କ୍ରାନ୍ତିଧାରା

କ୍ରାନ୍ତିଧାରା ୨୦୧୬ରେ ମୁକ୍ତିଲାଭ କରିଥିବା ଓଡ଼ିଆ କଥାଚିତ୍ର । ଏହି କଥାଚିତ୍ରର କାହାଣୀ ଏକ ନିଚ୍ଛକ ଓଡ଼ିଆ ମୌଳିକ କାହାଣୀ ଉପରେ ପର୍ଯ୍ୟବସିତ । ଏହି ଚଳଚ୍ଚିତ୍ରଟିରେ ଜଣେ ଗ୍ରାମୀଣ ମହିଳାର ସଂଘର୍ଷର କଥା ପ୍ରଦର୍ଶୀତ ହୋଇଥିଲା, ଯାହାର କାହାଣୀ ଲେଖିଥିଲେ ଇତି ସାମନ୍ତ । ଇତି ଦେବୀ ନିଜେ ପ୍ରଯୋଜନା ମଧ୍ୟ କରିଥିଲେ । ଚଳଚ୍ଚିତ୍ରଟିର ନିର୍ଦ୍ଦେଶନା ଦାୟିତ୍ୱରେ ଥିଲେ ହିମାଂଶୁ ଖଟୁଆ ଏବଂ ସଂଗୀତ ନିର୍ଦ୍ଦେଶନା ଦେଇଥିଲେ ବିକାଶ ଦାସ ।

କ୍ରାନ୍ତିଧାରା
ନିର୍ଦ୍ଦେଶକ	ହିମାଂଶୁ ଖଟୁଆ
ପ୍ରଯୋଜକ	ଇତି ସାମନ୍ତ
ଚିତ୍ରନାଟ୍ୟ	ହିମାଂଶୁ ଖଟୁଆ
କାହାଣୀ	ଇତି ସାମନ୍ତ
କଳାକାର	ଗାର୍ଗୀ ମହାନ୍ତି ସମରେଶ ରାଉତରାୟ ଦେବାଶିଷ ପାତ୍ର ପୁଷ୍ପା ପଣ୍ଡା ବିଜୟଲକ୍ଷ୍ମୀ ପିଙ୍କି ଆଶୁତୋଷ ପ୍ରକୃତି
ସଙ୍ଗୀତ	ବିକାଶ ଦାସ
ଚିତ୍ରଗ୍ରହଣ	ସୁଶାନ୍ତ ବାହିନୀପତି
ସମ୍ପାଦକ	ଅଜୟ ମିଶ୍ର
ମୁକ୍ତିଲାଭ ତାରିଖ	୧୯ ଫେବୃଆରୀ ୨୦୧୬
ଦେଶ	ଭାରତ
ଭାଷା	ଓଡ଼ିଆ

ଏହି ଚଳଚ୍ଚିତ୍ରଟିର ମୁଖ୍ୟ ଭୂମିକାରେ ଥିଲେ ଗାର୍ଗୀ ମହାନ୍ତି ଏବଂ ସମରେଶ ରାଉତରାୟ । ଦେବାଶିଷ ପାତ୍ର ଏହି ଚଳଚ୍ଚିତ୍ରରେ ମୁଖ୍ୟ ଖଳନାୟକ ଥିଲେ । ଅନ୍ୟାନ୍ୟ କଳାକାରମାନଙ୍କ ମଧ୍ୟରେ ଜଣାଶୁଣା ଅଭିନେତ୍ରୀ ପୁଷ୍ପା ପଣ୍ଡା ଅଭିନୟ କରିଥିଲେ । ଏହି ଚଳଚ୍ଚିତ୍ରଟି ୧୯ ଫେବୃଆରୀ ୨୦୧୬ରେ ଓଡ଼ିଶାରେ ପ୍ରାୟ ୧୪ଟି ହଲ୍‌ରେ ମୁକ୍ତିଲାଭ କରିଥିଲା । ଚଳଚ୍ଚିତ୍ରଟିର ମୂଳ ବାର୍ତ୍ତା ଥିଲା ନାରୀ ସଶକ୍ତିକରଣ ।

ଏହି ଚଳଚ୍ଚିତ୍ରଟିରେ ସିଧାସଳଖ ସ୍ୱର ନିଆଯାଇଥିଲା । ଏଥିରେ ପରେ ଡବିଂ କାରାଯାଇ ସ୍ୱରଗ୍ରହଣ କରାଯାଇ ନ ଥିଲା ।

୨୬ ତମ ରାଜ୍ୟ ଓଡ଼ିଆ ଚଳଚ୍ଚିତ୍ର ପୁରସ୍କାର ଉତ୍ସବରେ ଏହି ଚଳଚ୍ଚିତ୍ରଟି ଶ୍ରେଷ୍ଠ ଚଳଚ୍ଚିତ୍ର ଉପାଧି ପାଇଥିଲା । ଏହି ଚଳଚ୍ଚିତ୍ରର ପ୍ରଯୋଜିକା ତ‌ଥା କାହାଣୀକାର ଇତି ସାମନ୍ତ ଏବଂ ଅଭିନେତ୍ରୀ ଗାର୍ଗୀ ମହାନ୍ତି ମଧ୍ୟ ଏହି ଉତ୍ସବରେ ଶ୍ରେଷ୍ଠ ପୁରସ୍କାର ପାଇଥିଲେ ।

ଅଭିନୟ

କ୍ରାନ୍ତିଧାରା ଚଳଚ୍ଚିତ୍ରରେ ଛୋଟ ପରଦା ତରଙ୍ଗ ଟିଭିରେ ବିଭିନ୍ନ ଧାରାବାହିକରେ ଅଭିନୟ କରିଥିବା ଅଭିନେତ୍ରୀ ଗାର୍ଗୀ ମହାନ୍ତିଙ୍କୁ ମୁଖ୍ୟ ଭୂମିକାରେ ଅଭିନୟର ସୁଯୋଗ ମିଳିଥିଲା । ଅନେକ ଚଳଚ୍ଚିତ୍ରରେ ଖଳନାୟକ ଭାବରେ ଅଭିନୟ କରିଥିବା ସମରେଶ ରାଉତରାୟ କିନ୍ତୁ ଏକ ସାକାରାତ୍ମକ ଭୂମିକାରେ ଅବତୀର୍ଣ୍ଣ ହୋଇଥିଲେ ଏହି ଚଳଚ୍ଚିତ୍ରରେ । ଚଳଚ୍ଚିତ୍ରରେ ଖଳନାୟକ ଭାବରେ ନିଆଯାଇଥିଲା ଦେବାଶିଷ ପାତ୍ରଙ୍କୁ ।

ବିଭିନ୍ନ ଭୂମିକାରେ ଅଭିନୟ କରିଥିବା ଅନ୍ୟାନ୍ୟ କଳାକାର ଗଣ ହେଲେ:

• ଗାର୍ଗୀ ମହାନ୍ତି- ପ୍ରତିଜ୍ଞା
• ସମରେଶ ରାଉତରାୟ- ଅଭୟ
• ପୁଷ୍ପା ପଣ୍ଡା-
• ଦେବାଶିଷ ପାତ୍ର- ବାବୁ ସ୍ୱାଇଁ
• ବିଦୁପ୍ରଭା ପଟ୍ଟନାୟକ- ରଙ୍ଗା ବୋଉ
• ପ୍ରିୟ ମିଶ୍ର- ଶ୍ୱଶୁର
• ବିଜୟଲକ୍ଷ୍ମୀ ପ୍ରହରାଜ- ଶାଶୁ
• ଦିଲୁ
• ହାଡ଼ୁ
• ବନମାଳି ପାଣ୍ଡିଆ
• ଆଶୁତୋଷ ପଟ୍ଟନାୟକ- ବବୁଲୁ

ଗୀତ ଓ ସଙ୍ଗୀତ

ଏହି ଚଳଚ୍ଚିତ୍ରଟିର ସଙ୍ଗୀତ ନିର୍ଦ୍ଦେଶନା ଦେଇଥିଲେ ବିକାସ ଦାସ ।

ପୁରସ୍କାର

୨୬ ତମ ରାଜ୍ୟ ଓଡ଼ିଆ ଚଳଚ୍ଚିତ୍ର ପୁରସ୍କାର ଉତ୍ସବରେ ଏହି ଚଳଚ୍ଚିତ୍ରଟି ପାଇଥିଲା ଶ୍ରେଷ୍ଠ ଚଳଚ୍ଚିତ୍ରର ମାନ୍ୟତା । ଇତି ସାମନ୍ତଙ୍କୁ ତାଙ୍କ କାହାଣୀ ପାଇଁ ମୋହନ ସୁନ୍ଦର ଦେବ ଗୋସ୍ୱାମୀ ସମ୍ମାନ ପ୍ରଦାନ କରାଯାଇଥିଲା । ଶ୍ରେଷ୍ଠ ନାୟିକା ଭାବରେ ଗାର୍ଗୀ ମହାନ୍ତି ମଧ୍ୟ ଏହି ପୁରସ୍କାର ଉତ୍ସବରେ ସମ୍ମାନିତ ହୋଇଥିଲେ । ଏହି ଚଳଚ୍ଚିତ୍ରଟି ୧୨ଶ ତମ ଚେନ୍ନାଇ ଆନ୍ତର୍ଜାତୀୟ ଚଳଚ୍ଚିତ୍ର ଉତ୍ସବ ଏବଂ ୭ମ ବାଙ୍ଗାଲୋର ଆନ୍ତର୍ଜାତୀୟ ଚଳଚ୍ଚିତ୍ର ଉତ୍ସବ ପାଇଁ ମନୋନୀତ ହୋଇଥିଲା ।

ବାହାର ଆଧାର

• ଇଣ୍ଟରନେଟ ମୁଭି ଡାଟାବେସରେ କ୍ରାନ୍ତିଧାରା