ପଦ୍ମ ଚରଣ ସାମନ୍ତସିଂହାର

ପଦ୍ମ ଚରଣ ସାମନ୍ତସିଂହାର (୧ ଡିସେମ୍ବର ୧୯୧୭ - ୧୭ ଫେବୃଆରୀ ୧୯୯୩) ଜଣେ ଓଡ଼ିଆ ରାଜନୀତିଜ୍ଞ ଥିଲେ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ଥରେ ଏବଂ ଲୋକ ସଭାର ସାଂସଦ ଭାବରେ ଥରେ କାର୍ଯ୍ୟ କରିଥିଲେ । ୧୯୫୭ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ସେ ବ୍ରହ୍ମଗିରି ବିଧାନ ସଭା ନିର୍ବାଚନ ମଣ୍ଡଳୀରୁ ୨ୟ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ । ୧୯୭୭ ଭାରତୀୟ ସାଧାରଣ ନିର୍ବାଚନରେ ସେ ପୁରୀ ଲୋକ ସଭା ନିର୍ବାଚନ ମଣ୍ଡଳୀରୁ ୬ଷ୍ଠ ଲୋକ ସଭାକୁ ନିର୍ବାଚିତ ହୋଇଥିଲେ ।

ପଦ୍ମ ଚରଣ ସାମନ୍ତସିଂହାର
ବିଧାୟକ: ୨ୟ ଓଡ଼ିଶା ବିଧାନ ସଭା
କାର୍ଯ୍ୟକାଳ ୧୯୫୭ – ୧୯୬୧
ପୂର୍ବ ଅଧିକାରୀ	ବିଶ୍ୱନାଥ ପରିଡ଼ା
ପର ଅଧିକାରୀ	ଗୋପବନ୍ଧୁ ପାତ୍ର
ନିର୍ବାଚନ ମଣ୍ଡଳୀ	ବ୍ରହ୍ମଗିରି
ସାଂସଦ: ୬ଷ୍ଠ ଲୋକ ସଭା
କାର୍ଯ୍ୟକାଳ ୧୯୭୭ – ୧୯୭୯
ପୂର୍ବ ଅଧିକାରୀ	ବନମାଳୀ ପଟ୍ଟନାୟକ
ପର ଅଧିକାରୀ	ବ୍ରଜମୋହନ ମହାନ୍ତି
ନିର୍ବାଚନ ମଣ୍ଡଳୀ	ପୁରୀ
ବ୍ୟକ୍ତିଗତ ସବିଶେଷ
ଜନ୍ମ	୧ ଫେବୃଆରୀ ୧୯୧୭(୧୯୧୭-୦୨-୦୧)
ମୃତ୍ୟୁ	୧୭ ଫେବୃଆରୀ ୧୯୯୩(1993-02-17) (ବୟସ ୭୬)
ନାଗରିକତା	ଭାରତୀୟ
ଜାତୀୟତା	ଭାରତୀୟ
ରାଜନୀତିକ ଦଳ	ଜନତା ପାର୍ଟି
ଅନ୍ୟାନ୍ୟ ରାଜନୀତିକ ସମ୍ବନ୍ଧ	ଭାରତୀୟ ଜାତୀୟ କଂଗ୍ରେସ
ଜୀବନ ସାଥୀ	ଶୈଳବାଳା ସାମନ୍ତସିଂହାର
ବାପା/ବୋଉ	ମଧୁସୂଦନ ସାମନ୍ତସିଂହାର (ବାପା)
ବୃତ୍ତି	ରାଜନୀତିଜ୍ଞ

ଜନ୍ମ, ପରିବାର ଓ ଶିକ୍ଷା

ପଦ୍ମ ଚରଣ ସାମନ୍ତସିଂହାର ୧୯୧୭ ମସିହାର ଡିସେମ୍ବର ମାସ ୧ ତାରିଖରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ ମଧୁସୂଦନ ସାମନ୍ତସିଂହାର ଓ ପତ୍ନୀଙ୍କ ନାମ ଶୈଳବାଳା ସାମନ୍ତସିଂହାର ।

ରାଜନୈତିକ ଜୀବନ

ପଦ୍ମ ଚରଣ ଓଡ଼ିଶା ରାଜନୀତିରେ ପ୍ରଥମେ ଭାରତୀୟ ଜାତୀୟ କଂଗ୍ରେସର କର୍ମୀ ଭାବରେ ଏବଂ ପରେ ଜନତା ପାର୍ଟିର କର୍ମୀ ଭାବରେ କାର୍ଯ୍ୟ କରୁଥିଲେ । ସେ ଓଡ଼ିଶା ବିଧାନ ସଭାର ଜଣେ ବିଧାୟକ ଭାବରେ ଥରେ ଏବଂ ଭାରତୀୟ ସଂସଦର ତଳ ସଦନ ଲୋକ ସଭାର ସାଂସଦ ଭାବରେ ଥରେ କାର୍ଯ୍ୟ କରିଥିଲେ ।

ମୃତ୍ୟୁ

ପଦ୍ମ ଚରଣ ସାମନ୍ତସିଂହାର ୧୯୯୩ ମସିହାର ଫେବୃଆରୀ ୧୭ ତାରିଖରେ ୭୬ ବର୍ଷ ବୟସରେ ମୃତ୍ୟୁବରଣ କରିଥିଲେ ।