୯ମ ଲୋକ ସଭା

୯ମ ଲୋକ ସଭା ୧୯୮୯ ମସିହାରେ ଗଠିତ ହୋଇଥିଲା । ଏହି ଲୋକ ସଭା ୧୯୮୯ ସାଧାରଣ ନିର୍ବାଚନ ପରେ ୨ ଡିସେମ୍ବର ୧୯୮୯ରେ ଗଠିତ ହୋଇଥିଲା ଏବଂ ପାଖାପାଖି ଦେଢ଼ ବର୍ଷ ପରେ ଅର୍ଥାତ ୧୩ ମାର୍ଚ୍ଚ ୧୯୯୧ ମସିହାରେ ଭଙ୍ଗ ହୋଇଥିଲା । ୯ମ ଲୋକ ସଭା ପାଇଁ ନିର୍ବାଚନ ପରେ ରାଜ୍ୟସଭାରୁ ୧୨ ଜଣେ ସଦସ୍ୟ ମନୋନୀତ ହୋଇ ଆସିଥିଲେ ।

ଏହି ଲୋକ ସଭାରେ ବିଶ୍ୱନାଥ ପ୍ରତାପ ସିଂହ ପ୍ରଧାନମନ୍ତ୍ରୀ ହୋଇଥିଲେ ଏବଂ ସେ ୨ ଡିସେମ୍ବର ୧୯୮୯ରୁ ୧୦ ନଭେମ୍ବର ୧୯୯୦ ଯାଏଁ ପ୍ରଧାନମନ୍ତ୍ରୀ ଭାବରେ କାର୍ଯ୍ୟ କରିଥିଲେ । ବିଶ୍ୱନାଥ ପ୍ରତାପ ସିଂହ ଭାରତୀୟ ଜତା ପାର୍ଟି ଏବଂ ଅନ୍ୟାନ୍ୟ ଦଳମାନଙ୍କର ମିଳିତ ସଂଗଠନରେ ପ୍ରଧାନମନ୍ତ୍ରୀ ହୋଇଥିଲେ । ଏହା ପୂର୍ବବର୍ତ୍ତୀ ୮ମ ଲୋକ ସଭା ତୁଳନାରେ ଏହି ଲୋକ ସଭାରେ କଂଗ୍ରେସ ଦଳ ୨୦୭ଟି ଆସନ କମ ଜତିଥିଲା ।

ବିଶ୍ୱନାଥ ପ୍ରତାପଙ୍କ ପରେ ଚନ୍ଦ୍ର ଶେଖର ୧୦ ନଭେମ୍ବର ୧୯୯୦ରୁ ୨୧ ଜୁନ ୧୯୯୧ ଯାଏଁ ପ୍ରଧାନମନ୍ତ୍ରୀ ହୋଇଥିଲେ । ତାଙ୍କୁ ରାଜୀବ ଗାନ୍ଧୀଙ୍କର କଂଗ୍ରେସ ଦଳ ତରଫରୁ ବାହ୍ୟ ସମର୍ଥନ ମିଳିଥିଲା । ଏହି ଲୋକ ସଭା ଭଙ୍ଗ ହେବାପରେ ୧୯୯୧ ସଧାରଣ ନିର୍ବାଚନ ପରେ ୨୦ ଜୁନ ୧୯୯୧ ମସିହାରେ ୧୦ମ ଲୋକ ସଭା ଗଠିତ ହୋଇଥିଲା ।

ଗୁରୁତ୍ୱପୂର୍ଣ୍ଣ ସଦସ୍ୟ

• ବାଚସ୍ପତି:
  • ରବି ରାୟ ୧୮ ଡିସେମ୍ବର ୧୯୮୯ରୁ ୯ ଜୁଲାଇ ୧୯୯୧
• ଉପ ବାଚସ୍ପତି:
  • ଶିବରାଜ ପାଟିଲ ୧୯ ମାର୍ଚ୍ଚ ୧୯୯୦ରୁ ୧୩ ମାର୍ଚ୍ଚ ୧୯୯୧
• ମହା ସଚିବ:
  • ସୁବାସ ଚନ୍ଦ୍ର କଶ୍ୟପ ୩୧ ଡିସେମ୍ବର ୧୯୮୩ରୁ ୨୦ ଅଗଷ୍ଟ ୧୯୯୦
  • କେ. ସି. ରସ୍ତୋଗି ୧୦ ସେପ୍ଟେମ୍ବର ୧୯୯୦ରୁ ୩୧ ଡିସେମ୍ବର ୧୯୯୧

ରାଜନୈତିକ ଦଳ ଅନୁସାରେ ନିର୍ବାଚିତ ସଦସ୍ୟ

ବିଭିନ୍ନ ରାଜନୈତିକ ଦଳରୁ ୬ଷ୍ଠ ଲୋକ ସଭାକୁ ନିର୍ବାଚିତ ହୋଇଥିବା ସଦସ୍ୟମାନଙ୍କର ତାଲିକା ନିମ୍ନରେ ଦର୍ଶାଯାଇଛି-

S.No.	Party Name	Number of MPs
୧	ଭାରତୀୟ ଜାତୀୟ କଂଗ୍ରେସ	୧୯୫
୨	ଜନତା ଦଳ	୧୪୨
୩	ଭାରତୀୟ ଜନତା ପାର୍ଟି	୮୯
୪	ଭାରତୀୟ କମ୍ୟୁନିଷ୍ଟ ପାର୍ଟି (ମାର୍କ୍ସବାଦୀ)	୩୪
୫	ଭାରତୀୟ କମ୍ୟୁନିଷ୍ଟ ପାର୍ଟି	୧୨
୬	ଏ.ଆଇ.ଏ ଡି.ଏମ୍.କେ	୧୧
୭	ସ୍ୱାଧୀନ	୮
୮	ଶିରୋମଣୀ ଅକାଳୀ ଦଳ	୭
୯	ବହୁଜନ ସମାଜ ପାର୍ଟି	୪
୧୦	ରିଭୋଲ୍ୟୁସ୍‌ନାରୀ ସୋସିଆଲିଷ୍ଟ ପାର୍ଟି	୪
୧୧	ଅଲ ଇଣ୍ଡିଆ ଫରୱାର୍ଡ଼ ବ୍ଳକ	୩
୧୨	ଜାମ୍ମୁ ଆଣ୍ଡ କାଶ୍ମୀର ନେସ୍‌ନାଲ୍ କନ୍‌ଫରେନ୍ସ	୩
୧୩	ଝାଡ଼ଖଣ୍ଡ ମୁକ୍ତି ମୋର୍ଚ୍ଚା	୩
୧୪	ଶିବ ସେନା	୩
୧୫	ନୋମିନେଟେଡ୍	୩
୧୬	ସର୍ବଭାରତୀୟ ମୁସଲମାନ ଦଳ	୨
୧୭	ତେଲୁଗୁ ଦେଶମ୍ ପାର୍ଟି	୨
୧୮	ଏଆଇଏମ୍ଆଇଏମ୍	୧
୧୯	ଅଖିଳ ଭାରତୀୟ ହିନ୍ଦୁ ମହାପରିଷଦ	୧
୨୦	କଂଗ୍ରେସ (ଏସ୍)	୧
୨୧	ଗୋର୍ଖା ନେସ୍‌ନାଲ୍ ଲିବରେସନ୍ ଫ୍ରଣ୍ଟ	୧
୨୨	ଇଣ୍ଡିଆନ ପିପୁଲସ୍ ଫ୍ରଣ୍ଟ	୧
୨୩	କରେଳ କଂଗ୍ରେସ	୧
୨୪	ମହାରାଷ୍ଟ୍ରବାଦୀ ଗୋମନ୍ତକ ପାର୍ଟି	୧
୨୫	ମାରିଷ୍ଟ କୋଡ଼ିନେସନ୍	୧
୨୬	ସିକ୍କିମ ସଂଗ୍ରାସ ପରିଷଦ	୧

ବାହାର ଆଧାର

• ଲୋକ ସଭା ୱେବସାଇଟ୍