ନନ୍ଦିତା ଦାସ
ନନ୍ଦିତା ଦାସ ଜଣେ ଜଣାଶୁଣା ଭାରତୀୟ ଚଳଚ୍ଚିତ୍ର ଅଭିନେତ୍ରୀ ହେବା ସହିତ ନିଜ ସମାଜସେବା ଓ ଲେଖାଲେଖି ପାଇଁ ମଧ୍ୟ ପରିଚିତ । ସେ ପ୍ରଥମ ଭାରତୀୟ ଅଭିନେତ୍ରୀ, ଯିଏ କି "ଇଣ୍ଟରନ୍ୟାସନାଲ ଓମେନ୍ସ ଫୋରମ"ର ହଲ ଅଫ ଫେମରେ ସ୍ଥାନ ପାଇଥିଲେ ।
ନନ୍ଦିତା ଦାସ | |
|---|---|
 | |
| ଜନ୍ମ | ନଭେମ୍ବର ୭, ୧୯୬୯ |
| ଜାତୀୟତା |  ଭାରତୀୟ |
| ଶିକ୍ଷା | ସ୍ନାତକ(ଭୂଗୋଳ), ସ୍ନାତକୋତ୍ତର(ସମାଜସେବା) |
| ବୃତ୍ତି(ସମୂହ) | କଥାଚିତ୍ର ଅଭିନେତ୍ରୀ, ନିର୍ଦ୍ଦେଶିକା |
| ପ୍ରସିଦ୍ଧି | କଥାଚିତ୍ର ଅଭିନେତ୍ରୀ, ନିର୍ଦ୍ଦେଶିକା |
| ବୈବାହିକ-ସାଥୀ(s) | ସୌମ୍ୟ ସେନ (୨୦୦୨-୨୦୦୯) ସୁବୋଧ ମସ୍କୋରା (୨୦୦୯-୨୦୧୭) |
| ୱେବସାଇଟ | http://nanditadas.com/ |
ବ୍ୟକ୍ତିଗତ ଜୀବନ
ସମ୍ପାଦନାପିତା ଚିତ୍ରକର ଯତୀନ ଦାସ ଓ ମାତା ଲେଖିକା ବର୍ଷା ଦାସଙ୍କ ଝିଅ ନନ୍ଦିତା, ୧୯୬୯ ମସିହା ନଭେମ୍ବର ୭ ତାରିଖରେ ମୁମ୍ବାଇଠାରେ ଜନ୍ମଗ୍ରହଣ କରିଥିଲେ ।[୧] ପରବର୍ତ୍ତୀ ସମୟରେ ତାଙ୍କ ପରିବାର ଦିଲ୍ଲୀକୁ ଚାଲିଆସିଥିଲେ । ସେଠାରେ, ସେ ସର୍ଦ୍ଦାର ପଟେଲ ବିଶ୍ୱବିଦ୍ୟାଳୟ ଓ ମିରନ୍ଦା ହାଉସରେ ପାଠ ପଢ଼ିଥିଲେ । ସେ ଭୂଗୋଳରେ ସ୍ନାତକ ଓ ସମାଜସେବାରେ ସ୍ନାତକୋତ୍ତର ଡିଗ୍ରୀ ହାସଲ କରିଛନ୍ତି । ନନ୍ଦିତା ୨୦୦୨ରେ ସୌମ୍ୟ ସେନଙ୍କୁ ବିବାହ କରିଥିଲେ ଓ ୨୦୦୯ରେ ତାଙ୍କର ବିବାହ ବିଚ୍ଛେଦ ଘଟିଥିଲା । ୨୦୧୦ ମସିହାରେ ସେ ମୁମ୍ବାଇର ଉଦ୍ୟୋଗପତି ସୁବୋଧ ମସ୍କୋରାଙ୍କୁ ଦ୍ୱିତୀୟ ବିବାହ କରିଥିଲେ । ତାଙ୍କର ଏକ ପୁତ୍ର ସନ୍ତାନ ଅଛି । ୨୦୧୭ରେ ସୁବୋଧଙ୍କ ସହ ତାଙ୍କର ବିବାହ ବିଚ୍ଛେଦ ଘଟିଥିଲା ।[୨]
ବୃତ୍ତିଗତ ଜୀବନ
ସମ୍ପାଦନାଜନନାଟ୍ୟ ମଞ୍ଚରୁ, ନନ୍ଦିତା ନିଜର ଅଭିନୟ ଜୀବନ ଆରମ୍ଭ କରିଥିଲେ । ସେ ଓଡ଼ିଆ, ହିନ୍ଦୀ ଓ ଇଂରାଜୀ ସମେତ ଦଶଟି ଭାରତୀୟ ଚଳଚ୍ଚିତ୍ରରେ ଅଭିନୟ କରିଛନ୍ତି । ୧୯୯୮ ମସିହାର ଚଳଚ୍ଚିତ୍ର ଆର୍ଥ ପାଇଁ, ସେ ଫିଲ୍ମଫେୟାର "ଶ୍ରେଷ୍ଠ ନବାଗତ ଅଭିନେତ୍ରୀ ପୁରସ୍କାର" ଲାଭ କରିଥିଲେ । ଏହ ପରେ, ସେ ପ୍ରାୟ ୩୦ଟି ହିନ୍ଦୀ ଚଳଚ୍ଚିତ୍ରରେ ଅଭିନୟ କରିସାରିଛନ୍ତି । ୨୦୦୮ ମସିହାରେ ପ୍ରସ୍ତୁତ ଚଳଚ୍ଚିତ୍ର "ଫିରାକ"ଦ୍ୱାରା ସେ ନିର୍ଦ୍ଦେଶନାରେ ପାଦ ଦେଇଛନ୍ତି । ଏହି ଚଳଚ୍ଚିତ୍ରକୁ ମଧ୍ୟ ଫିଲ୍ମଫେୟାର ସ୍ୱତନ୍ତ୍ର ପୁରସ୍କାର ମିଳିଥିଲା ।
୨୦୦୯ ମସିହାରେ, ସେ "ଭାରତୀୟ ଶିଶୁ ଚଳଚ୍ଚିତ୍ର ସୋସାଇଟି"ର ଅଧ୍ୟକ୍ଷା ଭାବରେ କାର୍ଯ୍ୟ କରିଥିଲେ ।
ଚଳଚ୍ଚିତ୍ରରେ ଅବଦାନ
ସମ୍ପାଦନାଅଭିନୟ
ସମ୍ପାଦନା- ଆଇ ଆମ (୨୦୧୧: ଇଂରାଜୀ, ହିନ୍ଦୀ, ବଙ୍ଗଳା)
- ରାମଚନ୍ଦ ପାକିସ୍ତାନୀ (୨୦୦୮: ଉର୍ଦ୍ଦୁ)
- ବିଫୋର ଦି ରେନସ (୨୦୦୮: ଇଂରାଜୀ, ମାଲାୟଲମ)
- ବିଶ୍ୱପ୍ରକାଶ (୧୯୯୯: ଓଡ଼ିଆ)
- ଆର୍ଥ(୧୯୯୮: ହିନ୍ଦୀ)
- ଫାୟାର(୧୯୯୬: ହିନ୍ଦୀ)
- ପରିଣତି (୧୯୮୯: ଓଡ଼ିଆ)
ନିର୍ଦ୍ଦେଶନା
ସମ୍ପାଦନା- ଫିରାକ (୨୨୦୮: ହିନ୍ଦୀ, ଉର୍ଦ୍ଦୁ, ଗୁଜରାଟୀ)
ପୁରସ୍କାର ଓ ସମ୍ମାନ
ସମ୍ପାଦନା- ଫିଲ୍ମଫେୟାର ଶ୍ରେଷ୍ଠ ନବାଗତ ଅଭିନେତ୍ରୀ ପୁରସ୍କାର(ଆର୍ଥ) - ୨୦୦୦
- ଇଣ୍ଟରନ୍ୟାସନାଲ ଓମେନ୍ସ ଫୋରମର ହଲ ଅଫ ଫେମରେ ସ୍ଥାନ[୩]
ଆଧାର
ସମ୍ପାଦନା- ↑ "ସଫଳତାର ମନ୍ତ୍ର- ବର୍ଣ୍ଣ ବାଧକ ନୁହେଁ: ନନ୍ଦିତା". ସମାଜ. 1 November 2017. Retrieved 1 November 2017.[permanent dead link]
- ↑ "୭ ବର୍ଷର ସଂପର୍କରେ ପଡିଲା ପୂର୍ଣ୍ଣଚ୍ଛେଦ ! ସ୍ୱାମୀଙ୍କଠାରୁ ଅଲଗା ହେବେ ନନ୍ଦିତା ଦାସ". କନକ ନ୍ୟୁଜ୍. 2 January 2017. Retrieved 1 November 2017.
- ↑ "ସମୟ" ୦୯/୦୧/୨୦୧୫ ପୃଷ୍ଠା ୨
ଅଧିକ ତଥ୍ୟ
ସମ୍ପାଦନା
- Official website
- ଇଣ୍ଟରନେଟ ମୁଭି ଡାଟାବେସରେ ନନ୍ଦିତା ଦାସ
- Interview 2003
- Nandita Das Archived 2012-02-08 at the Wayback Machine. @ SPICE
- EVERYONE campaign of Save the Children India Archived 2011-01-06 at the Wayback Machine.