ପାରମିତା ଶତପଥୀ

କ୍ଷୁଦ୍ରଗଳ୍ପ ଓ ଉପନ୍ୟାସ ଲେଖିକା

ପାରମିତା ଶତପଥୀ (ଜନ୍ମ ୩୦ ଅଗଷ୍ଟ ୧୯୬୫) ଜଣେ ଓଡ଼ିଆ କ୍ଷୁଦ୍ରଗଳ୍ପ ଲେଖିକା ଓ ଔପନ୍ୟାସିକା । ମାତା ପ୍ରତିଭା ଶତପଥୀ ଜଣେ ଆଧୁନିକ ଓଡ଼ିଆ କବି ଓ ପିତା ନିତ୍ୟାନନ୍ଦ ଶତପଥୀ ଜଣେ ସାହିତ୍ୟ ସମାଲୋଚକ । ୧୯୮୯ ମସିହାରେ ଭାରତୀୟ ରାଜସ୍ଵ ସେବାରେ ଯୋଗ ଦେଇଥିବା ପାରମିତା ଆୟକର ବିଭାଗରେ କମିଶନର ଭାବେ କାର୍ଯ୍ୟରତ ଅଛନ୍ତି ।[୧]

ପାରମିତା ଶତପଥୀ
Paramita Satpathy.jpg
ଜନ୍ମ ୩୦ ଅଗଷ୍ଟ ୧୯୬୫ (1965-08-30) (୫୨ ବର୍ଷ)
ବୃତ୍ତି ଆୟକର ବିଭାଗ କମିଶନର,
ଭାଷା ଓଡ଼ିଆ
ଜାତୀୟତା ଭାରତୀୟ
ନାଗରିକତା ଭାରତୀୟ
ଶିକ୍ଷା ବିଶ୍ଳେଷଣାତ୍ମକ ଓ ଫଳିତ ଅର୍ଥନୀତିରେ ସ୍ନାତକୋତ୍ତର,
ଅର୍ଥନୀତି ଅଧ୍ୟୟନ ଓ ପରିକଳ୍ପନା କେନ୍ଦ୍ର (ଜେ.ଏନ.ୟୁ)ରୁ ଏମ୍.ଫିଲ୍
ପୁରସ୍କାର କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର
ଜୀବନ ସାଥି ସୁବ୍ରତ ତ୍ରିପାଠୀ
ସନ୍ତାନ ଅନ୍ଵେଷା
ଜ୍ଞାତି କୁଟୁମ୍ବ ନିତ୍ୟାନନ୍ଦ ଶତପଥୀ (ବାପା)
ପ୍ରତିଭା ଶତପଥୀ (ମାଆ)
ୱେବସାଇଟ
paramitasatpathy.com

ପାରମିତା ଶତପଥୀଙ୍କ ପ୍ରଥମ କ୍ଷୁଦ୍ରଗଳ୍ପ ୧୯୮୫ରେ ପ୍ରମୁଖ ଓଡ଼ିଆ ପତ୍ରିକା ଝଙ୍କାରରେ ପ୍ରକାଶ ପାଇଥିଲା । ପରେ ପରେ ତାଙ୍କର ଅନେକ ଲେଖା ପ୍ରକାଶ ପାଇଲା । ତାଙ୍କର ଅନେକ ଗଳ୍ପ ଅନ୍ୟାନ୍ୟ ଭାରତୀୟ ଭାଷା ଯଥା ତେଲୁଗୁ, ହିନ୍ଦୀ, ଇଂରାଜୀ, ବଙ୍ଗାଳୀ ଆଦି ଭାଷାରେ ଅନୁବାଦିତ ହୋଇ ଉଚ୍ଚ ପ୍ରଶଂସିତ ହୋଇଛି । 'ପ୍ରାପ୍ତି'ର ଭିସିଡି ଅଗଷ୍ଟ ୨୦୧୫ରେ ମୁକ୍ତିଲାଭ କରିଥିଲା ।[୨]

କବି ପ୍ରତିଭା ଶତପଥୀ ଏବଂ ପ୍ରାବନ୍ଧିକ ନିତ୍ୟାନନ୍ଦ ଶତପଥୀଙ୍କ ଝିଅ ପାରମିତାଙ୍କ ଜନ୍ମ ହୋଇଥିଲା ୩୦ ଅଗଷ୍ଟ ୧୯୬୫ରେ । ବାପା ମାଙ୍କ ପ୍ରଭାବରେ ପିଲାଟିଦିନରୁ ସେ ସାହିତ୍ୟ ପ୍ରତି ଅାକର୍ଷିତ ହୋଇଥିଲେ ଓ ପ୍ରଚୁର ପଢ଼ାପଢ଼ି କରୁଥିଲେ । ୧୯୮୯ରେ ଭାରତୀୟ ରାଜସ୍ଵ ସେବାରେ କୃତକାର୍ଯ୍ୟ ହୋଇଥିବା ପାରମିତା ଶତପଥୀ ଅଧୁନା ଅାୟକର ବିଭାଗର କମିସନର ପଦବିରେ କାର୍ଯ୍ୟରତ । ତାଙ୍କର ପ୍ରଥମ ଗଳ୍ପ 'ତାଙ୍କ ସହ ସବୁ ଦିନ' ୧୯୮୫ ମସିହାରେ 'ଝଙ୍କାର' ପତ୍ରିକାରେ ପ୍ରକାଶିତ ହୋଇଥିଲା ।

ବିଷୟସୂଚୀ

ଶିକ୍ଷାସମ୍ପାଦନ କରନ୍ତୁ

ସେ ୧୯୮୪ ଓ ୧୯୮୬ ମସିହାରେ ଉତ୍କଳ ବିଶ୍ୱବିଦ୍ୟାଳୟର ସ୍ନାତକ ଓ ସ୍ନାତକୋତ୍ତର ଅର୍ଥନୀତିରେ ପ୍ରଥମ ସ୍ଥାନ ଅଧିକାର କରି ଚାରିଗୋଟି ସ୍ଵର୍ଣ୍ଣପଦକ ପାଇଥିଲେ । ୧୯୮୮ରେ ଜେ.ଏନ୍.ୟୁ. ଦିଲ୍ଲୀରେ ଏମ୍.ଫିଲ୍. ପଢୁଥିବା ସମୟରେ ଭାରତୀୟ ରାଜସ୍ଵ ସେବାରେ ଉତ୍ତୀର୍ଣ୍ଣ ହୋଇଥିଲେ ।

ସାହିତ୍ୟ ଜୀବନୀସମ୍ପାଦନ କରନ୍ତୁ

ପାରମିତା ଶତପଥୀଙ୍କ ଗଳ୍ପରେ ସ୍ତ୍ରୀ-ପୁରୁଷର ସମ୍ପର୍କର ସୂକ୍ଷ୍ମତା-ଜଟିଳତା, ନାରୀ ମୁକ୍ତିର ସନ୍ଧାନ ତଥା ସାମାଜିକ ବାଧା-ବନ୍ଧନକୁ ନେଇ ନାରୀର ପ୍ରଶ୍ନ, ବିଦ୍ରୋହ ଓ ପ୍ରତିବାଦ ସ୍ପଷ୍ଟ । ସହରୀ ଜୀବନର ସଂଶୟ, ଅବିଶ୍ୱାସ, ନିର୍ମମତା ଓ ଅସ୍ବାଭାବିକତା ସହିତ ଉଚ୍ଚ ବର୍ଗର ଲୋକଙ୍କ କଥା ମଧ୍ୟ ରହିଥାଏ ଭିନ୍ନ ଢଙ୍ଗରେ । ତାଙ୍କ ଗଳ୍ପର ଭାଷା ଯେମିତି ଉଚ୍ଚାଙ୍ଗ, ଭାବ ସେମିତି ଉନ୍ନତ ଓ ସ୍ପନ୍ଦନଯୁକ୍ତ ନୂତନତ୍ୱରେ ବିଶ୍ୱାସ ରଖୁଥିବା ପାରମିତାଙ୍କ ସୃଜନ ସମ୍ଭାର ଓଡଆ ସାହିତ୍ୟ ପାଇଁ ଗୁରୁତ୍ୱପୂର୍ଣ୍ଣ । ଜଣେ ସୃଜନଶୀଳ ଲେଖକ ସମାଜ ସଂସ୍କାରକ ପରି ସମାଜରେ ଅାଖିଦୃଶିଅା ପରିବର୍ତ୍ତନ ଅାଣିପାରିବ ନାହିଁ, କିନ୍ତୁ ମଣିଷର ଚେତନା ଓ ମାନସିକତାକୁ ଅନେକ ଭାବରେ ପ୍ରଭାବିତ କରିପାରିବ । ହଠାତ୍ ଅାଖିକୁ ଦିଶୁ ନ ଥିବା ଅଥଚ ହୃଦୟର କୌଣସି କୋଣରେ ଦବି ରହିଥିବା ସମ୍ବେଦନା ସହ ତାକୁ ପରିଚିତ କରାଇପାରିବ । ଲେଖା ମାଧ୍ୟମରେ ସମାଜର ପରିବର୍ତ୍ତନ ପ୍ରସଙ୍ଗରେ ଏକଥା କହନ୍ତି ଶତପଥୀ ।[୩]

ରଚନାବଳୀସମ୍ପାଦନ କରନ୍ତୁ

ପାରମିତାଙ୍କ ରଚିତ ଗଳ୍ପଗୁଡ଼ିକ ହିନ୍ଦୀ, ଇଂରାଜି, ବେଙ୍ଗଲୀ, ତେଲୁଗୁ, ମରାଠୀ, ଗୁଜରାଟୀ ଭାଷାରେ ଅନୁବାଦ ହୋଇଛି । ସମକାଳୀନ ଭାରତୀୟ ସାହିତ୍ୟ, ହଂସ, ଅକ୍ଷର, ନୟା ଜ୍ଞାନୋଦୟ, ସାକ୍ଷାତକାର, ଇଣ୍ଡିଅାନ୍ ଲିଟରେଚର, ମ୍ୟୁସ୍ ଇଣ୍ଡିଅା ଅାଦି ଜାତୀୟ ସ୍ତରର ସାହିତ୍ୟ ପତ୍ରିକାମାନଙ୍କରେ ପାରମିତାଙ୍କ ଗଳ୍ପ ସ୍ଥାନୀତ ହୋଇଛି ।

  • ଅଭିପ୍ରେତ କାଳ, ୨୦୧୭[୪]
  • ନାରୀକବି ଓ ଅନ୍ୟମାନେ, (୨୦୧୫, କ୍ଷୁଦ୍ରଗଳ୍ପ ସଙ୍କଳନ)[୫]
  • ପ୍ରାପ୍ତି (୨୦୧୨, ଉପନ୍ୟାସିକା ଗୁଚ୍ଛ)
  • ଇଣ୍ଟିମେଣ୍ଟ ପ୍ରିଟେନ୍‌ସ (୨୦୧୦, ଇଂରାଜୀ)
  • କୁରେଇଫୁଲ (୨୦୦୯, କ୍ଷୁଦ୍ରଗଳ୍ପ ସଙ୍କଳନ)
  • ଅନ୍ତରଙ୍ଗ ଛଳ (୨୦୦୬, କ୍ଷୁଦ୍ରଗଳ୍ପ ସଙ୍କଳନ)
  • ଅପଥଚାରିଣୀ (୨୦୦୫, ଉପନ୍ୟାସ)
  • ବିରଳ ରୂପକ (୨୦୦୩, କ୍ଷୁଦ୍ରଗଳ୍ପ ସଙ୍କଳନ)
  • ଭାଷାକ୍ଷରା (୨୦୦୦, କ୍ଷୁଦ୍ରଗଳ୍ପ ସଙ୍କଳନ)
  • ବିବିଧ ଅସ୍ଵପ୍ନ (୧୯୯୭, କ୍ଷୁଦ୍ରଗଳ୍ପ ସଙ୍କଳନ)
  • ଦୂରକି ପାହାଡ଼ (ହିନ୍ଦୀ ଅନୁବାଦ)

ପୁରସ୍କାର ଓ ସମ୍ମାନସମ୍ପାଦନ କରନ୍ତୁ

  • କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର, ୨୦୧୬ (ପ୍ରାପ୍ତି ପୁସ୍ତକ ପାଇଁ) [୬]
  • ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ୨୦୦୬[୭] [୮]
  • କାଦମ୍ବିନୀ ଗଳ୍ପ ପୁରସ୍କାର (୨୦୧୦)
  • ସିସୋର ସୃଜନ ସମ୍ମାନ (୨୦୧୦)[୯]
  • ଅମୃତାୟନ ଗଳ୍ପ ପୁରସ୍କାର (୨୦୦୯)
  • ଭାରତୀୟ ଭାଷା ପରିଷଦ ଯୁବ ପୁରସ୍କାର (୨୦୦୩)
  • ଗଙ୍ଗାଧର ରଥ ଫାଉଣ୍ଡେସନ ପୁରସ୍କାର (୨୦୦୨)
  • ଭୁବନେଶ୍ଵର ପୁସ୍ତକମେଳା ପୁରସ୍କାର (୨୦୦୧)

ଆଧାରସମ୍ପାଦନ କରନ୍ତୁ

  1. "Paramita Satpathy". Samanvay. Retrieved 22 August 2015. 
  2. "Paramita's Prapti unveiled in new avatar". The Telegraph. ୬ ଅଗଷ୍ଟ ୨୦୧୫. http://www.telegraphindia.com/1150806/jsp/odisha/story_35581.jsp#.VdfeReHxtaM. Retrieved 22 ଅଗଷ୍ଟ 2015. 
  3. ସମ୍ବାଦ ସାହିତ୍ୟ ପୃଷ୍ଠା, ୧୫ ଜାନୁଆରୀ ୨୦୧୭
  4. "‘ଅଭିପ୍ରେତ କାଳ’ ଉନ୍ମୋଚିତ". sambad.in. Retrieved 8 April 2017. 
  5. "ପୁସ୍ତକ ପରିଚୟ". ସାହିତ୍ୟାୟନ (ଧରିତ୍ରୀ). http://www.dharitri.com/sahityayan/270615/p8.htm. Retrieved 24 July 2016. 
  6. Panda, Subhransu. "Paramita Satpathy bags Sahitya Akademi Award for 2016". Odisha Story. http://www.odishastory.com/2016/12/21/paramita-satpathy-bags-sahitya-akademi-award-for-2016/. Retrieved 21 December 2016. 
  7. "ଓଡ଼ିଶା ସାହିତ୍ୟ ଏକାଡେମୀ ପୁରସ୍କୃତ ପୁସ୍ତକ ଓ ଲେଖକ". ଓଡ଼ିଶା ସାହିତ୍ୟ ଏକାଡେମୀ. Retrieved 8 April 2017. 
  8. "Annual literary awards presented". The Hindu. 8 October 2010. http://www.thehindu.com/todays-paper/tp-national/tp-otherstates/annual-literary-awards-presented/article819571.ece. Retrieved 22 ଅଗଷ୍ଟ 2015. 
  9. "Mohapatra Nilamani Sahoo bags Seashore Sahitya Akademy Samman". thehindu.com. 2010. Retrieved 10 May 2012. Seashore Srujan Samman went to poet Sucheta Mishra, short story writer Paramita Satapathy