ରୁଦ୍ର ମାଧବ ରାୟ

ରୁଦ୍ର ମାଧବ ରାୟ (୨୩ ନଭେମ୍ବର ୧୯୩୭ - ୩୧ ମଇ ୨୦୧୬) ଜଣେ ଓଡ଼ିଆ ରାଜନୀତିଜ୍ଞ ଥିଲେ । ସେ ଓଡ଼ିଶା ବିଧାନ ସଭାରେ ଜନତା ଦଳ ଓ ବିଜୁ ଜନତା ଦଳର କର୍ମକର୍ତ୍ତା ଭାବରେ କାର୍ଯ୍ୟ କରୁଥିଲେ । ରୁଦ୍ର ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ତିନିଥର ଏବଂ ଲୋକ ସଭାରେ ସାଂସଦ ଭାବରେ ଥରେ କାର୍ଯ୍ୟ କରିଥିଲେ । ୧୯୯୦, ୧୯୯୫ ଓ ୨୦୦୪ ମସିହାରେ ଓଡ଼ିଶାରେ ହୋଇଥିବା ବିଧାନ ସଭା ନିର୍ବାଚନରେ ସେ ଦଶପଲ୍ଲା ବିଧାନ ସଭା ନିର୍ବାଚନ ମଣ୍ଡଳୀରୁ ଯଥାକ୍ରମେ ୧୦ମ, ୧୧ଶ ଓ ୧୩ଶ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ । ରୁଦ୍ର ମାଧବ ରାୟ ୨୦୦୯ ଭାରତୀୟ ସାଧାରଣ ନିର୍ବାଚନରେ କନ୍ଧମାଳ ଲୋକ ସଭା ନିର୍ବାଚନ ମଣ୍ଡଳୀରୁ ୧୫ଶ ଲୋକ ସଭାକୁ ନିର୍ବଚିତ ହୋଇଥିଲେ ।

ରୁଦ୍ର ମାଧବ ରାୟ
ବିଧାୟକ: ୧୦ମ, ୧୧ଶ ଓଡ଼ିଶା ବିଧାନ ସଭା
କାର୍ଯ୍ୟକାଳ ୧୯୯୦ – ୧୯୯୭
ପୂର୍ବ ଅଧିକାରୀ	ହରିହର କରଣ
ପର ଅଧିକାରୀ	ହରିହର କରଣ
ନିର୍ବାଚନ ମଣ୍ଡଳୀ	ଦଶପଲ୍ଲା
ବିଧାୟକ: ୧୩ଶ ଓଡ଼ିଶା ବିଧାନ ସଭା
କାର୍ଯ୍ୟକାଳ ୨୦୦୪ – ୨୦୦୯
ପୂର୍ବ ଅଧିକାରୀ	ହରିହର କରଣ
ପର ଅଧିକାରୀ	କାଶୀନାଥ ମଲ୍ଲିକ
ନିର୍ବାଚନ ମଣ୍ଡଳୀ	ଦଶପଲ୍ଲା
ସାଂସଦ: ୧୫ଶ ଲୋକ ସଭା
କାର୍ଯ୍ୟକାଳ ୨୦୦୯ – ୨୦୧୪
ପର ଅଧିକାରୀ	ପ୍ରତ୍ୟୁଷା ରାଜେଶ୍ୱରୀ ସିଂ‎
ନିର୍ବାଚନ ମଣ୍ଡଳୀ	କନ୍ଧମାଳ
ବ୍ୟକ୍ତିଗତ ସବିଶେଷ
ଜନ୍ମ	(1937-11-23)ନଭେମ୍ବର ୨୩, ୧୯୩୭
ମୃତ୍ୟୁ	୩୧ ମଇ ୨୦୧୬(2016-05-31) (ବୟସ ୭୮)
ନାଗରିକତା	ଭାରତୀୟ
ଜାତୀୟତା	ଭାରତୀୟ
ରାଜନୀତିକ ଦଳ	ବିଜୁ ଜନତା ଦଳ
ଅନ୍ୟାନ୍ୟ ରାଜନୀତିକ ସମ୍ବନ୍ଧ	ଜନତା ଦଳ
ଜୀବନ ସାଥୀ	ଶାନ୍ତିଲତା ରାୟ
ବାପା/ବୋଉ	ଚନ୍ଦ୍ର ଶେଖର ରାୟ (ବାପା)
ବୃତ୍ତି	ରାଜନୀତିଜ୍ଞ

ଜନ୍ମ, ପରିବାର ଓ ଶିକ୍ଷା

ରୁଦ୍ର ମାଧବ ରାୟ ୧୯୩୭ ମସିହାର ନଭେମ୍ବର ମାସ ୨୩ ତାରିଖରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ ଚନ୍ଦ୍ର ଶେଖର ରାୟ ଏବଂ ପତ୍ନୀଙ୍କ ନାମ ଶାନ୍ତିଲତା ରାୟ । ରୁଦ୍ରଙ୍କର ଶିକ୍ଷାଗତ ଯୋଗ୍ୟତା ବିଜ୍ଞାନରେ ସ୍ନାତକ ଥିଲା ।

ରାଜନୈତିକ ଜୀବନ

ରୁଦ୍ର ଓଡ଼ିଶା ରାଜନୀତିରେ ବିଜୁ ଜନତା ଦଳର କାର୍ମକର୍ତ୍ତା ଭାବରେ ସକ୍ରିୟ ଥିଲେ ଏବଂ ପୂର୍ବରୁ ଜନତା ଦଳରେ କାର୍ଯ୍ୟ କରୁଥିଲେ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ତିନିଥର କାର୍ଯ୍ୟ କରିଥିଲେ ।

ମୃତ୍ୟୁ

ରୁଦ୍ର ମାଧବ ରାୟ ୨୦୧୬ ମସିହାର ମଇ ମାସ ୩୧ ତାରିଖରେ ମୃତ୍ୟୁବରଣ କରିଥିଲେ । ମୃତ୍ୟୁବେଳକୁ ତାଙ୍କୁ ୭୮ ବର୍ଷ ବୟସ ହୋଇଥିଲା ।