ଉଷା ମଙ୍ଗେସକର
ଉଷା ମଙ୍ଗେସକର (ଜନ୍ମ : ୧୫ ଡିସେମ୍ବର ୧୯୩୫) ଜଣେ ଭାରତୀୟ କଣ୍ଠଶିଳ୍ପୀ । ସେ ଓଡ଼ିଆ ଓ ହିନ୍ଦୀ ସମେତ ମରାଠୀ, ବଙ୍ଗଳା, ମଣିପୁରୀ, କନ୍ନଡ଼, ନେପାଳୀ, ଭୋଜପୁରୀ, ଗୁଜରାଟୀ, ଅହମିୟା ଆଦି ଭାଷାର ଗୀତରେ କଣ୍ଠଦାନ କରିଛନ୍ତି ।
ଉଷା ମଙ୍ଗେସକର | |
|---|---|
 ଉଷା ମଙ୍ଗେସକର ୨୦୦୭ ମସିହାରେ | |
| Background information | |
| ଜନ୍ମ | ୧୫ ଡିସେମ୍ବର ୧୯୩୫ ଇନ୍ଦୋର, ମଧ୍ୟ ପ୍ରଦେଶ, ଭାରତ |
| ଶୈଳୀ | ଭାରତୀୟ ଶାସ୍ତ୍ରୀୟ ସଙ୍ଗୀତ, ପ୍ରଚ୍ଚଦପଟ୍ଟ ଗାୟନ |
| ପେଷା | କଣ୍ଠଶିଳ୍ପୀ |
| କାର୍ଯ୍ୟକାଳ | ୧୯୫୪ରୁ ଏପର୍ଯ୍ୟନ୍ତ |
ବ୍ୟକ୍ତିଗତ ଜୀବନସମ୍ପାଦନ କରନ୍ତୁ
ଲତା ମଙ୍ଗେସକର ମଧ୍ୟ ପ୍ରଦେଶର ଇନ୍ଦୋରରେ ୧୯୩୫ ମସିହା ଡିସେମ୍ବର ୧୫ ତାରିଖରେ ଜନ୍ମ ଗ୍ରହଣ କରିଥିଲେ । ତାଙ୍କର ପିତା ଦିନାନାଥ ମଙ୍ଗେସକର ଜଣେ ଶାସ୍ତ୍ରୀୟ ସଙ୍ଗୀତ ଗାୟକ ଓ ମଞ୍ଚ କଳାକାର ଥିଲେ ।[୧] ତାଙ୍କ ମାତାଙ୍କ ନାମ ସୁଧାମତୀ ଥିଲା । ପରିବାରରେ ସେମାନେ ୪ ଭଉଣୀ ଓ ଗୋଟିଏ ଭାଇ ଥିଲେ । ଭଉଣୀ ଲତା ମଙ୍ଗେସକର, ଆଶା ଭୋସଲେ, ମୀନା ଖାଡ଼ିକର ଓ ଭାଇ ହୃଦୟନାଥ ମଙ୍ଗେସକର ସମସ୍ତେ ସଙ୍ଗୀତ ଶିକ୍ଷା କରୁଥିଲେ । ଉଷାଙ୍କର ଚିତ୍ରକଳାପ୍ରତି ମଧ୍ୟ ଆକର୍ଷଣ ରହିଥିଲା ।
ବୃତିଗତ ଜୀବନସମ୍ପାଦନ କରନ୍ତୁ
୧୯୭୫ ମସିହାରେ ହିନ୍ଦୀ ଚଳଚ୍ଚିତ୍ର ଜୟ ସନ୍ତୋଷୀ ମାରେ କଣ୍ଠଦାନ କରି ଉଷା ଲୋକଲୋଚକୁ ଆସିଥିଲେ ।[୨] ସେହି ଚଳଚ୍ଚିତ୍ର ପାଇଁ ତାଙ୍କୁ ଫିଲ୍ମଫେୟାର ପୁରସ୍କାରକୁ ମଧ୍ୟ ମନୋନୀତ କରାଯାଇଥିଲା । ମରାଠୀ ଚଳଚ୍ଚିତ୍ର ପିଞ୍ଜରରେ ତାଙ୍କ ଗୀତ ମୁଙ୍ଗଡ଼ା ଅତ୍ୟନ୍ତ ଲୋକପ୍ରିୟ ହୋଇଥିଲା ।
ଓଡ଼ିଆ ଚଳଚ୍ଚିତ୍ରରେ ଅବଦାନସମ୍ପାଦନ କରନ୍ତୁ
ଉଷା, ଅନେକ ଓଡ଼ିଆ ଚଳଚ୍ଚିତ୍ର ପାଇଁ କଣ୍ଠଦାନ କରିଛନ୍ତି । ସେ ମଧ୍ୟରେ ଅରୁନ୍ଧତୀ[୩], ଅଭିମାନ, ହାକିମ ବାବୁ, ସମୟ ବଡ଼ ବଳବାନ ଆଦି ଅନ୍ୟତମ । ସେ ଗାଇଥିବା କିଛି ଲୋକପ୍ରିୟ ଓଡ଼ିଆ ଗୀତ :
- ଚୁପି ଚୁପି ଗୋରୀ କାନେ କହିଯାଏ ମହୁରୀ (ଅଭିମାନ)
- ଏଇ ଛୋଟ କଥାଟିଏ ଭୁଲନା (ଅରୁନ୍ଧତୀ)[୪]
- ହାଏ ହାଏ ବନ୍ଧୁରେ (ହାକିମ ବାବୁ)
- ମତେ ବାନ୍ଧି ନେରେ ପୁଲିସ ବାବୁ (ସମୟ ବଡ଼ ବଳବାନ)
- ମୁଁ ତୁମ ମଇନା, ମୁଁ ତୁମ ଆଇନା (ହାକିମ ବାବୁ)
ସମ୍ମାନ ଓ ପୁରସ୍କାରସମ୍ପାଦନ କରନ୍ତୁ
- ଶ୍ରେଷ୍ଠ ପ୍ରଚ୍ଚଦପଟ୍ଟ ଗାୟିକା ପୁରସ୍କାର - ୧୯୭୫ (ବିଏଫଜେଏ ପୁରସ୍କାର) - ଜୟ ସନ୍ତୋଷୀ ମା ଚଳଚ୍ଚିତ୍ର ପାଇଁ[୫]
- ଫିଲ୍ମଫେୟାର ଶ୍ରେଷ୍ଠ ପ୍ରଚ୍ଚଦପଟ୍ଟ ଗାୟିକା ପୁରସ୍କାରପାଇଁ ମନୋନୟନ - (୧୯୭୫ ଜୟ ସନ୍ତୋଷୀ ମା ଚଳଚ୍ଚିତ୍ର ପାଇଁ)
- ଫିଲ୍ମଫେୟାର ଶ୍ରେଷ୍ଠ ପ୍ରଚ୍ଚଦପଟ୍ଟ ଗାୟିକା ପୁରସ୍କାରପାଇଁ ମନୋନୟନ - (୧୯୭୭ ଇନକାର ଚଳଚ୍ଚିତ୍ର ପାଇଁ)
- ଫିଲ୍ମଫେୟାର ଶ୍ରେଷ୍ଠ ପ୍ରଚ୍ଚଦପଟ୍ଟ ଗାୟିକା ପୁରସ୍କାରପାଇଁ ମନୋନୟନ - (୧୯୮୦ ଇକରାର ଚଳଚ୍ଚିତ୍ର ପାଇଁ)
- ମିର୍ଚି ସମ୍ମାନ ଲାଇଫ ଟାଇମ ଆଚିଭମେଣ୍ଟ - ୨୦୨୦
- ଲତା ମଙ୍ଗେସକର ସମ୍ମାନ - ୨୦୨୦-୨୧ (ମହାରାଷ୍ଟ୍ର ସରକାର ପ୍ରଦତ୍ତ)[୬]
ଆଧାରସମ୍ପାଦନ କରନ୍ତୁ
- ↑ Vashi, Ashish (29 September 2009). "Meet Lata-ben Mangeshkar!". The Times of India. Ahmedabad.
- ↑ rediff.com: Movies: Will Kavi Pradeep get his due?
- ↑ Routledge Handbook of Indian Cinemas. Routledge. 17-Apr-2013. p. 488.
{{cite book}}: Check date values in:|date=(help) - ↑ "The Lata Mangeshkar magic Odia film industry can never forget". www.newindianexpress.com. The New Indian Express. Archived from the original on 17 February 2022. Retrieved 17 February 2022.
- ↑ 69th & 70th Annual Hero Honda BFJA Awards 2007 Archived 8 January 2010 at the Wayback Machine.
- ↑ "Usha Mangeshkar gets Lata Mangeshkar award on sister's birthday Read more at: www.deccanherald.com/entertainment/usha-mangeshkar-gets-lata-mangeshkar-award-on-sisters-birthday-894375.html". www.deccanherald.com. deccan herald. Retrieved 17 February 2022.
ବାହାର ଆଧାରସମ୍ପାଦନ କରନ୍ତୁ
- ଉଷା ମଙ୍ଗେସକର (ଇଣ୍ଟରନେଟ ମୁଭି ଡାଟାବେସରେ)