାନ ସଭା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ, ସେ ସମୁଦାୟ ୭୦,୪୧୭ ଖଣ୍ଡ ଭୋଟ୍ ପାଇ ୨ୟ ସ୍ଥାନରେ ଥିଲେ ଏବଂ ତାଙ୍କର ନିକଟତମ ପ୍ରତିଦ୍ୱନ୍ଦୀ ଭାରତୀୟ ଜନତା ପାର୍ଟିର ପାର୍ଥୀ ଅମରେନ୍ଦ୍ର ଦାସଙ୍କ ଠାରୁ ୨୨,୧୩୮ ଖଣ୍ଡ ଭୋଟ୍‌ରେ ପରାସ୍ତ ହୋଇଥିଲେ ।

ବିଧାନ ସଭା ସଭ୍ୟ ବିବରଣୀ

ଆରମ୍ଭ	ଶେଷ	ପଦବୀ	ନିର୍ବାଚନ ମଣ୍ଡଳୀ	ଦଳ
୨୦୦୯	୨୦୧୪	ସଭ୍ୟ, ୧୪ଶ ଓଡ଼ିଶା ବିଧାନ ସଭା	ବାଲିକୁଦା-ଏରସମା	ବିଜୁ ଜନତା ଦଳ
୨୦୧୪	୨୦୧୯	ସଭ୍ୟ, ୧୫ଶ ଓଡ଼ିଶା ବିଧାନ ସଭା	ବାଲିକୁଦା-ଏରସମା	ବିଜୁ ଜନତା ଦଳ
୨୦୧୯	୨୦୨୪	ସଭ୍ୟ, ୧୬ଶ ଓଡ଼ିଶା ବିଧାନ ସଭା	ଜଗତସିଂହପୁର	ବିଜୁ ଜନତା ଦଳ

ବାହାର ଆଧାର

• ଉଇକିମିଡ଼ିଆ କମନ୍ସରେ Prasanta Kumar Muduli-ସମ୍ପର୍କିତ ମିଡ଼ିଆ