ୟୁରେମିଆ

ୟୁରେମିଆ (ଇଂରାଜୀ ଭାଷାରେ Uremia) ଏକ ଲକ୍ଷଣ ପୁଞ୍ଜ ଯାହା ବୃକ୍‌କର କାର୍ଯ୍ୟକ୍ଷମତା କମ୍ ହେବାରୁ ପ୍ରକାଶ ପାଏ | ଏହି ଲକ୍ଷଣଗୁଡ଼ିକରେ ଥକ୍କା, ବାନ୍ତି, ଭୋକ ହ୍ରାସ, ମାଂସପେଶୀ କୁଞ୍ଚନତା/ କ୍ରାମ୍ପ, ଗଲୁ, ରେସ୍ଟଲେସ ଲେଗ୍ ସିଣ୍ଡ୍ରୋମ, ଦ୍ୱନ୍ଦ୍ୱ କିମ୍ବା ପ୍ରଶ୍ୱାସରେ ପରିସ୍ରା ଗନ୍ଧ ମିଳେ । ରୋଗ ଜଟିଳ ହେଲେ ସବଡୁରାଲ ହେମାଟୋମା, ୟୁରେମିକ ପେରିକାର୍ଡ଼ାଇଟିସ, ବା ଫୁସଫୁସ ଇଡିମା ହୋଇପାରେ।

Uremia
Uraemia, uremic syndrome
Uremic frost present on the head of a young man who presented with a blood urea nitrogen of 100 mg/dL and serum creatinine of 50 mg/dL.
ବିଭାଗ	Nephrology
ଲକ୍ଷଣ	Tiredness, nausea, loss of appetite, muscle cramps, itchiness, restless leg syndrome, confusion, urine-like smell to the breath
କାରଣ	Acute or chronic kidney failure
ରୋଗ ନିର୍ଣ୍ଣୟ ପଦ୍ଧତି	Based on symptoms and poor kidney function
ଚିକିତ୍ସା	Dialysis, kidney transplant
Prognosis	Poor without treatment

ତୀବ୍ର କିମ୍ବା କ୍ରନିକ୍ ବୃକକ୍ ରୋଗ ଯୋଗୁ ଏହି ଅବସ୍ଥା ହୋଇପାରେ | ମଧୁମେହ, ଉଚ୍ଚ ରକ୍ତଚାପ, ବୃକ୍‌କ ଧମନୀ ସ୍ଟେନୋସିସ, ହେମୋଲାଇଟିକ-ୟୁରିମିକ ସିଣ୍ଡ୍ରୋମ, ଆଇଜିଏ ନେଫ୍ରୋପାଥି, ଫୋକାଲ ସେଗମେଣ୍ଟାଲ ଗ୍ଲୋମେରୁଲୋସ୍କ୍ଲେରୋସିସ, ମେମ୍ବ୍ରେନୋପ୍ରଲିଫରେଟିଭ ଗ୍ଲୋମେରୁଲୋନେଫ୍ରାଇଟିସ ବା ପଲିସିସ୍ଟିକ ବୃକ୍‌କ ରୋଗରେ ଏହା ହୁଏ। ଶରୀରର ବର୍ଜ୍ୟବସ୍ତୁ ରୋଗ ବୃକ୍‌କ ଯୋଗୁ ନିଷ୍କାସିତ ହୋଇପାରେ ନାହିଁ | ଗ୍ଲୋମେରୁଲାର ଫିଲଟ୍ରେସନ ରେଟ (GFR) ୧୫ ମିଲି/ ମିନିଟରୁ କମ୍ ହେଲେ ଏହି ଅବସ୍ଥା ଉପୁଜେ | ଜିଏଫଆର ସାଧାରଣ ପାଖାପାଖି ହେଲେ କମ୍ ଲକ୍ଷଣ ଦେଖାଯାଏ |

ପ୍ରାରମ୍ଭିକ ଚିକିତ୍ସା ସାଧାରଣତଃ ଡାଏଲିସିସ ପ୍ରଣାଳୀରେ କରାଯାଏ | ଲୋହିତ ରକ୍ତ କଣିକା କମ୍ ଥିଲେ ଏରିଥ୍ରୋପଏସିସ୍-ସ୍ଟିମୁଲେଟିଙ୍ଗ ଏଜେଣ୍ଟ ବ୍ୟବହାର କରାଯାଇପାରେ ଏବଂ କମ୍ ପୋଟାସିୟମ୍ ଥିବା ଖାଦ୍ୟ ଖାଇବାକୁ ସୁପାରିଶ କରାଯାଏ | ପରବର୍ତ୍ତୀ କାଳରେ ବୃକ୍‌କ ପ୍ରତିରୋପନ କରାଯାଇପାରେ | ଚିକିତ୍ସା ନ କଲେ ଫଳାଫଳ ଖରାପ ହୁଏ |

ୟୁରେମିଆର ରୋଗୀ ସଂଖ୍ୟା ଅସ୍ପଷ୍ଟ କାରଣ ବୃକ୍‌କ କାର୍ଯ୍ୟ ହ୍ରାସ ହେବା ପୂର୍ବରୁ ଅଧିକାଂଶ ଲୋକ ଡାଏଲିସିସ୍ ଆରମ୍ଭ କରନ୍ତି | "ୟୁରେମିଆ" ଶବ୍ଦର ଅର୍ଥ ହେଉଛି "ରକ୍ତରେ ପରିସ୍ରା"। ଆରମ୍ଭରୁ ବୃକ୍‌କ ବିଫଳତା ହେତୁ ସମସ୍ତ ଲକ୍ଷଣ ପାଇଁ ୟୁରେମିଆ ଶବ୍ଦ ବ୍ୟବହୃତ ହୋଇଥିବାବେଳେ ୨୦୦୦ ଦଶକଠାରୁ ଏହା ଅଧିକ ତରଳ ପଦାର୍ଥ, ଅସ୍ୱାଭାବିକ ଇଲେକ୍ଟ୍ରୋଲାଇଟ କିମ୍ବା ସ୍ୱଳ୍ପ ଲାଲ ରକ୍ତ କଣିକା କାରଣ ଥିଲେ ଏହା ନିର୍ଣ୍ଣୟ କରାଯାଉ ନାହିଁ | ଏହି ଅବସ୍ଥା ପ୍ରଥମେ ୧୮୩୬ ମସିହାରେ ରିଚାର୍ଡ଼ ବ୍ରାଇଟଙ୍କଦ୍ୱାରା ବର୍ଣ୍ଣନା କରାଯାଇଥିଲା |