ବାସୁଦେବ ମହାପାତ୍ର (ଭାରତୀୟ ସାମ୍ବାଦିକ)

ବାସୁଦେବ ମହାପାତ୍ର ଓଡ଼ିଶାରେ ଜନ୍ମିତ ଜଣେ ଭାରତୀୟ ସାମ୍ବାଦିକ ଓ ଫିଲ୍ମ ସମ୍ପାଦକ ଥିଲେ । ସେ ପରିବେଶ ସାମ୍ବାଦିକତା କ୍ଷେତ୍ରରେ ତୃଣମୂଳ ସ୍ତରର ବିକାଶ ରିପୋର୍ଟ ଓ ବିଶ୍ଳେଷଣ ପାଇଁ ଜଣାଶୁଣା ଥିଲେ । ସେ ୧୯୯୮ ମସିହାରେ ନିର୍ମିତ ଭୁବନେଶ୍ୱରର ଖଣି କର୍ମଚାରୀମାନଙ୍କ ଜୀବନ ଉପରେ ପର୍ଯବସିତ ବୃତ୍ତଚିତ୍ର The burning minesର ସମ୍ପାଦନା କରିଥିଲେ ।

ବାସୁଦେବ ମହାପାତ୍ର
ଜନ୍ମ	ବାଲୁଗାଁ, ଖୋର୍ଦ୍ଧା ଜିଲ୍ଲା, ଓଡ଼ିଶା
ମୃତ୍ୟୁ	୧ ମଇ ୨୦୨୩ ଭୁବନେଶ୍ୱର
ଜାତୀୟତା	ଭାରତୀୟ
ବୈବାହିକ-ସାଥୀ	ସୁଜାତା ମହାପାତ୍ର

୨୦୨୩ ମସିହା ମଇ ୧ ତାରିଖରେ ଭୁବନେଶ୍ୱରର ରାଜଧାନୀ ଡାକ୍ତରଖାନା (କ୍ୟାପିଟାଲ ହସ୍ପିଟାଲ)ରେ ଚିକିତ୍ସାଧୀନ ଅବସ୍ଥାରେ ତାଙ୍କର ୫୫ ବର୍ଷ ବୟସରେ ଦେହାନ୍ତ ହୋଇଥିଲା ।

ଜୀବନୀ

ପ୍ରାରମ୍ଭିକ ଜୀବନ ଓ ଶିକ୍ଷା

ବାସୁଦେବ ମହାପାତ୍ର ଓଡ଼ିଶାର ଖୋର୍ଦ୍ଧା ଜିଲ୍ଲାସ୍ଥିତ ବାଲୁଗାଁରେ ଜନ୍ମଗ୍ରହଣ କରିଥିଲେ । ସେ ସେଠାକାର ଗୋଦାବରୀଶ ବିଦ୍ୟାପୀଠରେ ସ୍କୁଲ ଶିକ୍ଷା ଶେଷ କରିବା ପରେ ବ୍ରହ୍ମପୁର ବିଶ୍ୱବିଦ୍ୟାଳୟରୁ ସ୍ନାତକୋତ୍ତର କରିଥିଲେ ।

ବୃତ୍ତି

ଶିକ୍ଷା ପରେ ସେ ଛପା ମିଡିଆରେ ଜଣେ ସାମ୍ବାଦିକ ଭାବରେ କ୍ୟାରିୟର ଆରମ୍ଭ କରିଥିଲେ । ସେ ଉଭୟ ଇଂରାଜୀ ଓ ଧରିତ୍ରୀ ତଥା ଅନ୍ୟାନ୍ୟ ଓଡ଼ିଆ ଖବରକାଗଜ ପାଇଁ କାମ କରୁଥିଲେ । ପରେ ସେ ପ୍ରସାରଣ ମାଧ୍ୟମରେ ଯୋଗ ଦେଇଥିଲେ । ସେ ନକ୍ଷତ୍ର ନିଉଜ୍‌ର ସମ୍ପାଦକ ଭାବରେ ମଧ୍ୟ କିଛି ସମୟ କାର୍ଯ୍ୟ କରିଥିଲେ । ଏହା ପରେ ସେ OdishaofMyTime.com ନାମରେ ନିଜର ୱେବ ଖବର ଚ୍ୟାନେଲ ଚଳାଉଥିଲେ ଏବଂ ସ୍ଥାନୀୟ ନ୍ୟୁଜ୍ ପ୍ଲାଟଫର୍ମ ସହିତ ଫ୍ରିଲାନ୍ସ କରୁଥିଲେ ।

ମୃତ୍ୟୁ

ସେ କିଛି ଦିନ ଧରି ଅସୁସ୍ଥ ଥିଲେ ଓ ୨୦୨୩ ମସିହା ମଇ ୧ ତାରିଖ ସକାଳେ ଛାତିରେ କଷ୍ଟ ଅନୁଭବ କରୁଥିଲେ । ତାଙ୍କୁ ତାଙ୍କ ଘର ଲୋକେ କ୍ୟାପିଟାଲ ହସ୍ପିଟାଲ ନେଇଯାଇଥିଲେ । ସେଠାରେ ପରୀକ୍ଷା ପରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ ।