ନିତ୍ୟାନନ୍ଦ ସାମନ୍ତରାୟ
ନିତ୍ୟାନନ୍ଦ ସାମନ୍ତରାୟ (୨୫ ଅପ୍ରେଲ ୧୯୩୩ - ୨୩ ଫେବୃଆରୀ ୨୦୧୮) ଜଣେ ଓଡ଼ିଆ ରାଜନୀତିଜ୍ଞ ଥିଲେ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ଥରେ କାର୍ଯ୍ୟ କରିଥିଲେ । ୧୯୮୫ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ସେ ତିର୍ତ୍ତୋଲ ବିଧାନ ସଭା ନିର୍ବାଚନ ମଣ୍ଡଳୀରୁ ୯ମ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।
ନିତ୍ୟାନନ୍ଦ ସାମନ୍ତରାୟ | |
|---|---|
 | |
| ବିଧାୟକ: ୯ମ ଓଡ଼ିଶା ବିଧାନ ସଭା | |
| କାର୍ଯ୍ୟକାଳ ୧୯୮୫ – ୧୯୯୦ | |
| ପୂର୍ବ ଅଧିକାରୀ | ବସନ୍ତ କୁମାର ବିଶ୍ୱାଳ |
| ପର ଅଧିକାରୀ | ବସନ୍ତ କୁମାର ବିଶ୍ୱାଳ |
| ନିର୍ବାଚନ ମଣ୍ଡଳୀ | ତିର୍ତ୍ତୋଲ |
| ବ୍ୟକ୍ତିଗତ ସବିଶେଷ | |
| ଜନ୍ମ | ୨୫ ଅପ୍ରେଲ ୧୯୩୩ |
| ମୃତ୍ୟୁ | ୨୩ ଫେବୃଆରୀ ୨୦୧୮ (ବୟସ ୮୪) |
| ନାଗରିକତା | ଭାରତୀୟ |
| ଜାତୀୟତା | ଭାରତୀୟ |
| ରାଜନୀତିକ ଦଳ | ଭାରତୀୟ ଜାତୀୟ କଂଗ୍ରେସ |
| ଜୀବନ ସାଥୀ | ହେମଲତା ସାମନ୍ତରାୟ |
| ସନ୍ତାନ | ଦେବାଶିଷ ସାମନ୍ତରାୟ (ପୁଅ) |
| ବାପା/ବୋଉ | ଭଗବାନ ସାମନ୍ତରାୟ (ବାପା) ରାଧାମଣି ସାମନ୍ତରାୟ (ମାଆ) |
| ବୃତ୍ତି | ରାଜନୀତିଜ୍ଞ |
ଜନ୍ମ, ପରିବାର ଓ ଶିକ୍ଷା
ସମ୍ପାଦନାନିତ୍ୟାନନ୍ଦ ସାମନ୍ତରାୟ ୧୯୩୩ ମସିହାର ଅପ୍ରେଲ ୨୫ ତାରିଖରେ ଅବିଭକ୍ତ କଟକ ଜିଲ୍ଲାର କୋଲାର ଗ୍ରାମରେ ଜନ୍ମଗ୍ରହଣ କରିଥିଲେ ।[୧] ତାଙ୍କ ବାପାଙ୍କ ନାମ ଭଗବାନ ସାମନ୍ତରାୟ ଓ ପତ୍ନୀଙ୍କ ନାମ ହେମଲତା ସାମନ୍ତରାୟ ।[୨] ସେ ଅଟୋମୋବାଇଲ୍ ଇନିନିୟରିଂ ଡିଗ୍ରୀ ହାସଲ ପରେ ଜଣେ ଶିଳ୍ପ ଉଦ୍ୟୋଗୀ ଭାବରେ ନିଜର ପରିଚୟ ସୃଷ୍ଟି କରିଥିଲେ ।[୩] ତାଙ୍କ ପୁଅ ଦେବାଶିଷ ସାମନ୍ତରାୟ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ କାର୍ଯ୍ୟ କରିଛନ୍ତି ।[୧]
ରାଜନୈତିକ ଜୀବନ
ସମ୍ପାଦନାନିତ୍ୟାନନ୍ଦ ସାମନ୍ତରାୟ ଓଡ଼ିଶା ରାଜନୀତିରେ ଭାରତୀୟ ଜାତୀୟ କଂଗ୍ରେସର କର୍ମୀ ଭାବରେ କାର୍ଯ୍ୟ କରୁଥିଲେ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ଥରେ କାର୍ଯ୍ୟ କରିଥିଲେ ।[୨]
ସେ ଛାତ୍ର ଜୀବନରୁ ରାଜନୀତି ପ୍ରତି ଆକୃଷ୍ଟ ଥିଲେ ଏବଂ କଂଗ୍ରେସରେ ଯୋଗ ଦେଇ ପ୍ରତକ୍ଷ୍ୟ ରାଜନୀତିରେ ପ୍ରବେଶ କରିଥିଲେ ।[୩] ୧୯୮୫ ମସିହାରେ ହୋଇଥିବା ବିଧାନ ସଭା ନିର୍ବାଚନରେ ସେ କଂଗ୍ରସର ପ୍ରାର୍ଥୀ ଭାବରେ ତିର୍ତ୍ତୋଲ ବିଧାନ ସଭା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ ସେ ବିଜୟୀ ହୋଇ ୯ମ ଓଡ଼ିଶା ବିଧାନ ସଭା ନିର୍ବାଚିତ ହୋଇଥିଲେ । ଏହି ବିଧାନ ସଭାରେ ସେ ୧୯୯୦ ମସିହାଯାଏଁ କାର୍ଯ୍ୟକାଳ ଶେଷ ହେବା ପର୍ଯ୍ୟନ୍ତ କାର୍ଯ୍ୟ କରିଥିଲେ ।
୧୯୯୧ ଓ ୧୯୯୬ ଭାରତୀୟ ସାଧାରଣ ନିର୍ବାଚନରେ ଜଗତସିଂହପୁର ଲୋକ ସଭା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିଥିଲେ ହେଁ ପରାଜୟ ବରଣ କରିଥିଲେ । ୨୦୦୦ ମସିହାରେ ସେ ରାଜନୀତିରୁ ସନ୍ୟାସ ନେଇଥିଲେ ।[୩]
ମୃତ୍ୟୁ
ସମ୍ପାଦନାନିତ୍ୟାନନ୍ଦ ସାମନ୍ତରାୟ ୨୦୧୮ ମସିହାର ଫେବୃଆରୀ ୨୩ ତାରିଖରେ ହୃଦ୍ଘାତରେ[୪] ପୀଡ଼ିତ ହୋଇ ମୃତ୍ୟୁବରଣ କରିଥିଲେ ।[୫] ମୃତ୍ୟୁବେଳକୁ ତାଙ୍କୁ ୮୪ ବର୍ଷ ବୟସ ହୋଇଥିଲା ।
ଆଧାର
ସମ୍ପାଦନା- ↑ ୧.୦ ୧.୧ "Former Odisha lawmaker Nityananda Samantray passes away". KalingaTV (in English). Cuttack. 23 February 2018. Archived from the original on 18 May 2022. Retrieved 18 May 2022.
{{cite news}}: CS1 maint: unrecognized language (link) - ↑ ୨.୦ ୨.୧ "Shri Nityananda Samntaray". odishaassembly.nic.in. Odisha Assembly. Retrieved 18 May 2022.
- ↑ ୩.୦ ୩.୧ ୩.୨ "ପରଲୋକରେ ପୂର୍ବତନ ବିଧାୟକ ନିତ୍ୟାନନ୍ଦ ସାମନ୍ତରାୟ". ଧରିତ୍ରୀ. କଟକ: ଧରିତ୍ରୀ. 24 February 2018. p. ୯. Archived from the original on 18 May 2022. Retrieved 18 May 2022.
- ↑ "Ex-MLA Nityananda Samantray dead". The New Indian Express (in English). Cuttack. 24 February 2018. Archived from the original on 18 May 2022. Retrieved 18 May 2022.
{{cite news}}:|archive-date=/|archive-url=timestamp mismatch; 23 ଅକ୍ଟୋବର 2019 suggested (help)CS1 maint: unrecognized language (link) - ↑ "Former Odisha MLA Nityananda Samantaray passes away | Sambad English". Sambad English (in English). Cuttack: sambadenglish.com. 23 February 2018. Archived from the original on 18 May 2022. Retrieved 18 May 2022.
{{cite news}}: CS1 maint: unrecognized language (link)
