ଦେବାଶିଷ ପାଣିଗ୍ରାହୀ
ଦେବାଶିଷ ପାଣିଗ୍ରାହୀ (୨୯ ଅଗଷ୍ଟ ୧୯୬୫ - ୧୮ ଜୁନ ୨୦୨୧)[୨] ଜଣେ ଭାରତୀୟ ପୋଲିସ ଅଧିକାରୀ ଓ ଓଡ଼ିଆ ସାହିତ୍ୟିକ ଥିଲେ । ସେ ୧୯୯୧ ମସିହାର ଭାରତୀୟ ପୁଲିସ ସେବା ଅଧିକାରୀ ଭାବେ କାର୍ଯ୍ୟ ଆରମ୍ଭ କରିଥିଲେ । ପରେ ୨୦୧୬ ଡିସେମ୍ବର ୨୫ ତାରିଖରୁ ସେ ଭିଜିଲାନ୍ସ ନିର୍ଦ୍ଦେଶକ ଭାବରେ ଅବସ୍ଥାପିତ ଥିଲେ ।[୩] ତାଙ୍କ ରଚିତ ବିଭିନ୍ନ ଗଳ୍ପ ଇଂରାଜୀ, ହିନ୍ଦୀ, ବଙ୍ଗଳା, ତେଲୁଗୁ ଓ କନ୍ନଡ଼ ଆଦି ଭାଷାରେ ଅନୁବାଦିତ ହୋଇଛି ।[୪] ୨୦୦୨ ମସିହାରେ ନିଜର କ୍ଷୁଦ୍ରଗଳ୍ପ ସଂକଳନ "ତଥାକଥିତ" ପାଇଁ ସେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ଲାଭକରିଥିଲେ ।[୫]
ଦେବାଶିଷ ପାଣିଗ୍ରାହୀ | |
|---|---|
.jpg) | |
| ଜନ୍ମ ଓ ଜନ୍ମସ୍ଥାନ | ୨୯ ଅଗଷ୍ଟ ୧୯୬୫
ବାଲେଶ୍ୱର |
| ମୃତ୍ୟୁ | ୧୮ ଜୁନ ୨୦୨୧ (ବୟସ ୫୫) କଲିକତା |
| ଜାତୀୟତା | ଭାରତୀୟ |
| ନାଗରିକତା | ଭାରତୀୟ |
| ଶିକ୍ଷା | ଏମଫିଲ, ପିଏଚଡ଼ି |
| ପୁରସ୍କାର | ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ୨୦୦୨ |
| ଜୀବନସାଥୀ | ଝୁମକି ରଥ |
| ସନ୍ତାନ | ୧ ପୁଅ, ୧ ଝିଅ |
ଜୀବନୀ
ସମ୍ପାଦନାବ୍ୟକ୍ତିଗତ ଜୀବନ
ସମ୍ପାଦନାଦେବାଶିଷ ପାଣିଗ୍ରାହୀ ୧୯୬୫ ମସିହା ଅଗଷ୍ଟ ୨୯ ତାରିଖରେ ବାଲେଶ୍ୱରଠାରେ ଜନ୍ମଗ୍ରହଣ କରିଥିଲେ । ସେ କଣ୍ଠଶିଳ୍ପୀ ଝୁମକି ରଥଙ୍କ ବିବାହ କରିଥିଲେ । ତାଙ୍କର ଗୋଟିଏ ପୁଅ ଓ ଗୋଟିଏ ଝିଅ ଅଛନ୍ତି ।
ଉଚ୍ଚଶିକ୍ଷା
ସମ୍ପାଦନାସେ କଟକସ୍ଥିତ ରେଭେନ୍ସା ମହାବିଦ୍ୟାଳୟରୁ ରାଜନୀତି ବିଜ୍ଞାନରେ ସ୍ନାତକ ଓ ଭୁବନେଶ୍ୱରସ୍ଥିତ ଉତ୍କଳ ବିଶ୍ୱବିଦ୍ୟାଳୟରୁ ସ୍ନାତକୋତ୍ତର ଅଧ୍ୟୟନ କରିଥିଲେ । ପରେ ସେ ନୂଆ ଦିଲ୍ଲୀସ୍ଥିତ ଜବାହରଲାଲ ନେହେରୁ ବିଶ୍ୱବିଦ୍ୟାଳୟରୁ ଏମଫିଲ ଓ ଡକ୍ଟରେଟ ଲାଭକରିଥିଲେ ।
ପୋଲିସ ସେବା
ସମ୍ପାଦନା୧୯୯୧ ମସିହାରେ ସେ ଭାରତୀୟ ପୋଲିସ ସେବାରେ ଯୋଗଦେଇଥିଲେ । ସେ କଟକ, ପୁରୀ, ଖୋର୍ଦ୍ଧା, ଗଞ୍ଜାମ, କେନ୍ଦୁଝର ଆଦି ଜିଲ୍ଲାରେ ପୋଲିସ ସବଇନିସ୍ପେକ୍ଟର ଭାବରେ କାର୍ଯ୍ୟ କରିଥିଲେ । ସେ ପୋଲିସ ପ୍ରଶାସନ ବିଭାଗର ଡିଆଇଜି, ମଡ଼ର୍ଣ୍ଣନାଇଜେସନ ଓ ପର୍ସନେଲ ବିଭାଗର ଆଇଜି ଭାବରେ କାର୍ଯ୍ୟ କରିଥିଲେ । ୨୦୧୬ ମସିହାରୁ ୨୦୨୧ ମସିହାରେ ତାଙ୍କର ମୃତ୍ୟୁ ପର୍ଯ୍ୟନ୍ତ ପର୍ଯ୍ୟନ୍ତ ସେ ଭିଜିଲାନ୍ସ ବିଭାଗରେ ନିର୍ଦ୍ଦେଶକ ଭାବରେ କାର୍ଯ୍ୟରତ ଥିଲେ । କାର୍ଯ୍ୟରେ ପାରଦର୍ଶିତା ପାଇଁ ସେ ଅନେକ ପୋଲିସ ମେଡ଼ାଲ ହାସଲ କରିଥିଲେ ।[୬]
ମୃତ୍ୟୁ
ସମ୍ପାଦନାକରୋନାରେ ପୀଡ଼ିତ ହୋଇ ୨୦୨୧ ମସିହା ଜୁନ ୧୮ତାରିଖରେ ତାଙ୍କର ଦେହାନ୍ତ ହୋଇଥିଲା ।
ରଚନାବଳୀ
ସମ୍ପାଦନା- ତଥାକଥିତ - ୨୦୦୨ (ଫ୍ରେଣ୍ଡସ୍ ପବ୍ଲିଶର୍ସ)
- ଅତିନ୍ଦ୍ରିୟ - ୨୦୦୪ (ଫ୍ରେଣ୍ଡସ୍ ପବ୍ଲିଶର୍ସ)
- ଅଭିଭାବକ - ୨୦୧୦ (ଅଗ୍ରଦୂତ ପ୍ରକାଶନୀ)
- ଆଗ ଧାଡ଼ିର ଲୋକ ଓ ପାହାଡ ପଛର ଜହ୍ନ - ୨୦୧୧ (ଅଗ୍ରଦୂତ ପ୍ରକାଶନୀ)
- ଅନାମିକା - ୨୦୧୩ (ଅଗ୍ରଦୂତ ପ୍ରକାଶନୀ)
- ଅୟମାରମ୍ଭ - ୨୦୦୮ (ଅଗ୍ରଦୂତ ପ୍ରକାଶନୀ)
- ଦ୍ରାଘିମା - ୨୦୧୩ (ପକ୍ଷୀଘର ପ୍ରକାଶନୀ)[୭]
- ପରିବ୍ରାଜକ - ୨୦୦୬ (ଫ୍ରେଣ୍ଡସ୍ ପବ୍ଲିଶର୍ସ)
- ପତର ଫାଙ୍କର ସୂର୍ଯ୍ୟ - ୨୦୧୨ (ପକ୍ଷୀଘର ପ୍ରକାଶନୀ)
- ତ୍ରିବିଧ - ୨୦୧୫ (ପକ୍ଷୀଘର ପ୍ରକାଶନୀ)[୮]
ସମ୍ମାନ ଓ ପୁରସ୍କାର
ସମ୍ପାଦନା- ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ୨୦୦୨ (ତଥାକଥିତ ଗଳ୍ପ ସଂକଳନ ପାଇଁ)[୯]
- ସୁବ୍ରତ ରଥ ସ୍ମାରକୀ ପୁରସ୍କାର, ୨୦୦୮ (ଶ୍ରୀ ଗଂଗାଧର ରଥ ଫାଉଣ୍ଡେସନ୍ ପ୍ରଦତ୍ତ)
- ସନ୍ଧ୍ୟାରାଣୀ ଦେବୀ ସ୍ମୃତି ସମ୍ମାନ (ଉପନ୍ୟାସ), ୨୦୧୫ (ଫକୀରମୋହନ ସାହିତ୍ୟ ପରିଷଦ ପ୍ରଦତ୍ତ)
- ଫକୀର ମୋହନ କ୍ଷୁଦ୍ରଗଳ୍ପ ସମ୍ମାନ, ୨୦୧୪ (ଉତ୍କଳ ସାହିତ୍ୟ ସମାଜ ପ୍ରଦତ୍ତ)
ଆଧାର
ସମ୍ପାଦନା- ↑ "Authorised Cadre Strength of the Indian Police Service (As on 01/01/2018)" (PDF). ips.gov.in. Retrieved 26 December 2018.[permanent dead link]
- ↑ "ଭିଜିଲାନ୍ସ ନିର୍ଦ୍ଦେଶକ ଦେବାଶିଷଙ୍କ ପରଲୋକ". ୧୯ ଜୁନ ୨୦୨୧. pp. ୧. Archived from the original on 19 June 2021. Retrieved 19 June 2021.
{{cite web}}: Check date values in:|date=(help) - ↑ "Major Reshuffle in Odisha IPS Cadre: Debasis Panigrahi new Odisha Vigilance Director". pragativadi.com. Retrieved 26 December 2018.
- ↑ "Cop book at London fair". telegraphindia.com. Retrieved 26 December 2018.
- ↑ "ଓଡ଼ିଶା ସାହିତ୍ୟ ଏକାଡେମୀ ପୁରସ୍କୃତ ପୁସ୍ତକ ଓ ଲେଖକ". odishasahityaakademi.org. Retrieved 24 December 2018.
- ↑ "ପରଲୋକରେ ଭିଜିଲାନ୍ସ ନିର୍ଦ୍ଦେଶକ ଦେବାଶିଷ ପାଣିଗ୍ରାହୀ". www.prameyanews7.com/. ପ୍ରମେୟ. Retrieved 19 June 2021.
- ↑ ଦେବାଶିଷ ପାଣିଗ୍ରାହୀ (2013). ଦ୍ରାଘିମା. Pakshīghara Prakāśanī.
- ↑ "ତ୍ରିବିଧ / ଦେବଶିଷ ପାଣିଗ୍ରାହୀ". opac.nationallibrary.gov.in. National Library of India. Retrieved 20 June 2021.
- ↑ "Orissa top cops turn over new leaf in writing". indianexpress.com. Retrieved 26 December 2018.
