ମୁଖ୍ୟ ସୂଚୀ ଦେଖିବେ

ହଜରତ୍‌ ମହମ୍ମଦଙ୍କ ପ୍ରବର୍ତ୍ତିତ ଇସ୍‌ଲାମ ଧର୍ମାବଲମ୍ବୀ ବ୍ୟକ୍ତି ମୁସଲମାନ ଭାବେ ପରିଚିତ। ଏକେଶ୍ୱରବାଦ ଇସ୍‌ଲାମ ଧର୍ମର ପ୍ରଥମ ଓ ମୁଖ୍ୟ ଧର୍ମନୀତି। ଇସଲାମ ଧର୍ମ ବିଶ୍ୱାସ ଅନୁଯାୟୀ ଆଲ୍ଲା ହିଁ ଜଗତରେ ଏକମାତ୍ର ପ୍ରଭୁ ଓ ମହମ୍ମଦ ତାଙ୍କର ଜଣେ ପଏଗମ୍ବର (ପୃଥିବୀକୁ ପ୍ରେରିତ ଦୂତ) ଅଟନ୍ତି । କୋରାନରେ ମହମ୍ମଦ ଇଶ୍ୱରାଦେଶମାନ ଲିପିବଦ୍ଧ କରିଅଛନ୍ତି। ୤

ମୁସଲମାନ ଶବ୍ଦର ଅର୍ଥ ‘ଭକ୍ତିପୂର୍ଣ୍ଣ, ଭକ୍ତ’। ଏମାନଙ୍କର ଧର୍ମଶାସ୍ତ୍ର ‘କୋରାନ୍’। ଏହି ଧର୍ମର ପ୍ରଧାନ ମତ ଏହିକି ‘ଈଶ୍ୱର’ ବା ‘ଆଲ୍ଲା’ଙ୍କ ଛଡ଼ା କେହି ଏ ଜଗତର ପ୍ରଭୁ ନୁହଁନ୍ତି ଓ ମହମ୍ମଦ ହେଉଛନ୍ତି ଈଶ୍ୱରାନୁଗୃହିତ ପ୍ରଚାରକ। ଯେଉଁମାନେ ଏହି ଏକେଶ୍ୱରବାଦକୁ ମାନନ୍ତି ନାହିଁ ସେମାନେ ହେଉଛନ୍ତି ‘କାଫେର୍’ ବା ବିଧର୍ମୀ ଓ କାଫେରମାନଙ୍କ ସହିତ ‘ଯିହାଦ୍’ ବା ଧର୍ମ ଯୁଦ୍ଧରେ ପ୍ରାଣତ୍ୟାଗ କଲେ ଅନନ୍ତସ୍ୱର୍ଗଲାଭ ହୁଏ। ମୁସଲମାନମାନେ ୪ଟିରୁ ଅଧିକ ସ୍ତ୍ରୀ ବିବାହ କରିବେ ନାହିଁ ଓ ଶୁକର ମାଂସ ଭକ୍ଷଣ ତଥା ମଦ୍ୟପାନ ଏମାନଙ୍କ ପାଇଁ ନିଷିଦ୍ଧ। [୧]

ବିଷୟସୂଚୀ

କୋରାନସମ୍ପାଦନ କରନ୍ତୁ

 
Dongxiang Muslim students in China

ଏହା ଆରବୀ ଭାଷାରେ ଲିଖିତ ମୁସଲ୍‌ମାନଙ୍କ ଧର୍ମଗ୍ରନ୍ଥ। ମୁସଲ୍‌ମାନ ମାନେ ବିଶ୍ୱାସ କରନ୍ତି ଯେ, ଇଶ୍ୱର ଏ ଗ୍ରନ୍ଥଲିଖିତ ବାକ୍ୟଗୁଡ଼ିକୁ ଦୂତ ଜେବ୍ରୀୟେଲଙ୍କଦ୍ୱାରା ହଜ୍‌ରତ୍‌ ମହମ୍ମଦଙ୍କ ନିକଟ କହି ପଠାଇଥିଲେ। ଏହି ଗ୍ରନ୍ଥ ୩୦ଭାଗରେ ବିଭକ୍ତ, ପ୍ରତି ଭାଗକୁ ପାରା କୁହାଯାଏ । ପାରା ମାନଙ୍କରେ ଥିବା ଶ୍ଳୋକକୁ ସୁରା କୁହାଯାଏ। କୋରାନ ଗ୍ରନ୍ଥକୁ ମାନ୍ୟରେ ମୁସଲ୍‌ମାନ୍‌ମାନେ ‘କୁରାନ୍‌ ସରିଫ’ ବା ‘କୁରାନ ମଜୀଦ୍‌’ ବୋଲି ଡାକନ୍ତି । ୤

କୋରାନ ଅନୁଯାୟୀ ପ୍ରତ୍ୟେକ ମୁସଲ୍‌ମାନର ୫ଟି କର୍ତ୍ତ୍ୟବ୍ୟ ହେଲା:

  1. କଲମା
  2. ନମାଜ
  3. ରୋଜା
  4. ଜକାତ
  5. ହଜ୍

କଲ୍‌ମାସମ୍ପାଦନ କରନ୍ତୁ

ଏକେଶ୍ୱରବାଦ କଲ୍‌ମା ('ଲା ଇଲାହ୍‌ ଇଲ୍ଲିଲ୍ଲାହ୍ ମହମ୍ମଦ୍‌ଉର୍‌ ରସୂମିଲ୍ଲାହ୍‌' (ଅର୍ଥାତ ଇଶ୍ୱର ଏକ ମହମ୍ମଦ ତାଙ୍କର ଦୂତ)) ପଢ଼ିବା।

ନମାଜସମ୍ପାଦନ କରନ୍ତୁ

କୋରାନର ସୁରା (ମନ୍ତ୍ର) ପାଠ ପୁର୍ବକ ଆଲ୍ଲାଙ୍କୁ ଡାକି ସ୍ତୁତିପାଠ ଓ ନମସ୍କାର କରିବା। ପ୍ରତ୍ୟେକ ମୁସଲମାନ ପ୍ରତ୍ୟହ ୫ଥର ନମାଜ ପାଠ କରିବାର ବିଧି ଅଛି। ମୁହଁହାତ ଧୋଇ ଖଣ୍ଡିଏ ମୂସଲ୍ଲା (ସ୍ୱତନ୍ତ୍ର ଆସନ)ରେ ଆଣ୍ଠୁମାଡ଼ି ବସି ଓ ଠିଆହୋଇ ଓ ମୁଣ୍ଡ ତଳକୁ ଲଗାଇ ମକ୍କା ଆଡ଼କୁ ମୁହଁ କରି ନମାଜ୍‌ ପଢ଼ିବାକୁ ହୁଏ। ଦୈନିକ ନମାଜ୍‌ ପଢ଼ିବା ଛଡ଼ା ସପ୍ତାହ ମଧ୍ୟରେ ପ୍ରତି ଶୁକ୍ରବାର ଦିନ ମସଜିଦରେ ମୁସଲମାନମାନେ ଏକତ୍ର ହୋଇ ଇଶ୍ୱରୋପାସନା କରନ୍ତି, ଏହାକୁ ଯୁମା ନମାଜ କହନ୍ତି । ଏହି ବିଶେଷ ନମାଜ୍‌ ଇଦ୍‌ ଦିନ ୯ଟା ଠାରୁ ୧୧ଟା ପର୍ଯ୍ୟନ୍ତ କରାଯାଏ। ୤

ନମାଜ ପଢ଼ିବା ସମୟସମ୍ପାଦନ କରନ୍ତୁ

  • ଫଜର୍: ସୂର୍ଯ୍ୟୋଦୟ ପୂର୍ବରୁ; ବଡ଼ିଭୋର ୪ଟା ବେଳେ
  • ଜୋହର୍‌: ଦ୍ୱିପ୍ରହର ପରେ; ଅପରାହ୍ଣ ୧ଟା ବେଳେ
  • ଅସର୍‌: ଅପରାହ୍ନ ୩ଟା ଠାରୁ ୪ଟା ମଧ୍ୟରେ
  • ମଗ୍‌ରୀବ୍‌: ସୂର୍ଯ୍ୟାସ୍ତର ଠିକ୍‌ ପରେ()[୨]
  • ଏସା: ରାତି ୮ଟା ବେଳେ

ନମାଜ୍‌ର ୩ଟି ଅଂଶ ଯଥାସମ୍ପାଦନ କରନ୍ତୁ

  • ଫର୍ଜ୍‌: ଯାହା ଇଶ୍ୱରଙ୍କ ଉଦ୍ଦେଶ୍ୟରେ ବୋଲାଯାଏ
  • ସୂନ୍ନତ୍‌: ଯାହା ହଜ୍‌ରତ୍‌ ମହମ୍ମଦ ପାଠ କରୁଥିଲେ
  • ନଫୀଲ୍‌: ଯାହା ପ୍ରାର୍ଥନାକାରୀ ନିଜର ଧର୍ମସାଧନାର୍ଥ ପାଠକରେ ୤

ନମାଜର ମର୍ମସମ୍ପାଦନ କରନ୍ତୁ

ଇଶ୍ୱର ଏକମାତ୍ର ପ୍ରଭୁ, ତାଙ୍କଛଡ଼ା ଅନ୍ୟକେହି ପ୍ରଭୁ ନାହାଁନ୍ତି । ମହମ୍ମଦ ଇଶ୍ୱରଙ୍କ ପୈଗମ୍ବର (ପୃଥିବୀକୁ ପ୍ରେତିତ ଦୂତ), ତେଣୁ ତାଙ୍କୁ ସମସ୍ତେ ପ୍ରଶଂସା କରିବା ଉଚିତ। ୤

ରୋଜାସମ୍ପାଦନ କରନ୍ତୁ

ପ୍ରତିବର୍ଷ ରମଜାନ୍ ମାସରେ ଇଦ ପର୍ବ ପୂର୍ବରୁ ୩୦ଦିନ ପାଇଁ ଦିନତମାମ ପାଳିତ ହେବା ଉପବାସ ବ୍ରତ। ଧର୍ମଶାସ୍ତ୍ର ଅନୁଯାୟୀ ଶିଶୁ, ଅତି ରୁଗ୍ଣ ଓ ଅତ୍ୟନ୍ତ ଅକ୍ଷମ ବ୍ୟକ୍ତିଙ୍କ ଛଡ଼ା ଅନ୍ୟ ସମସ୍ତେ ରୋଜା ପାଳିବାକୁ ଧର୍ମତଃଅ ବାଧ୍ୟ ଅଟନ୍ତି। ଏ ଉପବାସରେ ଦିନଯାକ ଜଳଗ୍ରହଣ କରନ୍ତି ନ ନାହିଁ। ରୋଜା ରଖିଥିବା ଲୋକେ ସୂର୍ଯ୍ୟାସ୍ତ ପରେ ଇଫତାର (ରୋଜାର ପାରଣା) କରନ୍ତି। ସନ୍ଧ୍ୟା ବୁଡ଼ିଲେ ନମାଜ ପଢ଼ିସାରି ଇଫତାର କରିବାକୁ ହୁଏ । ରୋଜା ଖୋଲିବା ବେଳେ ପ୍ରଥମେ ସରବତ୍‌ ପିଇବାକୁ ହୁଏ; ତତ୍‌ପରେ ଅନ୍ୟ ଖାଦ୍ୟ ଖିଆଯାଏ। ୤

ଜକାତସମ୍ପାଦନ କରନ୍ତୁ

ଧର୍ମାର୍ଥ ନିଜ ରୋଜଗାର ଅନୁସାରେ ଜକାତ (ଦାନ) ଦେବା। ବାର୍ଷିକ ଆୟରୁ ହଜାରକେ ୨୫ଟଙ୍କା ହିସାବରେ ଇଶ୍ୱରୋପସନା ଓ ଦାନ ପାଇଁ ଉତ୍ସର୍ଗୀକୃତ ଧନ।୤

ହଜ୍ସମ୍ପାଦନ କରନ୍ତୁ

ଆର୍ଥିକ ସମ୍ବଳ ଥିଲେ ମକ୍କା ମଦିନା ଯାଇ ହଜ୍ (ତୀର୍ଥ) କରିବା। ମୁସଲ୍‌ମାନୀ ‘ଜିଲ୍‌ହଜ୍’ ମାସର ଦଶମ ଦିନ ମୁସଲମାନ୍‌ମାନଙ୍କର ‘ବକ୍ରୀଦ୍’ ପର୍ବ ୤ ସେଦିନ ମକ୍କାକୁ ଯାଇ ହଜ୍‌ କରନ୍ତି ।


ମୁସଲମାନ୍‌ମାନେ ଦୁଇ ସମ୍ପ୍ରଦାୟରେ ବିଭକ୍ତ: ସିହା ଓ ସୁନି । ବର୍ତ୍ତମାନ ମୁସଲମାନ ଧର୍ମାବଲମ୍ବୀମାନଙ୍କ ମଧ୍ୟରେ ଆହମ୍ମଦୀନାମକ ଏକ ନୂଆ ଶାଖା ପ୍ରବର୍ତ୍ତିତ ହୋଇଛି।

ଆଧାରସମ୍ପାଦନ କରନ୍ତୁ

  1. "ମହମ୍ମଦ". ଶ୍ରୀ ଗୋପାଳ ପ୍ରହରାଜକୃତ ପୂର୍ଣ୍ଣଚନ୍ଦ୍ର ଭାଷାକୋଷ. Retrieved 2013-01-25.
  2. (PDF) https://www.al-islam.org/nutshell/files/prayers.pdf. Missing or empty |title= (help)

ବାହାର ଆଧାରସମ୍ପାଦନ କରନ୍ତୁ