ଚନ୍ଦ୍ରାଣି ମୁର୍ମୁ
ଚନ୍ଦ୍ରାଣି ମୁର୍ମୁ (ଜନ୍ମ ୧୬ ଜୁନ, ୧୯୯୩)[୨] ହେଉଛନ୍ତି ଜଣେ ଭାରତୀୟ ରାଜନୀତିଜ୍ଞ ଏବଂ ସମାଜସେବୀ । ୨୦୧୯ ଭାରତୀୟ ସାଧାରଣ ନିର୍ବାଚନରେ ସେ ବିଜୁ ଜନତା ଦଳ ପକ୍ଷରୁ କେନ୍ଦୁଝରରୁ ଛିଡ଼ା ହୋଇଥିଲେ । ଏହି ନିର୍ବାଚନରେ ସେ ନିକଟତମ ପ୍ରତିଦ୍ୱନ୍ଦୀ ଭାରତୀୟ ଜନତା ପାର୍ଟିର ଦୁଇ ଥର ସଂସଦର ସଦସ୍ୟ ଥିବା, ଅନନ୍ତ ନାୟକଙ୍କୁ ୬୬,୨୦୩ ଖଣ୍ଡ ଭୋଟରେ ପରାସ୍ତ କରି ୧୭ଶ ଲୋକ ସଭାକୁ ନିର୍ବାଚିତ ହୋଇଥିଲେ ।[୩][୪] ଏହି ବିଜୟ ସହ ସେ ଲୋକ ସଭାର ସର୍ବକନିଷ୍ଠ ସଦସ୍ୟା ହୋଇଛନ୍ତି । ଜିତିବା ଅବସରରେ ତାଙ୍କୁ ୨୫ ବର୍ଷ ୧୧ ମାସ ଏବଂ ୯ ଦିନ ହୋଇଥିଲା ।[୫] ଏହା ପୂର୍ବରୁ ୧୬ଶ ଲୋକ ସଭାରେ ହରିୟାଣାର ହିସାର ଲୋକ ସଭା ଆସନରୁ ଜନନାୟକ ଜନତା ପାର୍ଟିର ପ୍ରତିଷ୍ଠାତା ଦୁଷ୍ୟନ୍ତ ଚୌଟାଲା ଏହି କୀର୍ତ୍ତିମାନରେ ଥିଲେ ।[୬]
ଚନ୍ଦ୍ରାଣି ମୁର୍ମୁ | |
|---|---|
| ଲୋକ ସଭା ସଦସ୍ୟା | |
| ନିର୍ବାଚନ ମଣ୍ଡଳୀ | କେନ୍ଦୁଝର |
| କାର୍ଯ୍ୟକାଳ ୨୦୧୯ – ୨୦୨୪ | |
| ପୂର୍ବ ଅଧିକାରୀ | ଶକୁନ୍ତଳା ଲାଗୁରୀ, ବିଜେଡି |
| ବ୍ୟକ୍ତିଗତ ସବିଶେଷ | |
| ଜନ୍ମ | ଜୁନ ୧୬, ୧୯୯୩ |
| ଜାତୀୟତା | ଭାରତୀୟ |
| ରାଜନୀତିକ ଦଳ | ବିଜେଡି |
| ଜୀବନ ସାଥୀ | ଅବିବାହିତା |
| ବାପା/ବୋଉ | ସଞ୍ଜିବ ମୁର୍ମୁ (ବାପା)[୧] ଉର୍ବଶୀ (ବୋଉ) |
| ବୃତ୍ତି | ରାଜନେତ୍ରୀ, ସମାଜସେବୀ |
ଶିକ୍ଷା ଏବଂ ବ୍ୟକ୍ତିଗତ ଜୀବନ ସମ୍ପାଦନା
ଚନ୍ଦ୍ରାଣି, ଶିକ୍ଷା ଓ ଅନୁସନ୍ଧାନ ବିଶ୍ୱବିଦ୍ୟାଳୟର ଆଇଟିଇଆର (ଇନଷ୍ଟିଚ୍ୟୁଟ ଅଫ ଟେକନିକାଲ ଏଡୁକେସନ ଆଣ୍ଡ ରିସର୍ଚ୍ଚ) ମହାବିଦ୍ୟାଳୟରୁ ବି.ଟେକ ମେକାନିକାଲ ଇଂଜିନିୟରିଂ ବିଭାଗରେ ୨୦୧୭ ମସିହାରେ ଉତ୍ତୀର୍ଣ୍ଣ ହୋଇଥିଲେ ।[୫] ଏହାପରେ ପ୍ରତିଯୋଗିତାମୂଳକ ପରୀକ୍ଷାଗୁଡ଼ିକ ପାଇଁ ସେ ପ୍ରସ୍ତୁତ ହେଉଥିଲେ ।[୬]
ରାଜନୈତିକ ଜୀବନ ସମ୍ପାଦନା
ପରିବାର ପ୍ରତିପୋଷଣ ପାଇଁ ସରକାରୀ ଚାକିରୀ ଖୋଜୁଥିବା ଅବସରରେ ତାଙ୍କର ମାମୁଁ, ଅବସରପ୍ରାପ୍ତ ସରକାରୀ କର୍ମଚାରୀ ଏବଂ ସମାଜସେବୀ, ହରମୋହନ ସୋରେନ ତାଙ୍କୁ ବିଜେଡି ଟିକଟରୁ କେନ୍ଦୁଝରରୁ ଲଢ଼ିବା ପାଇଁ ଉତ୍ସାହିତ କରିଥିଲେ । ଅପ୍ରେଲ ୨, ୨୦୧୯ରେ ସର୍ବସାଧାରଣରେ ତାଙ୍କୁ ବିଜେଡି ତରଫରୁ ଲୋକ ସଭା ପ୍ରାର୍ଥୀ ଭାବେ ଘୋଷଣା କରାଯାଇଥିଲା ।[୭] ମଇ ୨୩ରେ ସେ ନିକଟତମ ପ୍ରତିଦ୍ୱନ୍ଦୀ ଭାରତୀୟ ଜନତା ପାର୍ଟିର ଅନନ୍ତ ନାୟକଙ୍କୁ ୬୬,୨୦୩ ଖଣ୍ଡ ଭୋଟରେ ପରାସ୍ତ କରି ୧୭ଶ ଲୋକ ସଭାକୁ ନିର୍ବାଚିତ ହୋଇଥିଲେ ।[୩]
ଆଧାର ସମ୍ପାଦନା
- ↑ "Chandrani Murmu(BJD):Constituency- KEONJHAR(ODISHA) - Affidavit Information of Candidate:". myneta.info. Retrieved 2019-05-26.
- ↑ "Chandrani Murmu, BJD's 25-year-old candidate: 'No woman should be subjected to such humiliation'". The Indian Express (in Indian English). 2019-04-22. Retrieved 2019-05-26.
- ↑ ୩.୦ ୩.୧ "Keonjhar Lok Sabha Election Results 2019". The Indian Express. 24 May 2019. Retrieved 24 May 2019.
- ↑ "General Election 2019 - Election Commission of India". results.eci.gov.in. Retrieved 2019-05-26.
- ↑ ୫.୦ ୫.୧ "Election Results: At 25, BJD Lawmaker Is Youngest Member Of Parliament". NDTV.com (in ଇଂରାଜୀ). Retrieved 2019-05-26.
- ↑ ୬.୦ ୬.୧ "25-year-old Chandrani Murmu set to be youngest ever LS member". Pragativadi: Leading Odia Dailly (in ଆମେରିକୀୟ ଇଂରାଜୀ). 2019-05-26. Retrieved 2019-05-26.
- ↑ "'Fairy Tale' for Chandu: At 25, Chandrani Murmu Becomes Youngest Female Lok Sabha MP From Odisha". News18. Retrieved 2019-05-26.