ଦ୍ୱିତୀ ଚନ୍ଦ୍ର ସାହୁ

ଦ୍ୱିତୀ ଚନ୍ଦ୍ର ସାହୁ, ଓଡ଼ିଶାର ଏକ ଯୁବ ଲେଖକ ତଥା ରାଷ୍ଟ୍ରପତି ପୁରସ୍କାର ପ୍ରାପ୍ତ ଶିକ୍ଷକ ଅଟନ୍ତି । ବୃତ୍ତିରେ ଶିକ୍ଷକତା କରୁଥିଲେ ହେଁ ସାହିତ୍ୟ ସାଧନା ସହ ବିଭିନ୍ନ ପତ୍ରିକାର ସ୍ତମ୍ଭକାର ସହ ରାୟଗଡ଼ା ଜିଲ୍ଲାର ଆଦିବାସୀ ସଂସ୍କୃତିର ଗବେଷକ ଭାବେ ସେ ପରିଚିତ ।

ଦ୍ୱିତୀ ଚନ୍ଦ୍ର ସାହୁ
ରାଷ୍ଟ୍ରପତିଙ୍କଠାରୁ ଜାତୀୟ ପୁରସ୍କାର (୨୦୨୪) ଗ୍ରହଣ କରିବା ଅବସରରେ
ଜନ୍ମ	ଦ୍ୱିତୀ ଚନ୍ଦ୍ର ସାହୁ (1977-03-03) ୩ ମାର୍ଚ୍ଚ ୧୯୭୭ ପଦ୍ମପୁର, ରାୟଗଡ଼ା ଜିଲ୍ଲା
ଜାତୀୟତା	ଭାରତୀୟ
ଶିକ୍ଷା	ପଦ୍ମପୁର, ରାୟଗଡ଼ା ଜିଲ୍ଲା
ଶିକ୍ଷାନୁଷ୍ଠାନ	ସରକାରୀ ବିଜୟାନନ୍ଦ ହାଇସ୍କୁଲ, ପଦ୍ମପୁର
ପ୍ରସିଦ୍ଧି	ଶିକ୍ଷକତା
ପୁରସ୍କାର	ରାଷ୍ଟ୍ରପତି ପୁରସ୍କାର ପ୍ରାପ୍ତ ଶିକ୍ଷକ (୨୦୨୪)

ଜୀବନୀ

ଦ୍ୱିତୀ ଚନ୍ଦ୍ର ସାହୁ ୩ ମାର୍ଚ୍ଚ ୧୯୭୭ ରେ ରାୟଗଡ଼ା ଜିଲ୍ଲାର ପଦ୍ମପୁରଠାରେ ଜନ୍ମଗ୍ରହଣ କରିଥିଲେ । ପଦ୍ମପୁରରେ ପ୍ରାଥମିକ ତଥା ସରକାରୀ ବିଜୟାନନ୍ଦ ହାଇସ୍କୁଲରେ ହାଇସ୍କୁଲ ଶିକ୍ଷା ସମାପ୍ତ କରି ସେ ଗୁଣପୁରସ୍ଥିତ ଗୁଣପୁର ମହାବିଦ୍ୟାଳୟରୁ ସ୍ନାତକ ଶିକ୍ଷା ସମାପ୍ତ କରିଥିଲେ । ଅଧୁନା ସେ ରାୟଗଡା ଜିଲାରେ ଏକ ପ୍ରାଥମିକ ଶିକ୍ଷକ ରୂପେ କାର୍ଯ୍ୟରତ ।ଶିକ୍ଷକତାରେ ଅଭିନବ ଉପାୟର ପ୍ରୟୋଗ କରି ସେ ଓଡ଼ିଶା ସରକାରଙ୍କ ଶିକ୍ଷା ବିଭାଗର ଦୃଷ୍ଟି ଆକର୍ଷଣ କରିପାରିଛନ୍ତି ।

ସାହିତ୍ୟିକ କୃତି

୨୦୦୧ ମସିହାରୁ ଶିକ୍ଷକତାରେ ଯୋଗଦାନ କରି ଅଦ୍ୟାବଧି ସାହିତ୍ୟର ବିଭିନ୍ନ ବିଭାଗରେ ସେ ୧୮ଟି ପୁସ୍ତକ ରଚନା କରିଛନ୍ତି । ତନ୍ମଧ୍ୟରୁ ଦୈନନ୍ଦିନ ମଣିଷ ଜୀବନ ତଥା ଆଦିବାସୀ ସଂସ୍କୃତି ଓ ପରମ୍ପରାକୁ ନେଇ ତାଙ୍କ ଦ୍ଵାରା ଲିଖିତ କେତେକ ବହି ହେଲା :-

ଗଳ୍ପ ବିଭାଗ

• ବାପାଙ୍କ ଗାମୁଛା

କ୍ଷୁଦ୍ରଗଳ୍ପ ବିଭାଗ

• ଅଦେଖା ଭବିଷ୍ୟ
• ଡ଼େଣା ନ ଥିବା ସ୍ବପ୍ନ
• ହଜି ଯାଇଥିବା ଠିକଣା
• କିଞ୍ଚିତ୍‌

ଶିଶୁ ସାହିତ୍ୟ ବିଭାଗ

• ଦ୍ୱିତୀୟା ବଟ
• କିଞ୍ଚିତ୍‌
• କୁହୁକର ମହକ

ଉପନ୍ୟାସ ବିଭାଗ

• ଫୁଲ ନିଆଁ ଫୁଲ ଜେନ୍ସିଆ
• ଜୀବନ ଯୁଦ୍ଧ
• ବଞ୍ଚିବାର ମୋହ
• ଅପହୃତ ସଂଳାପ
• ହାରି ଯାଇଥିବା ମଣିଷ
• ବଂଶଧାରା

ପୁରସ୍କାର ଓ ସମ୍ମାନ

• ୨୦୨୪ ଗୁରୁ ଦିବସ ଅବସରରେ ରାଷ୍ଟ୍ରପତିଙ୍କ ସମ୍ମାନ
• ପ୍ରବାସୀ ଭାଷା ସମ୍ମାନ (୨୦୨୧)-ଦି ଇଣ୍ଟେଲେକ୍ଚୁଅଲ , ନୂଆ ଦିଲ୍ଲୀ ଦ୍ଵାରା
• ସୁଲେଖା ସାରସ୍ବତ ସମ୍ମାନ (ସୁଲେଖା, ପୁରୀ ଦ୍ଵାରା)
• ସର୍ବପଲ୍ଲୀ ଗୁରୁ ସମ୍ମାନ (ବିଦ୍ୟା ବିକାଶ ପରିଷଦ , କଟକ ଦ୍ଵାରା)
• କୃତି ଶିକ୍ଷକ-୨୦୧୬ ପୁରସ୍କାର (ଓଡିଶା ସରକାରଙ୍କ ବିଦ୍ୟାଳୟ ଏବଂ ଗଣଶିକ୍ଷା ବିଭାଗ ଦ୍ଵାରା)
• ପ୍ରକୃତିବନ୍ଧୁ ପୁରସ୍କାର-୨୦୧୭ (ଓଡିଶା ସରକାରଙ୍କ ଜଙ୍ଗଲ ଓ ପରିବେଶ ବିଭାଗ ଦ୍ଵାରା)
• ଯୁବ ଗାଳ୍ପିକ ସମ୍ମାନ - କଥା କଳିକା ପତ୍ରିକା, ଭୁବନେଶ୍ଵର ଦ୍ଵାରା)
• କଳିଙ୍ଗ ଯୁବ ସାହିତ୍ୟ ସମ୍ମାନ-୨୦୧୬ (କଳିଙ୍ଗ ସାହିତ୍ୟ ଉତ୍ସବ, ଭୁବନେଶ୍ଵର ଦ୍ଵାରା)