ରାମ ପ୍ରସାଦ ମହାନ୍ତି

ରାମ ପ୍ରସାଦ ମହାନ୍ତି (ଜନ୍ମ: ୧୯୨୪; ଜନ୍ମନାମ: ଦୁର୍ଗାଚରଣ ମହାନ୍ତି) ଜଣେ ଓଡ଼ିଆ ଲେଖକ, ଅନୁବାଦ ଓ ଶିଶୁ ସାହିତ୍ୟିକ । ସେ ଓଡ଼ିଶା ଶିଶୁ ସାହିତ୍ୟ ଜଗତରେ ଜହୁରୀ ଭାଇ ଭାବରେ ପରିଚିତ । ସେ ୧୯୯୧ ମସିହାରେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ଓ ୨୦୧୨ ମସିହାରେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପାଇଥିଲେ ।

ରାମ ପ୍ରସାଦ ମହାନ୍ତି
ଜନ୍ମ	ଦୁର୍ଗାଚରଣ ମହାନ୍ତି ୧୯୨୪ କଣ୍ଟିଲୋ, ନିମାପଡ଼ା ପୁରୀ ଜିଲ୍ଲା
ଜାତୀୟତା	ଭାରତୀୟ
ଅନ୍ୟ ନାମ	ଜହୁରୀ ଭାଇ
ଜାତୀୟତା	ଭାରତୀୟ
ବୃତ୍ତି(ସମୂହ)	ଲେଖକ ଅନୁବାଦକ ଶିଶୁ ସାହିତ୍ୟିକ
ପିତାମାତା	ସାଧୁଚରଣ ମହାନ୍ତି (ବାପା) ରେଖା ମହାନ୍ତି (ମାଆ)
ପୁରସ୍କାର	ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର- ୧୯୯୧ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର- ୨୦୧୨

ଜନ୍ମ ଓ ଶିକ୍ଷା

ରାମ ପ୍ରସାଦ ମହାନ୍ତି ୧୯୨୪ ମସିହାରେ ଓଡ଼ିଶାର ପୁରୀ ଜିଲ୍ଲାର ନିମାପଡ଼ା ଅଧିନସ୍ଥ କଣ୍ଟିଲୋଠାରେ ଜନ୍ମଗ୍ରହଣ କରିଥିଲେ । ତାଙ୍କ ବାପା ହେଉଛନ୍ତି ସାଧୁଚରଣ ମହାନ୍ତି ଏବଂ ମାଆ ରେଖା ମହାନ୍ତି । ସେ ୧୯୩୮ ମସିହାରେ ମଧ୍ୟ ଇଂରାଜୀ ସ୍କୁଲରୁ ପାଠ ପଢ଼ା ଶେଷ କରିଥିଲେ ଏବଂ ଏହାପରେ ସେ ସ୍ୱାଧୀନତା ସଂଗ୍ରାମ ଆନ୍ଦୋଳନରେ ଯୋଗ ଦେଇଥିଲେ । ସେ ମେଟ୍ରିକ୍ ପାଶ୍ କରି ନାହାନ୍ତି ।

ସ୍ୱାଧୀନତା ସଂଗ୍ରାମରେ ଯୋଗଦାନ

ରାମ ପ୍ରସାଦ ମହାତ୍ମା ଗାନ୍ଧୀଙ୍କର "କର ବା ମର" ଆହ୍ୱାନରେ ଅନୁପ୍ରାଣୀତ ହୋଇ ସ୍ୱାଧୀନତା ସଂଗ୍ରାମ ଆନ୍ଦୋଳନରେ ଯୋଗ ଦେଇଥିଲେ । ୧୯୪୨ ମସିହାର ଭାରତ ଛାଡ଼ ଆନ୍ଦୋଳନ ସମୟରେ ସେ ତାଙ୍କର ନାମ ଦୁର୍ଗାଚରଣରୁ ରାମ ପ୍ରସାଦକୁ ବଦଳାଇଥିଲେ । ମାତ୍ର ସେ ପୋଲିସ ନଜରରୁ ବଞ୍ଚିପାରିନଥିଲେ, ଏକ ଜନ-ସମାଗମରେ ଭାଷଣ ଦେବାବେଳେ ତାଙ୍କୁ ପୋଲିସ ଗିରିଫ କରିଥିଲା ଏବଂ ପ୍ରଥମେ ପୁରୀ ଜେଲରେ ୬ ମାସ ଓ ପରେ ବ୍ରହ୍ମପୁର ଜେଲରେ ଦୁଇବର୍ଷ ବନ୍ଦୀ କରି ରଖାଯାଇଥିଲା । ସେ ଜେଲରେ ଥିବାବେଳେ ଜାତୀୟ କବି ବୀରକିଶୋର ଦାସଙ୍କ ତତ୍ତ୍ୱାବଧାନରେ ବିଭିନ୍ନ ବିଷୟରେ ପାଠ ପଢ଼ିଥିଲେ ।

ରଚନାବଳୀ

• ୧୯୯୧ - ବଜାରେ ବାଜା
• ୧୯୯୭ - କିଣିବ କିଏ ଭିଣିବ କିଏ (ଦାଶ ବୁକ୍ ଷ୍ଟୋର)
• ୧୯୯୯ - କଥାଟିଏ କଥା କହୁ କଥାଟିଏଁ (ଶତଦ୍ରୁ ପ୍ରକାଶନୀ)
• ୨୦୦୦ - ମନ ପବନ (ଜନଶକ୍ତି ପୁସ୍ତକାଳୟ)

ପୁରସ୍କାର

• ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ୧୯୯୧ ବଜାରେ ବାଜା
• କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର, ୨୦୧୨
• ଶିଶୁ ସାହିତ୍ୟ ରତ୍ନ, ୨୦୦୨ (ଶିଶୁ ସାହିତ୍ୟ ଲେଖକ ସମ୍ମେଳନ, ଓଡ଼ିଶା ପ୍ରଦତ୍ତ)