ଚାରୁପାଣି

ଚାରୁପାଣି (ଦକ୍ଷିଣ ଭାରତ ଓ ଭାରତର ଅନ୍ୟାନ୍ୟ ସ୍ଥାନରେ ରସମ୍ ନାମରେ ପରିଚିତ) ଦକ୍ଷିଣ ଓଡ଼ିଶାର ଏକ ପାରମ୍ପରିକ ତରଳ ବ୍ୟଞ୍ଜନ । ଦକ୍ଷିଣ ଓଡ଼ିଶା ବିଶେଷ ଭାବେ ରାୟଗଡ଼ା, ଗଜପତି, କୋରାପୁଟ ଓ ମାଲକାନଗିରି ଜିଲ୍ଲାରେ ଏହା ଦୈନିନ୍ଦିନ ଖାଦ୍ୟରେ ଅତିମାତ୍ରାରେ ବ୍ୟବହୃତ ହୋଇଥାଏ । ଏହା ସାଧାରଣତ ଭାତ ସହ ଗୋଳାଇ ଖିଆଯାଏ କିମ୍ବା ଅଲଗା ଭାବେ ମସଲା ଝୋଳ/ ଜୁସ୍ ରୂପେ ପିଆଯାଇଥାଏ । ଏହାକୁ କ୍ଷୁଧାବର୍ଧନ/ ଖାଦ୍ୟ ହଜମ ନିମନ୍ତେ ମଧ୍ୟ ବ୍ୟବହାର କରାଯାଇଥାଏ । ଦକ୍ଷିଣ ଭାରତୀୟ ରାଜ୍ୟ ମାନଙ୍କରେ ଏହା ଏକ ମୁଖ୍ୟ ଖାଦ୍ୟ ।

ଚାରୁ ପାଣି

ଆରମ୍ଭ
ଅଲଗା ନାଆଁ	ରସମ୍
ମୂଳ ଜାଗା	ଭାରତ
ଅଞ୍ଚଳ	ଦକ୍ଷିଣ ଓଡ଼ିଶା
ଖାଇବାର ସବିଶେଷ
ମୂଳ ଉପାଦାନ	ତେନ୍ତୁଳି (ଲୁଣ/ ସୁଖିଲା ଲଙ୍କା/ ପଞ୍ଚଫୁଟଣ/ ହିଙ୍ଗୁ/ ରସୁଣ/ ଧନିଆ ପତ୍ର/ ଭ୍ରୁସିଙ୍ଗା ପତ୍ର)

ପ୍ରକାର

• ଟମାଟୋ ରସମ୍
• ଲେମ୍ବୁ ରସମ୍
• ଗୋଲମରିଚ ରସମ୍
• ଅଦା ରସମ୍
• ବିଟ୍ ରସମ୍
• ତେନ୍ତୁଳି ରସମ୍
• ଆମ୍ବୁଲ(ସୁଖା ଆମ୍ବ)ରସମ୍
• ରସୁଣ ରସମ୍
• ଜିରା ରସମ୍

ମୁଖ୍ୟ ଉପାଦାନ

• ତେନ୍ତୁଳି (୨ ଚାମଚ)
• ଗୋଟା ଟମାଟ
• ୨ କପ୍ ପାଣି
• ଲୁଣ (ଆବଶ୍ୟକ ଅନୁଯାୟୀ)
• ରସୁଣ (୮-୧୦ କୋଳ)
• ୨-୩ ସୁଖିଲା ଲଙ୍କା
• ୨-୩ ଚାମଚ ଧନିଆ ପତ୍ର
• ୧ ଚାମଚ ହିଙ୍ଗ୍
• ୨ ଚମଚ କଳା ଗୋଲ୍ ମରିଚ
• ପଞ୍ଚଫୁଟଣ (ସୋରିଷ, ଜିରା, ମେଥି, ଧନିଆ)
• ଭ୍ରୁସିଙ୍ଗା ପତ୍ର (୨ ଡେମ୍ଫ)
• ୨ ଚାମଚ ତେଲ
• ୧/୨ ଚାମଚ ହଳଦୀ ଗୁଣ୍ଡ
• ପ୍ରଥମେ ରସୁଣ, ଗୋଲ୍ ମରିଚ ଓ ଜିରାର ଗୁଣ୍ଡ ତିଆରି କରନ୍ତୁ

ତିଆରି ପ୍ରାଣାଳୀ

• ତେନ୍ତୁଳିକୁ ୧/୨ କପ୍ ଅଳ୍ପ ଗରମ ପାଣିରେ ୨୦-୩୦ ମିନିଟ୍ ଯାଏ ଭିଜାଇ, ସେଥିରୁ ତେନ୍ତୁଳି ଖଦାକୁ ଚିପୁଡି ବାହାର କରି ପାଣିକୁ ଅଲଗା କରି ରଖନ୍ତୁ
• ରସୁଣ, ଗୋଲ୍ ମରିଚ ଓ ଜିରାର ଗୁଣ୍ଡ ତିଆରି କରନ୍ତୁ
• କଢାଇରେ ତେଲ ଗରମକରି ସେଥିରେ ଅଳ୍ପ ସୋରିଷ, ଭ୍ରୁସିଙ୍ଗା ପତ୍ର, ସୁଖିଲା ଲଙ୍କା ଓ ହିଙ୍ଗୁକୁ ଫୁଟାନ୍ତୁ
• ଗୋଟିଏ ଗୋଟା ଟମାଟକୁ ଛୋଟ ଛୋଟ ଆକାରରେ କାଟି ସେହି ଫୁଟଣରେ ପକାଇ, ନରମ ହେବା ଯାଏ କିଛି ସମୟ ଘାଣ୍ଟନ୍ତୁ
• ୧/୨ ଚାମଚ ହଳଦୀ ଗୁଣ୍ଡ ସହ ରସୁଣ, ଗୋଲ୍ ମରିଚ ଓ ଜିରାର ଗୁଣ୍ଡକୁ ସେଥିରେ ପକାଇ ଘାଣ୍ଟନ୍ତୁ
• ତେନ୍ତୁଳି ପାଣିରେ, ଆବଶ୍ୟକ ଅନୁଯାୟୀ ପାଣି ଓ ସ୍ୱାଦ ଅନୁସାରେ ଲୁଣ ପକାଇ ସେହି ଫୁଟଣରେ ପକାଇ ଗରମ କରନ୍ତୁ
• ଚାରୁପାଣି ଗରମ ହୋଇ ଫୁଟି ଆସିବା ମାତ୍ରେ ସେଥିରେ ଧନିଆ ପତ୍ର ପକାଇ ଢାଙ୍କୁଣିରେ ଘୋଡାଇ ଦିଅନ୍ତୁ
• ବର୍ତ୍ତମାନ ଚାରୁପାଣି ପ୍ରସ୍ତୁତ