ରାଧାକୃଷ୍ଣ ବିଶ୍ୱାସରାୟ

ରାଧାକୃଷ୍ଣ ବିଶ୍ୱାସରାୟ (୫ ମାର୍ଚ୍ଚ ୧୯୦୫- ୫ ଫେବୃଆରୀ ୧୯୮୪) ଭାରତର ସ୍ୱାଧୀନତା ପୂର୍ବରୁ ଅବିଭକ୍ତ କୋରାପୁଟ ଜିଲ୍ଲାର ଜନ‌ଜାତି ସମ୍ପ୍ରଦାୟ ମଧ୍ୟରେ ନିମନ୍ତେ ଉଲ୍ଲେଖନୀୟ କାର୍ଯ୍ୟ କରିଥିବା ଲୋକଙ୍କ ମଧ୍ୟରୁ ଅନ୍ୟତମ । ଲୋକଙ୍କ ମନରେ ସ୍ୱାଧୀନତାର ଚେତନା ଜାଗ୍ରତ କରିବାରେ ସେ ଅଗ୍ରଗଣ୍ୟ ଥିବାରୁ ତାଙ୍କୁ କୋରାପୁଟର ଗାନ୍ଧୀ କୁହାଯାଉଥିଲା । ସେ ୧୯୫୨ରୁ ୧୯୫୭ ପର୍ଯ୍ୟନ୍ତ ରାଜ୍ୟ ସଭାର ସଭ୍ୟ ଭାବେ ଦାୟିତ୍ୱ ନିର୍ବାହ କରିଥିଲେ ।

ରାଧାକୃଷ୍ଣ ବିଶ୍ୱାସରାୟ
ସଭ୍ୟ: ଓଡ଼ିଶା ବିଧାନ ସଭା
କାର୍ଯ୍ୟକାଳ ୧୯୫୭ – ୧୯୬୧
ପୂର୍ବ ଅଧିକାରୀ	-
ପର ଅଧିକାରୀ	ସଦାଶିବ ତ୍ରିପାଠୀ
ନିର୍ବାଚନ ମଣ୍ଡଳୀ	ଉମରକୋଟ
ସଭ୍ୟ: ରାଜ୍ୟ ସଭା
କାର୍ଯ୍ୟକାଳ ୩ ଅପ୍ରେଲ ୧୯୫୨ – ୧ ଅପ୍ରେଲ ୧୯୫୭ (ଇସ୍ତଫା)
ନିର୍ବାଚନ ମଣ୍ଡଳୀ	ଓଡ଼ିଶା
ବ୍ୟକ୍ତିଗତ ସବିଶେଷ
ଜନ୍ମ	(1905-03-05)୫ ମାର୍ଚ୍ଚ ୧୯୦୫ ପାର୍ବତୀପୁରମ, ଆନ୍ଧ୍ରପ୍ରଦେଶ
ମୃତ୍ୟୁ	୫ ଫେବୃଆରୀ ୧୯୮୪(1984-02-05) (ବୟସ ୭୮)
ରାଜନୀତିକ ଦଳ	କଂଗ୍ରେସ

ଜନ୍ମ

ଆନ୍ଧ୍ର ପ୍ରଦେଶର ପାର୍ବତୀପୁରମରେ ସେ ଜନ୍ମ ଗ୍ରହଣ କରିଥିଲେ । ତାଙ୍କର ମୂଳ ନାମ ଥିଲା ରାଧାକୃଷ୍ଣ ସାହୁ । ତାଙ୍କର ମଉସା ତାଙ୍କୁ ପୋଷ୍ୟପୁତ୍ର କରି ନେବାରୁ ତାଙ୍କ ନାମ ପରିବର୍ତ୍ତିତ ହୋଇ ରାଧାକୃଷ୍ଣ ବିଶ୍ୱାସରାୟ ହୋଇଥିଲା ।

ଶିକ୍ଷା

ଜୟପୁରରେ ତାଙ୍କ ବିଦ୍ୟାର୍ଥୀ ଜୀବନ କଟିଥିଲା, କିନ୍ତୁ ଅର୍ଥାଭାବରୁ ମହାବିଦ୍ୟାଳୟ ଉଚ୍ଚଶିକ୍ଷାରୁ ସେ ବଞ୍ଚିତ ହୋଇଥିଲେ ।

କର୍ମମୟ ଜୀବନ

ବ୍ରିଟିଶ ସରକାରଙ୍କ ଶାସନରେ ସେ ଜଣେ କିରାଣୀ ଭାବରେ କର୍ମମୟ ଜୀବନ ଆରମ୍ଭ କରିଥିଲେ । ଗୋପବନ୍ଧୁ ଚୌଧୁରୀଙ୍କ ପରାମର୍ଶ କ୍ରମେ ସେ ଚାକିରି ଛାଡ଼ି ସ୍ୱାଧୀନତା ଆନ୍ଦୋଳନରେ ଯୋଗ ଦେଇଥିଲେ । ଲବଣ ସତ୍ୟାଗ୍ରହରେ ଯୋଗ ଦେଇ ବ୍ରିଟିଶ ସରକାରଙ୍କଦ୍ୱାରା ଗିରଫ ହୋଇଥିଲେ । ନୈତିକତାପୂର୍ଣ୍ଣ ମୂଲ୍ୟବୋଧ ରାଜନୀତିରେ ତାଙ୍କର ବିଶ୍ୱାସ ଥିଲା । ଏକଦା ପଣ୍ଡତ ଗୋଦାବରୀଶ ମିଶ୍ରଙ୍କୁ ହରାଇ ସେ ଓଡ଼ିଶା ପ୍ରଦେଶ କଂଗ୍ରେସ କମିଟିର ସଭାପତି ହୋଇଥିଲେ । ଥରଟିଏ ଅଳ୍ପକାଳ ନିମନ୍ତେ ସେ ଆଦିବାସୀ ଓ ହରିଜନ କଲ୍ୟାଣ ମନ୍ତ୍ରୀ ହୋଇଥିଲେ ।

ଦଳ ମଧ୍ୟରେ ନୀତି ଆଦର୍ଶର ବିଚ୍ୟୁତି ଦେଖି ସେ କଂଗ୍ରେସ ତ୍ୟାଗ କରିଥଲେ ଓ ପରେ ସକ୍ରିୟ ରାଜନୀତିରୁ ଦୂରେଇ ଯାଇଥିଲେ । ଏହା ପରେ ବିନୋବା ଭାବେଙ୍କ ଭୂଦାନ ଆନ୍ଦୋଳନରେ ଯୋଗ ଦେଇଥିଲେ । ଶେଷ ପର୍ଯ୍ୟନ୍ତ ସେ କୋରାପୁଟର ଜନ‌ଜାତିର ବିକାଶ ପାଇଁ କାର୍ଯ୍ୟ କରିଥିଲେ ।

ମୃତ୍ୟୁ

୧୯୮୪ ମସିହା ଫେବୃଆରୀ ମସ ୫ ତାରିଖ ଦିନ ସେ ମୃତ୍ୟୁବରଣ କରିଥିଲେ ।