ଝାରସୁଗୁଡ଼ା ଜିଲ୍ଲା

ଓଡ଼ିଶାର ଜିଲ୍ଲା, ଭାରତ

'ଝାରସୁଗୁଡ଼ା ଜିଲ୍ଲା, ଓଡ଼ିଶାର ପଶ୍ଚିମରେ ଥିବା ଏକ ପ୍ରଶାସନିକ ଜିଲ୍ଲା । ଝାରସୁଗୁଡ଼ା ସହର ଏହି ଜିଲ୍ଲାର ପ୍ରଶାସନିକ ମୁଖ୍ୟ ସହର ।

ଝାରସୁଗୁଡ଼ା
ଜିଲ୍ଲା
ଝାରସୁଗୁଡ଼ା ରେଳ ଷ୍ଟେସନ
ଝାରସୁଗୁଡ଼ା ରେଳ ଷ୍ଟେସନ
ଓଡ଼ିଶାରେ ଅବସ୍ଥାନ
ଓଡ଼ିଶାରେ ଅବସ୍ଥାନ
ଦେଶଭାରତ
ରାଜ୍ୟଓଡ଼ିଶା
ସ୍ଥାପନା୧ ଜାନୁଆରୀ ୧୯୯୪
ସଦର ମହକୁମାଝାରସୁଗୁଡ଼ା
ସରକାର
 • ଜିଲ୍ଲାପାଳବିଭୁତି ଭୂଷଣ ପଟ୍ଟନାୟକ
 • ଲୋକ ସଭା ସଭ୍ୟସଞ୍ଜୟ ଭୋଇ
କ୍ଷେତ୍ରଫଳ
 • ମୋଟ2081 km2 (803 sq mi)
ଜନସଂଖ୍ୟା
 (୨୦୧୧)
 • ମୋଟ୫,୭୯,୪୯୯
 • ଘନତା245/km2 (630/sq mi)
ଭାଷା
 • ସରକାରୀଓଡ଼ିଆ, ଇଂରାଜୀ
ସମୟ ମଣ୍ଡଳUTC+୫:୩୦ (IST)
ପିନ କୋଡ଼
୭୬୮ xxx
ଗାଡ଼ି ପଞ୍ଜିକରଣOD-23
ନିକଟତମ ସହରଭୁବନେଶ୍ୱର
ଲିଙ୍ଗାନୁପାତ୧.୦୫୭ /
ସାକ୍ଷରତା୭୧.୪%
ଲୋକ ସଭା ନିର୍ବାଚନ ମଣ୍ଡଳୀବରଗଡ଼
ବିଧାନ ସଭା ନିର୍ବାଚନ ମଣ୍ଡଳୀ୨: ବ୍ରଜରାଜନଗର (୦୦୬) ଓ ଝାରସୁଗୁଡ଼ା (୦୦୭)
ଜଳବାୟୁAw (Köppen)
ବୃଷ୍ଟିପାତ୧,୫୨୭ millimetres (୬୦.୧ in)
ହାରାହାରୀ ଗ୍ରୀଷ୍ମ ତାପମାତ୍ରା୪୬.୭ °C (୧୧୬.୧ °F)
ୱେବସାଇଟwww.jharsuguda.nic.in

ଇତିହାସସମ୍ପାଦନ କରନ୍ତୁ

ଜାନୁଆରୀ ପହିଲା ୧୯୯୪ ଦିନ ଏହା ସମ୍ବଲପୁର ଜିଲ୍ଲାରୁ ଅଲଗା ହୋଇ ଏକ ନୂଆ ଜିଲ୍ଲାର ପରିଚୟ ପାଇଲା୤

ଭୂଗୋଳସମ୍ପାଦନ କରନ୍ତୁ

ଓଡ଼ିଶାର ପଶ୍ଚିମଭାଗରେ ଅବସ୍ଥିତ ଝାରସୁଗୁଡ଼ା ଜିଲ୍ଲାର ଆୟତନ ୨,୦୮୧ ବର୍ଗ କିମି୤

ଅବସ୍ଥିତିସମ୍ପାଦନ କରନ୍ତୁ

ମୁଖ୍ୟ ନଦୀ ଓ ଶାଖାନଦୀସମ୍ପାଦନ କରନ୍ତୁ

ଜନସଂଖ୍ୟାସମ୍ପାଦନ କରନ୍ତୁ

୨୦୧୧ ଜନଗଣନା [୧]ଅନୁସାରେ, ଝାରସୁଗୁଡ଼ା ଜିଲ୍ଲାର ଲୋକସଂଖ୍ୟା ୫,୭୯,୪୯୯ |

  • ପୁରୁଷ: ୨,୯୭,୦୧୪
  • ମହିଳା: ୨,୮୨,୪୮୫
    • ଛ ବର୍ଷରୁ କମ: ୬୧,୮୨୩
  • ପଢୁଆ ହାର ୭୮.୩୬%
    • ପୁରୁଷ: ୮୬.୨୭%
    • ମହିଳା: ୭୦.୨୫%

ରାଜନୀତିସମ୍ପାଦନ କରନ୍ତୁ

ଲୋକ ସଭା ନିର୍ବାଚନ ମଣ୍ଡଳୀସମ୍ପାଦନ କରନ୍ତୁ

ବିଧାନ ସଭା ନିର୍ବାଚନ ମଣ୍ଡଳୀସମ୍ପାଦନ କରନ୍ତୁ

# ନିର୍ବାଚନ ମଣ୍ଡଳୀ ଆରକ୍ଷଣ ପରିସୀମା ଅଧୀନସ୍ଥ ଅଞ୍ଚଳ (ପୌରାଞ୍ଚଳ ଓ ପଞ୍ଚାୟତ ସମିତି ) ୧୫ଶ ବିଧାନ ସଭା ସଦସ୍ୟ ରାଜନୈତିକ ଦଳ
ବ୍ରଜରାଜନଗର ଅଣ ସଂରକ୍ଷିତ ବ୍ରଜରାଜନଗର (ପୌ), ବେଲପାହାଡ଼ (ବି), ଲଖନପୁର, ଝାରସୁଗୁଡ଼ା (ଅଂଶ) ରାଧାରାଣୀ ପଣ୍ଡା ଭାଜପା
ଝାରସୁଗୁଡ଼ା ଅଣ ସଂରକ୍ଷିତ ଝାରସୁଗୁଡ଼ା (ପୌ), କିରମିରା, ଲଇକେରା, କୋଲାବିରା, ଝାରସୁଗୁଡ଼ା (ଅଂଶ) ନବକିଶୋର ଦାସ କଂଗ୍ରେସ

ଶିକ୍ଷାସମ୍ପାଦନ କରନ୍ତୁ

ଝାରସୁଗୁଡ଼ା ଜିଲ୍ଲାର ମୁଖ୍ୟ ଶିକ୍ଷାନୁଷ୍ଠାନ ମଧ୍ୟରେ ଲକ୍ଷ୍ମୀନାରାୟଣ ମହାବିଦ୍ୟାଳୟ(୧୯୬୯ରେ ସ୍ଥାପିତ), ବ୍ରଜରାଜନଗର କଲେଜ(୧୯୭୮ରେ ସ୍ଥାପିତ), ଝାରସୁଗୁଡା ସରକାରୀ ଇଂଜିନିଯରିଂ ସ୍କୁଲ, ବେଲପାହାଡ କଲେଜ, ବ୍ଲାକ ଡାୟମଣ୍ଡ ଇଂଜିନିଯରିଂ କଲେଜ ଓ ଅନ୍ୟାନ୍ୟ କଲେଜ ସବୁ ଅଛି । ଜିଲ୍ଲାରେ ଝାରସୁଗୁଡାର ମନମୋହନ ହାଇସ୍କୁଲ ଓଡ଼ିଶାର ଏକ ପୁରାତନ ସ୍କୁଲ । ଏହା ବ୍ୟତୀତ ଜିଲ୍ଲାର ସବୁ ସହରରେ ଇଂରେଜୀ ମିଡିୟମ ସ୍କୁଲ, କେନ୍ଦ୍ରୀୟ ବିଦ୍ୟାଳୟ ଆଦି ରହିଛି ।

ଗମନାଗମନସମ୍ପାଦନ କରନ୍ତୁ

ଗମନା ଗମନ ଦୃଷ୍ଟିରୁ ଝାରସୁଗୁଡା ଜିଲ୍ଲା ଓଡ଼ିଶାରେ ଏକ ଅଗ୍ରଣୀ ଜିଲ୍ଲା । ଏହା ପୂର୍ବତଟ ରେଲପଥ ଓ ଦକ୍ଷିଣ ପୂର୍ବ ରେଳପଥଦ୍ୱାରା ସଂଯୁକ୍ତ ହେଇ ଏଠାରୁ କଲିକତା , ଦିଲ୍ଲୀ , ବାଙ୍ଗାଲୋର , ମୁମ୍ବାଇ ସହ ସଂଯୁକ୍ତ । ଜାତୀୟ ରାଜପଥର ବିସ୍ତାର ମଧ୍ୟ ଜିଲ୍ଲାରେ ଯଥେଷ୍ଠ । ଝାରସୁଗୁଡା ମଦ୍ୟ ଦେଇ କଲିକତାରୁ ମୁମ୍ବାଇକୁ ରାଜପଥ ସହ ସମ୍ବଲପୁର ରାଉରକେଲାକୁ ମଧ୍ୟ ସଂଯୋଗ ରହିଛି । ଝାରସୁଗୁଡାରୁ ଛତିଶଗଦର ରାୟପୁର ପର୍ଯ୍ୟନ୍ତ ମଧ୍ୟ ନୂତନ ରାଜପଥ ସଂଯୋଗ ହେଇଛି ।

ଶିଳ୍ପସମ୍ପାଦନ କରନ୍ତୁ

ଝାରସୁଗୁଡା ଜିଲ୍ଲାରେ ଶିଳ୍ପର ବହୁଳ ଉନ୍ନତି ହେଇ ଏହା ଭାରତର ଏକ ପ୍ରମୁଖ ଶିଳ୍ପୋନତ ଜିଲ୍ଲା ଭାବରେ ଜଣା ଶୁଣା । ଏହି ଜିଲ୍ଲାରେ ବ୍ରଜରାଜନଗର ଅଞ୍ଚଳରେ ବିପୁଳ କୋଇଲା ଉପଲବ୍ଧ ଥିବା ହେତୁ , ତାହା ସଙ୍ଗେ ସଙ୍ଗେ ହୀରାକୁଦ ଜଳଭଣ୍ଡାରର ଜଳ ଓ ରେଳ ଓ ସଡକ ପଥ ଥିବା କାରଣରୁ ଜିଲ୍ଲାରେ ଅନେକ ଶିଳ୍ପ ପ୍ରତିଷ୍ଟିତ ହେଇଛି । ତନ୍ନ ମଧ୍ୟରୁ ବେଦାନ୍ତ ଆଲୁମିନା , ଭୂଷଣ ଇସ୍ପାତ , ବିର୍ଲା ଆଲୁମିନା , ଆର୍ଜନ ଇସ୍ପାତ ତଥା ଆହୁରି ଅନେକ ମଧ୍ୟମ ଆକୃତି ଇସ୍ପାତ କାରଖାନା ରହିଛି ।

ପର୍ଯ୍ୟଟନ ସ୍ଥଳସମ୍ପାଦନ କରନ୍ତୁ

ଝାରସୁଗୁଡ଼ା ଜିଲ୍ଲା ମଧ୍ୟରେ ଅନେକ ପ୍ରାକୃତିକ ତଥା ଦର୍ଶନୀୟ ସ୍ଥାନ ରହିଛି । ସେଥି ମଧ୍ୟରୁ କୋଇଲି ଘୋଘର ଜଳପ୍ରପାତ ଭାରତ ବିଖ୍ୟାତ ।[୨] ଏହି ଜଳପ୍ରପାତ ଲଖନପୁର ନିକଟସ୍ଥ କୁଶମେଲବହଳ ନାମକ ଗ୍ରାମ ସନ୍ନିକଟରେ ଅବସ୍ଥିତ । ଏହି ଜଳ ପ୍ରପାତରେ ୨୦୦ଫୁଟ ଉପରୁ ଜଳ ନିର୍ଗତ ହେଇ ତାହା ବହି ଯାଏ ଓ ମହାନଦୀରେ ମିଶ୍ରଣ ହୁଏ । ଏହା ଛଡ଼ା ଝାରସୁଗୁଡ଼ାରୁ ୨୫ କିଲୋମିଟର ଦୂର ବିକ୍ରମଖୋଲର ଗୁମ୍ଫା ଭିତରେ ପ୍ରାକ- ଐତିହାସିକ ଶିଳା ଲେଖ ମାନ ପ୍ରତ୍ନତତ୍ୱ ବସ୍ତୁ ହିସାବରେ ଐତିହାସିକ ଓ ପ୍ରତ୍ନତତ୍ୱବିଦ ମାନଙ୍କୁ ଆକର୍ଷିତ କରେ ।[୩] ଝାରସୁଗୁଡ଼ା ସହରସ୍ଥ ଝଡେଶ୍ୱର ମନ୍ଦିର , ବ୍ରଜରାଜ ନଗର ନିକଟସ୍ଥ ଚଣ୍ଡୀ ମନ୍ଦିର , ପାହାଡୀ ମନ୍ଦିର ମଧ୍ୟ ବହୁ ପୁରାତନ ସ୍ଥାପତ୍ୟର ପରିଚୟ ହିସାବରେ ଅଛି ।

ଆଧାରସମ୍ପାଦନ କରନ୍ତୁ

  1. Census 2011: Odisha: Provisional Population Totals
  2. http://www.nuaodisha.com/Odisha-Tourism/Tourist-Places-in-Jharsuguda.htm
  3. "ରହସ୍ୟ ଖୋଲିବା ପୂର୍ବରୁ ଲିଭିଯିବ ପ୍ରାଚୀନ ଲିପି". ନିତିଦିନ. Retrieved 23 October 2016.

ଅଧିକ ତଥ୍ୟସମ୍ପାଦନ କରନ୍ତୁ