ଚିନି (ଓଡ଼ିଆ କଥାଚିତ୍ର)

ଚିନି, ୨୦୧୬ ମସିହାରେ ମୁକ୍ତିଲାଭ କରିଥିବା ଏକ ଓଡ଼ିଆ କଥାଚିତ୍ର । ନବଜୀବନ ଫିଲ୍ମସ୍ ବ୍ୟାନରରେ ନିର୍ମିତ ହୋଇଥିଲା ଏହି ଚଳଚ୍ଚିତ୍ରଟି । ଚଳଚ୍ଚିତ୍ରଟିର ନିର୍ଦ୍ଦେଶନା ଦେଇଥିଲେ ନିର୍ଦ୍ଦେଶକ ପ୍ରଦୀପ ଭୋଳ । ଚଳଚ୍ଚିତ୍ରଟିର ପ୍ରଯୋଜନା କରିଥିଲେ କୁମୁକ ପ୍ରକାଶ ପଣ୍ଡା ଏବଂ ସ‌ହ-ପ୍ରଯୋଜନା କରିଥିଲେ ଭବାନି ମାଝୀ ଓ ସ୍ନେହଲତା ପରିଡ଼ା । ଶଙ୍କର ପ୍ରଧାନ ଏବଂ ହେମନ୍ତ ପାଣ୍ଡେ ଏହି କଥାଚିତ୍ରର ସଙ୍ଗୀତ ନିର୍ଦ୍ଦେଶନା ଦେଇଥିଲେ । ପଦ୍ମଶ୍ରୀ ହଳଧର ନାଗ ଏହି ଚଳଚ୍ଚିତ୍ରରେ ଗୀତ ରଚନା କରିଥିଲେ ।

ଚିନି
ନିର୍ଦ୍ଦେଶକ	ପ୍ରଦୀପ ଭୋଳ
ପ୍ରଯୋଜକ	କୁମୁଦ ପ୍ରକାଶ ପଣ୍ଡା
ସଂଳାପ	ପ୍ରଦୀପ ଭୋଳ
ଚିତ୍ରନାଟ୍ୟ	ପ୍ରଦୀପ ଭୋଳ
କାହାଣୀ	ପ୍ରଦୀପ ଭୋଳ
କଳାକାର	ଅମ୍ଳାନ ଦାସ ପତ୍ରାଳୀ ମିହିର ଦାସ ମହାଶ୍ୱେତା ରାୟ ଅଶ୍ରୁମୋଚନ ମହାନ୍ତି
ସଙ୍ଗୀତ	ଶଙ୍କର ପ୍ରଧାନ ହେମନ୍ତ ପାଣ୍ଡେ
ମୁକ୍ତିଲାଭ ତାରିଖ	୯ ସେପ୍ଟେମ୍ବର ୨୦୧୬
ଦେଶ	ଭାରତ
ଭାଷା	ଓଡ଼ିଆ

ଚଳଚ୍ଚିତ୍ରଟିର ମୁଖ୍ୟ ଭୂମିକାରେ ଅଭିନୟ କରିଥିଲେ ନାୟକ ଅମ୍ଳାନ ଦାସ ଏବଂ ବଙ୍ଗୀୟ ନାୟିକା ପତ୍ରାଳୀ । ମିହିର ଦାସ, ମହାଶ୍ୱେତା ରାୟ, ଅଶ୍ରୁମୋଚନ ମହାନ୍ତି, ଅଶୋକ ଦାସ, ପୃଥିରାଜ, ବାଙ୍କୁ, ବ୍ରଜ, ହର ରଥ ଆଦି କଳାକାରମାନେ ଚଳଚ୍ଚିତ୍ରରେ ବିଭିନ୍ନ ଭୂମିକାରେ ଅଭିନୟ କରିଥିଲେ ।

ଅଭିନୟ

• ଅମ୍ଳାନ ଦାସ
• ପତ୍ରାଳୀ ଚଟ୍ଟୋପାଧ୍ୟାୟ
• ମିହିର ଦାସ
• ମହାଶ୍ୱେତା ରାୟ
• ଅଶ୍ରୁମୋଚନ ମହାନ୍ତି
• ଅଶୋକ ଦାସ
• ପୃଥିରାଜ
• ବାଙ୍କୁ
• ବ୍ରଜ
• ରତନ ମେହର
• ହର ରଥ
• ଲକ୍ଷ୍ମୀପ୍ରିୟା ପତି
• ସ୍ମିତା ତ୍ରିପାଠୀ
• ପ୍ରଭାତୀ

ଶିଶୁ କଳାକାର

• ତିଥି
• ସ୍ୱୟମ୍
• ଦେବେଶ
• ରୂପା

କାହାଣୀ

'ରୋଗକୁ ଘୃଣା କର, ରୋଗୀକୁ ନୁହେଁ' ଥିଲା କଥାଚିତ୍ରଟିର ମୁଖ୍ୟ ଉପଜୀବ୍ୟ । ସ୍କୁଲରେ ପଢୁଥିବା ଛୋଟ ଝିଅଟିଏ ଏଚଆଇଭି/ଏଡସ ରୋଗରେ ଆକ୍ରାନ୍ତ ହୋଇଥିବା ଜଣାପଡ଼ିବା ପରେ ଆରମ୍ଭ ହୋଇଯାଏ ଗାଆଁ ଲୋକଙ୍କର ଘୃଣା, ଅବେହେଳା ଏବଂ ମାନସିକ ନିର୍ଯ୍ୟାତନା ତ‌ଥା ବାସନ୍ଦ ଭଳି ବ୍ୟାଧି । କେବଳ ଝିଅଟି ନୁହେଁ, ତା'ର ଦୁଇ ଭାଇ, ବାପା ଏବଂ ମାଆ ମଧ୍ୟ ଶୀକାର ହୁଅନ୍ତି ଏହିଭଳି ଘୃଣାର । ଏମାନଙ୍କ ପାଇଁ ସ୍କୁଲ, ଦୋକାନ ସମସ୍ତ ଜାଗା ବାସନ୍ଦ ହୁଏ । ଗାଆଁ ଦାଣ୍ଡରେ ଚାଲିପାରନ୍ତି ନାହିଁ କି ଗାଁ ପୋଖରୀରେ ଗାଧୋଇପାରନ୍ତି ନାହିଁ ଏମାନେ । ମାତ୍ର ଝିଅଟିକୁ ରୋଗମୁକ୍ତ କରିବା ପାଇଁ ପ୍ରଥମରୁ ହିଁ ଜଣେ ଯୁବ ଡାକ୍ତର ଉଦ୍ୟମ କରି ବିଭିନ୍ନ ଘାତ ପ୍ରତିଘାତ ଦେଇ ଗତି କରି ସଫଳତା ପାଆନ୍ତି ।

ଗୀତ ଓ ସଙ୍ଗୀତ

ଶଙ୍କର ପ୍ରଧାନ ଏବଂ ହେମନ୍ତ ପାଣ୍ଡେ ସ୍ୱର ସଂଯୋଜନା କରିଥିବା ବେଳେ ପଦ୍ମଶ୍ରୀ ହଳଧର ନାଗ, ଲାଲ ରତ୍ନାକର ସିଂହ, ବିନୋଦ ପଶାୟତ ଏବଂ ଦୁର୍ଗାମାଧବ ପଣ୍ଡା ପ୍ରମୁଖ ଗୀତଗୁଡ଼ିକୁ ରଚନା କରିଛନ୍ତି । ଓଡ଼ିଆ ଏବଂ ସମ୍ବଲପୁରୀ ଭାଷର ମିଶ୍ରଣରେ ନିର୍ମିତ ହୋଇଛି ଚଳଚ୍ଚିତ୍ରଟି । ଏହି ଚଲଚ୍ଚିତ୍ର ମାଧ୍ୟମରେ ଆଶା ଭୋସଲେ ପ୍ରଥମ କରି ସମ୍ବଲପୁରୀ ଭାଷରେ କଣ୍ଠଦାନ କରିଥିଲେ ।

ଗୀତ

ଗୀତ	ରଚନା	କଣ୍ଠଦାନ
ଝାଇଁରେ
ଆସ ଆସ ନୂଆ ଖାଇବା
କି ହେଲା ଯେ
ଉଆଁସ ରାତିର