ନୀତୀଶ ଭରଦ୍ୱାଜ
ନୀତୀଶ ଭରଦ୍ୱାଜ (ଜନ୍ମ: ୨ ଜୁନ ୧୯୬୩) ଜଣେ ଭାରତୀୟ ଦୂରଦର୍ଶନ ଓ ଚଳଚ୍ଚିତ୍ର ଅଭିନେତା, ନିର୍ଦ୍ଦେଶକ, ସଂଳାପକାର, ପ୍ରଯୋଜକ, ପଶୁ ଡାକ୍ତର ଏବଂ ପୂର୍ବତନ ଲୋକ ସଭା ସାଂସଦ । ସେ ବି.ଆର ଚୋପ୍ରାଙ୍କ ଦୂରଦର୍ଶନ ଧାରାବାହିକ ମହାଭାରତରେ ଭଗବାନ କୃଷ୍ଣଙ୍କ ଭୂମିକା ତଥା ବିଷ୍ଣୁ ପୁରାଣ ଭଳି ଚୋପ୍ରାଙ୍କର ଅନ୍ୟ କେତେକ କାର୍ଯ୍ୟରେ ବିଷ୍ଣୁଙ୍କର ଅନେକ ଅବତାର ଚିତ୍ରଣ ପାଇଁ ସେ ବେଶ ଜଣାଶୁଣା ।[୧] [୨] ଜଣେ ନିର୍ଦ୍ଦେଶକ ଭାବରେ ସେ ମରାଠୀ ଭାଷାରେ ପିତ୍ରୁଋଣ ନାମକ ଚଳଚ୍ଚିତ୍ରର ନିର୍ମାଣ କରିଥିଲେ, ଯାହାପାଇଁ ତାଙ୍କୁ ଉଭୟ ଦର୍ଶକ ଏବଂ ସମୀକ୍ଷକମାନେ ପ୍ରଶଂସା କରିଥିଲେ । ବର୍ତ୍ତମାନ ସେ ଜଣେ ସଂଳାପକାର ଓ ନିର୍ଦ୍ଦେଶକ ଭାବରେ କାର୍ଯ୍ୟ କରିବା ସହ ଅଭିନୟ ମଧ୍ୟ କରୁଛନ୍ତି ।
ନୀତୀଶ ଭରଦ୍ୱାଜ | |
|---|---|
| ସାଂସଦ, ଲୋକ ସଭା | |
| କାର୍ଯ୍ୟକାଳ ୧୯୯୬ – ୧୯୯୮ | |
| ପୂର୍ବ ଅଧିକାରୀ | ଇନ୍ଦର ସିଂହ ନାମଧାରୀ |
| ପର ଅଧିକାରୀ | ଆଭା ମହତୋ |
| ନିର୍ବାଚନ ମଣ୍ଡଳୀ | ଜାମସେଦପୁର |
| ବ୍ୟକ୍ତିଗତ ସବିଶେଷ | |
| ଜନ୍ମ | ୨ ଜୁନ ୧୯୬୩ ମୁମ୍ବାଇ, ମହାରାଷ୍ଟ୍ର, ଭାରତ |
| ରାଜନୀତିକ ଦଳ | ଭାରତୀୟ ଜନତା ପାର୍ଟି |
| ଜୀବନ ସାଥୀ |
ମନିଷା ପାଟିଲ
(m. ୧୯୯୧; div. ପ୍ରକାଶନରେ ଅସୁବିଧା: ଅଜଣା ଚିହ୍ନ "୨" ।)ସ୍ମିତା ଗେଟ୍ (m. ୨୦୦୯) |
| ସନ୍ତାନ | ୪ |
| ଘର | ମୁମ୍ବାଇ |
| ବୃତ୍ତି |
|
ବୃତ୍ତି ସମ୍ପାଦନା
ଥିଏଟର ଏବଂ ରେଡିଓ ସମ୍ପାଦନା
ଅଭିନୟ କ୍ଷେତ୍ରରେ ଆସିବା ପୂର୍ବରୁ ଭରଦ୍ୱାଜ ଜଣେ ପେସାଦାର ପ୍ରାଣୀ ଚିକିତ୍ସକ ଥିଲେ ଏବଂ ମୁମ୍ବାଇର ଏକ ରେସକୋର୍ସରେ ସହକାରୀ ପ୍ରାଣୀ ଚିକିତ୍ସକ ଭାବରେ କାର୍ଯ୍ୟ କରୁଥିଲେ; ଅବଶ୍ୟ, ସେ ଏହାକୁ ଏକଚାଟିଆ ବୋଲି ଭାବି ଚାକିରି ଛାଡ଼ିଥିଲେ । ସେ ସୁଦର୍ଶନ କରମାରକାର, ଡ. କାଶୀନାଥ ଘନେକର ଏବଂ ପ୍ରଭାକର ପାନଶିକରଙ୍କ ପରି ନିର୍ଦ୍ଦେଶକଙ୍କ ଅଧିନରେ ମରାଠୀ ଥିଏଟରରେ ତାଲିମ ନେଇ ନିଜର କଳା ଜୀବନ ଆରମ୍ଭ କରିଥିଲେ । ଏହା ପରେ ସେ ସାଇ ପରଞ୍ଜାପେଙ୍କ ସହ ବୃତ୍ତିଗତ ମରାଠୀ ଥିଏଟରରେ କାମ କରିବା ଆରମ୍ଭ କରିଥିଲେ ଏବଂ ପରେ ତାଙ୍କ ବନ୍ଧୁ ରବି ବାସୱାନୀଙ୍କ ପରାମର୍ଶରେ ହିନ୍ଦୀ ଥିଏଟରରେ ଅଭିନୟ କରିବା ଆରମ୍ଭ କରିଥିଲେ । ସେ ଦୀନେଶ ଠାକୁର ନାମକ ହିନ୍ଦୀ ଥିଏଟରର ନାଟ୍ୟକାରଙ୍କ ସହ କାମ କରିଥିଲେ ଏବଂ ୧୯୮୭ ମସିହା ପର୍ଯ୍ୟନ୍ତ ତାଙ୍କର ଅନେକ ନାଟକରେ ଅଭିନୟ କରିଥିଲେ । ପରେ ସେ ଏକ ହିନ୍ଦୀ ପୁରାଣ ନାଟକ ଚକ୍ରଭ୍ୟୁରେ ଅବଭିନୟ କରିଥିଲେ, ଯେଉଁଥିରେ ସେ ପ୍ରଭୁ କୃଷ୍ଣ ଭାବରେ କରିଥିଲେ, ଯାହକି ପରବର୍ତ୍ତୀ ସମୟରେ ମହାଭାରତରେ କୃଷ୍ଣ ଭୂମିକାରେ ଅଭିନୟ କରିବାର ବାଟ ଫିଟେଇଥିଲା ।
ଭରଦ୍ୱାଜ ବିବିସି ରେଡିଓ (ଲଣ୍ଡନ, ଯୁକ୍ତରାଜ୍ୟ) ପାଇଁ ଭଗବଦ୍ ଗୀତା ଏବଂ ରାମାୟଣ ଭଳି ରେଡିଓ ଶୋ'ରେ କାମ କରିଥିଲେ। ସେ ୧୯୯୫ରେ ରାମାୟଣ କାର୍ଯ୍ୟକ୍ରମ "ସୋନି ରେଡିଓ ପୁରସ୍କାର" ପାଇଁ ମନୋନୀତ ହୋଇଥିଲା ।
ଦୂରଦର୍ଶନ ସମ୍ପାଦନା
୧୯୮୮ରେ ସେ ବି.ଆର ଚୋପ୍ରାଙ୍କ କ୍ଲାସିକ୍ ଟେଲିଭିଜନ ଧାରାବାହିକ ମହାଭାରତରେ ଭଗବାନ କୃଷ୍ଣଙ୍କ ଭୂମିକାରେ ଅଭିନୟ କରିଥିଲେ । ସେ ମାତ୍ର ୨୩ ବର୍ଷ ବୟସରେ ଏହି ଭୂମିକାରେ ଅଭିନୟ କରିଥିଲେ ଏବଂ ରାତାରାତି ଲୋକପ୍ରିୟତା ଅର୍ଜନ କରିଥିଲେ । ସେ ବୁନିଆଦ ଧାରାବାହିକର ୫୧ତମ ଭାଗରେ ଜଣେ ଅତିଥି କଳାକାର ଭାବରେ କାର୍ଯ୍ୟ କରିଥିଲେ ।
ସେ ଷ୍ଟାର ଟିଭି ପାଇଁ ଗୀତା ରାସାୟା ନାମକ ଏକ ଦୂରଦର୍ଶନ ଧାରାବାହିକର ନିର୍ଦ୍ଦେଶନା ଦେଇଥିଲେ ।
୨୦୦୦ ମସିହାରେ, ଭରଦ୍ୱାଜ ବି.ଆର. ଚୋପ୍ରାଙ୍କ ଅନ୍ୟ ଏକ ପୌରାଣିକ ଧାରାବାହିକ ବିଷ୍ଣୁ ପୁରାଣରେ ଅଭିନୟ କରିଥିଲେ, ଯେଉଁଥିରେ ସେ ଭଗବାନ ବିଷ୍ଣୁ ଏବଂ ତାଙ୍କର ବିଭିନ୍ନ ଅବତାରରେ ଅଭିନୟ କରିଥିଲେ । ୨୦୦୨ ମସିହାରେ ସେ ଚୋପ୍ରାଙ୍କ ରାମାୟଣରେ ରାମ ଭୂମିକାରେ ଅଭିନୟ କରିଥିଲେ ।
ଚଳଚ୍ଚିତ୍ର ସମ୍ପାଦନା
ଭରଦ୍ୱାଜ କିଛି ମରାଠୀ ଏବଂ ମଲାୟାମ କଥାଚିତ୍ରରେ ଅଭିନୟ କରିଛନ୍ତି ।[୩] ସେ ଇଟିଭି ମରାଠୀର ଏକ ଡ୍ୟାନ୍ସ ଶୋ'ର ବିଚାରକ ଭାବରେ କାର୍ଯ୍ୟ କରିଥିଲେ । ୨୦୧୩ ମସିହାର ସେ ପିତ୍ରୁଋଣ ନାମକ ଏକ ମରାଠୀ ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ, ଯାହାକି ସୁଧା ମୂର୍ତ୍ତୀଙ୍କ ଏକ ଉପନ୍ୟାସ ଉପରେ ଆଧାରିତ । ଏହି ଚଳଚ୍ଚିତ୍ରଟି ଉଭୟ ସମୀକ୍ଷକ ଏବଂ ଦର୍ଶକଙ୍କଦ୍ୱାରା ପ୍ରଶଂସିତ ହୋଇଥିଲା । ପିତ୍ରୁଋଣ କଥାଚିତ୍ରଟିର ଅନେକ ନାମାଙ୍କନ ଏବଂ ପୁରସ୍କାର ଗ୍ରହଣ କରିଥିଲା ଏବଂ ୨୦୧୩ର ଦ୍ୱିତୀୟ ଶ୍ରେଷ୍ଠ ନିର୍ଦ୍ଦେଶକ ଭାବରେ ଭରଦ୍ୱାଜଙ୍କୁ ମହାରାଷ୍ଟ୍ର ରାଜ୍ୟ ଚଳଚ୍ଚିତ୍ର ପୁରସ୍କାର ମଧ୍ୟ ପ୍ରଦାନ କରାଯାଇଥିଲା ।[୧][୪] ସେ ମହେନଜୋଦାରୋ ଏବଂ କେଦାରନାଥ ଭଳି ହିନ୍ଦୀ କଥାଚିତ୍ରରେ ଅଭିନୟ କରିଥିଲେ ।
ରାଜନୀତି ସମ୍ପାଦନା
ଭରଦ୍ୱାଜ ଜାମସେଦପୁର ଏବଂ ରାଜଗଡରୁ (ମଧ୍ୟ ପ୍ରଦେଶ) ଭାରତୀୟ ଜନତା ପାର୍ଟି (ବିଜେପି) ପ୍ରାର୍ଥୀ ଭାବରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ ଏବଂ ଜଣାଶୁଣା ରାଜନେତା ଇନ୍ଦର ସିଂଙ୍କୁ ପରାସ୍ତ କରି ୧୯୯୬ ମସିହାରେ ଜାମସେଦପୁରରୁ ଲୋକ ସଭାକୁ ନିର୍ବାଚିତ ହୋଇଥିଲେ । ସେ ୧୯୯୯ ଭାରତୀୟ ସାଧାରଣ ନିର୍ବାଚନରେ ମଧ୍ୟ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଦିଗବିଜୟ ସିଂହଙ୍କ ଭାଇ ଲକ୍ଷ୍ମଣ ସିଂହଙ୍କଠାରୁ ପରାସ୍ତ ହୋଇଥିଲେ । ସେ ମଧ୍ୟପ୍ରଦେଶରେ ବିଜେପିର ସାଂଗଠନିକ ଦାୟିତ୍ୱରେ ଥିଲେ ଏବଂ ରାଜନୀତିର ବିଦାୟ ନେବା ପୂର୍ବରୁ ବିଜେପିର ଜଣେ ମୁଖପାତ୍ର ଭାବରେ କାର୍ଯ୍ୟ କରୁଥିଲେ ।
ବ୍ୟକ୍ତିଗତ ଜୀବନ ସମ୍ପାଦନା
ନୀତୀଶ ଭରଦ୍ୱାଜ ୨ ଜୁନ ୧୯୬୩ରେ ବମ୍ବେ ହାଇକୋର୍ଟର ଜନ୍ମଗ୍ରହଣ କରିଥିଲେ । ତାଙ୍କ ବାପା ଜଣେ ବରିଷ୍ଠ ଆଇନଜୀବୀ ତଥା ଜଣାଶୁଣା ଶ୍ରମିକ ଓକିଲ ଜନାର୍ଦ୍ଦନ ସି ଉପାଦେୟ ଏବଂ ତାଙ୍କ ମାଆ ସାଧନା ଉପାଧ୍ୟାୟ ମୁମ୍ବାଇର ୱିଲସନ କଲେଜର ମରାଠୀ ସାହିତ୍ୟ ବିଭାଗର ମୁଖ୍ୟ ଥିଲେ । ସାଧନା ଦେବୀ ଭଗବଦ୍ ଗୀତା ଏବଂ ଜ୍ଞାନେଶ୍ୱରୀଙ୍କର ଜଣେ ସ୍ଥାବିକା ଥିଲେ, ଯାହା ବିଷୟରେ ସେ ପିଲାଦିନରୁ ଭରଦ୍ୱାଜଙ୍କୁ ଜ୍ଞାନ ପ୍ରଦାନ କରିଥିଲେ ।
୧୯୯୧ ମସିହାରେ, ନୀତୀଶ ମନୀଷା ପାଟିଲଙ୍କୁ ବିବାହ କରିଥିଲେ, ଯିଏକି ଫେମିନା ଇଣ୍ଡିଆର ସମ୍ପାଦକ ବିମଳା ପାଟିଲଙ୍କର ଝିଅ । ଏହି ଦମ୍ପତ୍ତିଙ୍କର ଗୋଟିଏ ପୁଅ ଏବଂ ଗୋଟିଏ କନ୍ୟା ସନ୍ତାନ ଅଛନ୍ତି । ନୀତୀଶ ଓ ମନୀଷାଙ୍କର ୨୦୦୫ ମସିହାରେ ଛାଡ଼ପତ୍ର ହୋଇଥିଲେ।[୫] ଛାଡ଼ପତ୍ର ପରେ ମନୀଷା ବର୍ତ୍ତମାନ ତାଙ୍କର ପିଲାମାନଙ୍କ ସହିତ ଲଣ୍ଡନରେ ରହୁଛନ୍ତି । ଏହାପରେ ଭରଦ୍ୱାଜ ୨୦୦୯ ମହିସାରେ ଜଣେ ଆଇଏଏସ୍ ଅଧିକାରୀ ସ୍ମିତା ଗେଟ୍ଙ୍କୁ ବିବାହ କରିଥିଲେ । ଏହି ଦମ୍ପତ୍ତିଙ୍କର ଦୁଇ ଜମଜ କନ୍ୟା ଅଛନ୍ତି ।
ଚଳଚ୍ଚିତ୍ର ଚିତ୍ର ସମ୍ପାଦନା
ଚଳଚ୍ଚିତ୍ର ସମ୍ପାଦନା
- ତ୍ରିଶାଗ୍ନି (୧୯୮୮) (ନାନା ପାଟେକରଙ୍କ ସହ) [୬]
- ନଜନ ଗାନ୍ଧରଭାନ୍ (୧୯୯୧, ମାଲାୟଲମ୍)
- ସଂଗୀତ (୧୯୯୨) (ମାଧୁରୀ ଦୀକ୍ଷିତଙ୍କ ସହିତ)
- ଗ୍ରୁପ୍ରଭେଶ (୧୯୯୨)
- ପ୍ରେମ ଦାନ (୧୯୯୧)
- ପ୍ରେମ ଶକ୍ତି (୧୯୯୪)
- ନାସିହେ ନାଗିନ ଗାଲି ଗାଲି (୧୯୯୧)
- ଖଟିଆଲ୍ ସେସୁ ନାଥଲ୍ ଶୀଘ୍ର (୧୯୮୭)
- କୃଷକ ଆହେ ମୁଲଗି (୧୯୮୯)
- ତୁଜି ମାଜି ଜାମଲି ଯୋଡି (୧୯୯୦)
- ନାଶିବାବାନ୍ (୧୯୮୮)
- ପିତ୍ରୁଋଣ (୨୦୧୩) (ଲେଖକ-ନିର୍ଦ୍ଦେଶକ)
- ମହାଭାରତ ଔର୍ ବାର୍ବରିକ୍ (୨୦୧୩) କୃଷ୍ଣଙ୍କ ଭୂମିକାରେ
- ମହେନଯୋଦାରୋ (୨୦୧୬) (ହ୍ରିତିକ ରୋଶନଙ୍କ ସହ)
- ୟକ୍ସ (ମୁଖ୍ୟ ଭୂମିକା)
- କେଦାରନାଥ (୨୦୧୮)
ଦୂରଦର୍ଶନ ସମ୍ପାଦନା
- ମହାଭାରତ (୧୯୮୮)
- ଗୀତା ରାହାସିଆ (ନିର୍ମାତା-ନିର୍ଦ୍ଦେଶକ) (ଇରଫାନ ଖାନଙ୍କ ସହ)
- ବିଷ୍ଣୁ ପୁରାଣ (୨୦୦୩)
- ରାମାୟଣ (୨୦୦୩) ସ୍ମୃତି ଇରାନୀଙ୍କ ସହ ସୀତା ଭାବରେ |
- ଅଜବ୍ ଗଜବ୍ ଘର୍ ଜମାଇ (୨୦୧୪, କୃଷ୍ଣ)
- ସାମନ୍ତର (MX ପ୍ଲେୟାର ଅରିଜିନାଲ୍) - ସୁଦର୍ଶନ ଚକ୍ରପାନି ଭାବରେ (୨୦୨୦)
ପୁରସ୍କାର ସମ୍ପାଦନା
- ମରାଠୀ ଚଳଚ୍ଚିତ୍ର, ପିତ୍ରୁଋଣ - ସାହିଦ୍ରି ଚଳଚ୍ଚିତ୍ର ପୁରସ୍କାର, ୨୦୧୪ ପାଇଁ ସର୍ବୋତ୍ତମ ଚିତ୍ରନାଟ୍ୟ ଲେଖକ
- ମନୋନୀତ - ପିତ୍ରୁଋଣ ପାଇଁ ଶ୍ରେଷ୍ଠ ଅଭିନେତା, ସ୍କ୍ରିନ୍ ପୁରସ୍କାର, ୨୦୧୪
- ମହାରାଷ୍ଟ୍ର ରାଜ୍ୟ ଚଳଚ୍ଚିତ୍ର ପୁରସ୍କାର, ୨୦୧୪ - ପିତ୍ରୁଋଣ ପାଇଁ ଦ୍ୱିତୀୟ ଶ୍ରେଷ୍ଠ ନିର୍ଦ୍ଦେଶକ
ଆଧାର ସମ୍ପାଦନା
- ↑ ୧.୦ ୧.୧ Pandit, Shruti (10 September 2013). "Nitish Bharadwaj dons the hat of a director". The Times of India. Archived from the original on 28 September 2013. Retrieved 22 March 2013.
- ↑ Trivedi, Tanvi (17 October 2013). "Comparisons with Nitish Bharadwaj are most welcome: Saurabh Raaj Jain". The Times of India. Retrieved 5 April 2016.
- ↑ Kumar, K. P. Nijeesh (14 July 2019). "Padmarajan's demise made me to exit from mollywood, says 'Njan Gandharvan' actor". Mathrubhumi. Retrieved 16 July 2019.
- ↑ Deshmukh, Gayatri (16 February 2013). "Nitish Bharadwaj ropes in Tanuja his directorial debut". The Times of India. Archived from the original on 28 September 2013. Retrieved 5 April 2016.
- ↑ Roy, Amit (14 November 2004). "Nitish, Nitish, burning bright". The Telegraph. Calcutta, India. Retrieved 6 April 2016.
- ↑ Gulzar; Nihalani, Govind; Chatterjee, Saibal (2003). Encyclopedia of Hindi Cinema. Encyclopædia Britannica (India). Popular Prakashan. p. 554. ISBN 8179910660.
ବାହାର ଆଧାର ସମ୍ପାଦନା
- ଇଣ୍ଟରନେଟ ମୁଭି ଡାଟାବେସରେ ନୀତୀଶ ଭରଦ୍ୱାଜ
- ଅଫିସିଆଲ୍ ଫେସବୁକ୍ ପେଜ୍