ବୈକୁଣ୍ଠ ନାଥ ମହାନ୍ତି

ବୈକୁଣ୍ଠ ନାଥ ମହାନ୍ତି (୧୨ ଅପ୍ରେଲ ୧୯୧୭ - ୧୫ ଅକ୍ଟୋବର ୧୯୯୫) ଜଣେ ଓଡ଼ିଆ ରାଜନୀତିଜ୍ଞ ଓ ଗୀତିକାର ଥିଲେ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ଦୁଇ ଥର କାର୍ଯ୍ୟ କରିଥିଲେ । ୧୯୫୭ ଓ ୧୯୬୭ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ସେ ବାଲିକୁଦା ବିଧାନ ସଭା ନିର୍ବାଚନ ମଣ୍ଡଳୀରୁ ଯଥାକ୍ରମେ ୨ୟ ଓ ୪ର୍ଥ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ । ସେ ଗୀତିକାର ଭାବରେ ମଥୁରା ବିଜୟ ଓ ଅକ୍ଷି ତୃତୀୟା କଥାଚିତ୍ରର ଗୀତ ରଚନା କରିଥିଲେ ।

ଜନ୍ମ, ପରିବାର ଓ ଶିକ୍ଷା ସମ୍ପାଦନା

ବୈକୁଣ୍ଠ ନାଥ ମହାନ୍ତି ୧୯୧୭ ମସିହାର ଅପ୍ରେଲ ୧୨ ତାରିଖରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ ପୁରୁଷୋତ୍ତମ ମହାନ୍ତି ଓ ପତ୍ନୀଙ୍କ ନାମ ଶରତ କୁମାରୀ ଦେବୀ ।^[୧]

ବୈକୁଣ୍ଠ ନାଥ ମହାନ୍ତି ଓଡ଼ିଶା ରାଜନୀତିରେ ପ୍ରଜା ସୋସିଆଲିଷ୍ଟ ପାର୍ଟିର କର୍ମୀ ଭାବରେ କାର୍ଯ୍ୟ କରୁଥିଲେ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ଦୁଇ ଥର କାର୍ଯ୍ୟ କରିଥିଲେ ।^[୧]

ବୈକୁଣ୍ଠ ନାଥ ମହାନ୍ତି ୧୯୯୫ ମସିହାର ଅକ୍ଟୋବର ୧୫ ତାରିଖରେ ମୃତ୍ୟୁବରଣ କରିଥିଲେ ।^[୧] ମୃତ୍ୟୁବେଳକୁ ତାଙ୍କୁ ୭୮ ବର୍ଷ ବୟସ ହୋଇଥିଲା ।

↑ ^୧.୦ ^୧.୧ ^୧.୨ "Shri Baikunthanath Mohanty". odishaassembly.nic.in. Odisha Assembly. Retrieved 12 May 2022.