ଦିଲିପ କୁମାର ରାୟ

ଦିଲିପ କୁମାର ରାୟ (ଜନ୍ମ: ୯ ଜାନୁଆରୀ ୧୯୫୪) ଜଣେ ଓଡ଼ିଆ ରାଜନୀତିଜ୍ଞ । ସେ ଓଡ଼ିଶା ରଜନୀତିରେ ବିଜୁ ଜନତା ଦଳର କର୍ମକର୍ତ୍ତା ଭାବରେ କାର୍ଯ୍ୟ କରୁଛନ୍ତି । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ତିନିଥର ଏବଂ ରାଜ୍ୟ ସଭାର ସାଂସଦ ଭାବରେ ଥରେ କାର୍ଯ୍ୟ କରିଛନ୍ତି । ୧୯୮୫, ୧୯୯୦ ଓ ୨୦୧୪ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ସେ ରାଉରକେଲା ବିଧାନ ସଭା ନିର୍ବାଚନ ମଣ୍ଡଳୀରୁ ଯଥାକ୍ରମେ ୯ମ, ୧୦ମ ଓ ୧୫ଶ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ । ୧୯୯୬ ମସିହାରୁ ୨୦୦୨ ପର୍ଯ୍ୟନ୍ତ ସେ ରାଜ୍ୟସଭାର ସାଂସଦ ତଥା କେନ୍ଦ୍ରମନ୍ତ୍ରୀ ଭାବରେ କାର୍ଯ୍ୟ କରିଥିଲେ ।

ଦିଲିପ କୁମାର ରାୟ
ବିଧାୟକ: ୧୫ଶ ଓଡ଼ିଶା ବିଧାନ ସଭା
କାର୍ଯ୍ୟକାଳ ୨୦୧୪ – ୨୦୧୯
ପୂର୍ବ ଅଧିକାରୀ	ଶାରଦା ପ୍ରସାଦ ନାୟକ
ପର ଅଧିକାରୀ	ଶାରଦା ପ୍ରସାଦ ନାୟକ
ନିର୍ବାଚନ ମଣ୍ଡଳୀ	ରାଉରକେଲା
ସାଂସଦ: ରାଜ୍ୟ ସଭା
କାର୍ଯ୍ୟକାଳ ୧୯୯୬ – ୨୦୦୨
ବିଧାୟକ: ୯ମ, ୧୦ମ ଓଡ଼ିଶା ବିଧାନ ସଭା
କାର୍ଯ୍ୟକାଳ ୧୯୮୫ – ୧୯୯୫
ପୂର୍ବ ଅଧିକାରୀ	ଗୁରୁପଦ ନନ୍ଦ
ପର ଅଧିକାରୀ	ପ୍ରଭାତ ମହାପାତ୍ର
ନିର୍ବାଚନ ମଣ୍ଡଳୀ	ରାଉରକେଲା
ବ୍ୟକ୍ତିଗତ ସବିଶେଷ
ଜନ୍ମ	(1954-01-09) ୯ ଜାନୁଆରୀ ୧୯୫୪
ନାଗରିକତା	ଭାରତୀୟ
ଜାତୀୟତା	ଭାରତୀୟ
ରାଜନୀତିକ ଦଳ	ବିଜୁ ଜନତା ଦଳ
ଅନ୍ୟାନ୍ୟ ରାଜନୀତିକ ସମ୍ବନ୍ଧ	ଜନତା ଦଳ, ଜନତା ପାର୍ଟି, ଭାରତୀୟ ଜନତା ପାର୍ଟି
ଜୀବନ ସାଥୀ	ପୂଜା ରାୟ
ବାପା/ବୋଉ	ହୃଷିକେଶ ରାୟ (ବାପା)
ବୃତ୍ତି	ରାଜନୀତିଜ୍ଞ

ଜନ୍ମ, ପରିବାର ଓ ଶିକ୍ଷା

ଦିଲିପ କୁମାର ରାୟ ୧୯୫୪ ମସିହାର ଜାନୁଆରୀ ମାସ ୯ ତାରିଖରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ ହୃଷିକେଶ ରାୟ ଓ ପତ୍ନୀଙ୍କ ନାମ ପୂଜା ରାୟ । ତାଙ୍କର ଶିକ୍ଷାଗତ ଯୋଗ୍ୟତା ଏମ୍.ବି.ଏ. ଏବଂ ଏଲ୍.ଏଲ୍.ବି. ।

ରାଜନୈତିକ ଜୀବନ

ଦିଲିପ ଓଡ଼ିଶା ରାଜନୀତିରେ ବିଜୁ ଜନତା ଦଳର କର୍ମକର୍ତ୍ତା ଭାବରେ କାର୍ଯ୍ୟ କରୁଛନ୍ତି । ପୂର୍ବରୁ ସେ ଜନତା ଦଳ, ଜନତା ପାର୍ଟି ଓ ଭାରତୀୟ ଜନତା ପାର୍ଟିର କର୍ମକର୍ତ୍ତା ଭାବରେ କାର୍ଯ୍ୟ କରୁଥିଲେ । ୨୦୧୯ ମସିହାରେ ସେ ବିଜୁ ଜନତା ଦଳରେ ଯୋଗ ଦେଇଥିଲେ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ତିନିଥର କାର୍ଯ୍ୟ କରିଛନ୍ତି ।

ବିଧାନ ସଭା ସଭ୍ୟ ବିବରଣୀ

ଆରମ୍ଭ	ଶେଷ	ପଦବୀ	ନିର୍ବାଚନ ମଣ୍ଡଳୀ	ଦଳ
୧୯୮୫	୧୯୯୦	ସଭ୍ୟ, ୯ମ ଓଡ଼ିଶା ବିଧାନ ସଭା	ରାଉରକେଲା	ଜନତା ପାର୍ଟି
୧୯୯୦	୧୯୯୫	ସଭ୍ୟ, ୧୦ମ ଓଡ଼ିଶା ବିଧାନ ସଭା	ରାଉରକେଲା	ଜନତା ଦଳ
୨୦୧୪	୨୦୧୯	ସଭ୍ୟ, ୧୫ଶ ଓଡ଼ିଶା ବିଧାନ ସଭା	ରାଉରକେଲା	ଭାରତୀୟ ଜନତା ପାର୍ଟି

ବିବାଦ

୧୯୯୯ ମସିହାରେ ଦିଲିପ ଅଟଳ ବିହାରୀ ବାଜପେୟୀଙ୍କ ସରକାରରେ କେନ୍ଦ୍ରମନ୍ତ୍ରୀ ଥିବାବେଳେ ଝାଡଖଣ୍ଡ କୋଇଲା ବ୍ଲକର ଆବଣ୍ଟନରେ ଅନିୟମିତତା ହୋଇଥିବା ନେଇ ତାଙ୍କ ନାଁରେ ଅଭିଯୋଗ ହୋଇଥିଲା, ଯେଉଁଥିରେ ତାଙ୍କୁ ୨୦୨୦ ମସିହାରେ ଦୋଷୀ ସାବ୍ୟସ୍ତ କରାଯାଇଥିଲା ।