ଖ୍ରୀଷ୍ଟୋଫର ଏକ୍କା
ଖ୍ରୀଷ୍ଟୋଫର ଏକ୍କା (୨୭ ଜୁଲାଇ ୧୯୪୩ - ୧୮ ଅକ୍ଟୋବର ୨୦୦୮) ଜଣେ ଓଡ଼ିଆ ରାଜନୀତିଜ୍ଞ ଥିଲେ । ସେ ଓଡ଼ିଶା ରାଜନୀତିରେ ଭାରତୀୟ ଜାତୀୟ କଂଗ୍ରେସର କର୍ମୀ ଭାବରେ କାର୍ଯ୍ୟ କରୁଥିଲେ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ଏବଂ ଲୋକ ସଭାରେ ସାଂସଦ ଭାବରେ ଥରେ ଲେଖାଏଁ କାର୍ଯ୍ୟ କରିଥିଲେ । ୧୯୭୪ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ସେ ରାଜଗାଙ୍ଗପୁର ବିଧାନ ସଭା ନିର୍ବାଚନ ମଣ୍ଡଳୀରୁ ୬ଷ୍ଠ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।[୧] ୧୯୮୦ ଭାରତୀୟ ସାଧାରଣ ନିର୍ବାଚନରେ ସେ ସୁନ୍ଦରଗଡ଼ ଲୋକ ସଭା ନିର୍ବାଚନ ମଣ୍ଡଳୀରୁ ୭ମ ଲୋକ ସଭାକୁ ନିର୍ବାଚିତ ହୋଇଥିଲେ ।
ଖ୍ରୀଷ୍ଟୋଫର ଏକ୍କା | |
|---|---|
 | |
| ବିଧାୟକ: ୬ଷ୍ଠ ଓଡ଼ିଶା ବିଧାନ ସଭା | |
| କାର୍ଯ୍ୟକାଳ ୧୯୭୪ – ୧୯୭୭ | |
| ପୂର୍ବ ଅଧିକାରୀ | ଇଗ୍ନେସ ମାଝୀ |
| ପର ଅଧିକାରୀ | ବ୍ରଜମୋହନ କିଷାନ |
| ନିର୍ବାଚନ ମଣ୍ଡଳୀ | ରାଜଗାଙ୍ଗପୁର |
| ସାଂସଦ: ୭ମ ଲୋକ ସଭା | |
| କାର୍ଯ୍ୟକାଳ ୧୯୮୦ – ୧୯୮୪ | |
| ନିର୍ବାଚନ ମଣ୍ଡଳୀ | ସୁନ୍ଦରଗଡ଼ |
| ବ୍ୟକ୍ତିଗତ ସବିଶେଷ | |
| ଜନ୍ମ | ୨୭ ଜୁଲାଇ ୧୯୪୩ |
| ମୃତ୍ୟୁ | ୧୮ ଅକ୍ଟୋବର ୨୦୦୮ (ବୟସ ୬୫) |
| ନାଗରିକତା | ଭାରତୀୟ |
| ଜାତୀୟତା | ଭାରତୀୟ |
| ରାଜନୀତିକ ଦଳ | ଭାରତୀୟ ଜାତୀୟ କଂଗ୍ରେସ |
| ଜୀବନ ସାଥୀ | ସେବସ୍ତିଆନା ଏକ୍କା |
| ବାପା/ବୋଉ | ପାସ୍କାଲ୍ ଏକ୍କା (ବାପା) |
| ବୃତ୍ତି | ରାଜନୀତିଜ୍ଞ |
ଜନ୍ମ, ପରିବାର ଓ ଶିକ୍ଷା ସମ୍ପାଦନା
ଖ୍ରୀଷ୍ଟୋଫର ଏକ୍କା ୧୯୪୩ ମସିହାର ଜୁଲାଇ ମାସ ୨୭ ତାରିଖରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ ପାସ୍କାଲ୍ ଏକ୍କା ଓ ପତ୍ନୀଙ୍କ ନାମ ସେବସ୍ତିଆନା ଏକ୍କା ।[୨] ତାଙ୍କ ପୁଅ ରାଜେନ ଏକ୍କା ମଧ୍ୟ ଜଣେ ରାଜନୀତିଜ୍ଞ ।[୩]
ରାଜନୈତିକ ଜୀବନ ସମ୍ପାଦନା
ଖ୍ରୀଷ୍ଟୋଫର ଭାରତୀୟ ଜାତୀୟ କଂଗ୍ରେସର କର୍ମକର୍ତ୍ତା ଭାବରେ ଓଡ଼ିଶା ରାଜନୀତିରେ ସକ୍ରିୟ ଥିଲେ । ସେ ଓଡ଼ିଶା ବିଧାନ ସଭାରେ ଏବଂ ଭାରତୀୟ ସଂସଦର ତଳ ସଦନ ଲୋକ ସଭାର ସଦସ୍ୟ ଭାବରେ ଥରେ ଲେଖାଏଁ କାର୍ଯ୍ୟ କରିଥିଲେ ।[୨]
ମୃତ୍ୟୁ ସମ୍ପାଦନା
ଖ୍ରିଷ୍ଟୋଫର ୨୦୦୮ ମସିହାର ଅକ୍ଟୋବର ମାସ ୧୮ ତାରିଖରେ ୬୫ ବର୍ଷ ବୟସରେ ମୃତ୍ୟୁବରଣ କରିଥିଲେ ।[୨]
ଆଧାର ସମ୍ପାଦନା
- ↑ "LIST OF MEMBERS OF ODISHA LEGISLATIVE ASSEMBLY (1951–2004)" (PDF). ODISHA REFERENCE ANNUAL: 458. 2011. Retrieved 29 August 2020.
- ↑ ୨.୦ ୨.୧ ୨.୨ "Shri Christopher Ekka". odishaassembly.nic.in. Odisha Assembly. Retrieved 26 October 2020.
- ↑ "ରାଜଗାଙ୍ଗପୁର ବିଧାନ ସଭା ମଣ୍ଡଳୀ; ସବୁ ଦଳରେ ଆଶାୟୀଙ୍କ ଲମ୍ବା ତାଲିକା". Samaja Live. 14 March 2019. Retrieved 26 October 2020.