ଚକ୍ରଧର ମହାପାତ୍ର
ଚକ୍ରଧର ମହାପାତ୍ର (୧୮ ମାର୍ଚ୍ଚ ୧୯୦୮- ୨୪ ଅକ୍ଟୋବର ୧୯୮୨)[୧], ଜଣେ ଓଡ଼ିଆ ସାହିତ୍ୟିକ ଓ ଗବେଷକ ଥିଲେ ।[୨] ସେ ମୁଖ୍ୟତଃ ଉପନ୍ୟାସ, ଜୀବନୀ ଓ ଗବେଷଣାଧର୍ମୀ ପୁସ୍ତକ ରଚନା କରିଥିଲେ । ନିଜ ପୁସ୍ତକ "କୁନ୍ତଳା କୁମାରୀ ଜୀବନ ଚରିତ" ପାଇଁ ସେ ୧୯୭୪ ମସିହାରେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ଲାଭ କରିଥିଲେ ।
ଚକ୍ରଧର ମହାପାତ୍ର | |
|---|---|
| ଜନ୍ମ | ୧୮ ମାର୍ଚ୍ଚ ୧୯୦୮ ନରସିଂହପୁର, କଟକ |
| ମୃତ୍ୟୁ | ୨୪ ଅକ୍ଟୋବର ୧୯୮୨ (ବୟସ ୭୪) |
| ଜାତୀୟତା | ଭାରତୀୟ |
| ବୈବାହିକ-ସାଥୀ | କନକ ମଞ୍ଜରୀ ମହାପାତ୍ର |
| ସନ୍ତାନ | ମନୋଜ ମଞ୍ଜରୀ ମିଶ୍ର |
| ପୁରସ୍କାର | ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର |
ଜୀବନୀ ସମ୍ପାଦନା
ଚକ୍ରଧର ୧୯୦୮ ମସିହାରେ କଟକ ଜିଲ୍ଲାର ନରସିଂହପୁରଠାରେ ଜନ୍ମଗ୍ରହଣ କରିଥିଲେ । ବାଲ୍ୟଜୀବନ ତାଙ୍କର ସଂଘର୍ଷମୟ ଥିଲା । ପାଠପଢ଼ିବା ପାଇଁ କଟକ ଆସିଥିଲେ ଓ ପରବର୍ତ୍ତୀ ଜୀବନ କଟକରେ ହିଁ ବିତିଥିଲା । ସେ ଓଡ଼ିଆ ସହିତ ହିନ୍ଦୀ, ବଙ୍ଗଳା, ଇଂରାଜୀ ଓ ସଂସ୍କୃତ ଆଦି ଭାଷାରେ ପାରଙ୍ଗମ ଥିଲେ । କିଶୋର ବୟସରେ ସେ ସ୍ୱାଧୀନତା ସଂଗ୍ରାମରେ ଅଂଶଗ୍ରହଣ କରି, କଲିକତା ଓ କରାଚୀ କଂଗ୍ରେସ ଅଧିବେଶନରେ ଯୋଗ ଦେଇଥିଲେ । ଉତ୍କଳ ବିଶ୍ୱବିଦ୍ୟାଳୟଦ୍ୱାରା ପ୍ରକାଶିତ "ଜ୍ଞାନକୋଷ"ରେ ସେ ଜଣେ ଭାଷା ସହାୟକ ଭାବରେ କାର୍ଯ୍ୟ କରିଥିଲେ । ସେ ନରସିଂହପୁର ରାଜ୍ୟର ଦେବୋତ୍ତର ମ୍ୟାନେଜର ଭାବରେ ମଧ୍ୟ କାର୍ଯ୍ୟ କରିଥିଲେ । ତାଙ୍କ ପତ୍ନୀ କନକ ମଞ୍ଜରୀ ମହାପାତ୍ର ଜଣେ ଶିଶୁ ସାହିତ୍ୟିକ ଭାବେ ପରିଚିତ ।[୩] ୧୯୮୨ ମସିହା[୪] ଅକ୍ଟୋବର ୨୪ତାରିଖରେ ଚକ୍ରଧରଙ୍କର ମହାପ୍ରୟାଣ ଘଟିଥିଲା ।
ରଚନାବଳୀ ସମ୍ପାଦନା
ଉପନ୍ୟାସ ସମ୍ପାଦନା
- ଗୋବର ଗୋଟେଇ - ୧୯୩୦
- ଅପୂର୍ଣ୍ଣ ପ୍ରେମ-୧୯୩୦
- ବଳାଙ୍ଗୀ-୧୯୩୪
- ଚନ୍ଦ୍ରିକା
- ଖଞ୍ଜେଇ ନାହାକାଣୀ
- ହସିଲା ଜହ୍ନ
- ରୋଡ଼ଙ୍ଗ ବକ୍ସୀ-୧୯୪୮
- ରଣମାଧୁରୀ-୧୯୩୪
ଜୀବନୀ ସମ୍ପାଦନା
- କୁନ୍ତଳା କୁମାରୀ ଜୀବନ ଚରିତ - ୧୯୭୨[୫]
ଗବେଷଣାଧର୍ମୀ ସମ୍ପାଦନା
- ଉତ୍କଳ ଇତିହାସର ଏକ ଅଜ୍ଞାତ ଅଧ୍ୟାୟ
- The real birth place of Buddha[୬]
ସମ୍ମାନ ଓ ପୁରସ୍କାର ସମ୍ପାଦନା
- ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର - ୧୯୭୪[୭]
ଆଧାର ସମ୍ପାଦନା
- ↑ "ଆଜି ଶ୍ରାଦ୍ଧବାର୍ଷିକୀ". No. ସମ୍ବାଦ ୨୪/୧୦/୨୦୨୦ ଭୁବନେଶ୍ୱର ସଂସ୍କରଣ ପୃଷ୍ଠା ୧୮. ଇଷ୍ଟର୍ଣ୍ଣ ମିଡିଆ. pp. ୧୮. Archived from the original on 24 October 2020. Retrieved 24 October 2020.
- ↑ Orissa (India). Orissa District Gazetteers: Sambalpur. Superintendent, Orissa Government Press.
- ↑ Philomena Royappa Reddy; P. Sumangala (1998). Women in Development: Perspectives from Selected States of India. B.R. Publishing Corporation. ISBN 978-81-7018-978-7.
- ↑ Sisir Kumar Das (2000). History of Indian Literature. Sahitya Akademi. pp. 751–. ISBN 978-81-7201-006-5.
- ↑ Malashri Lal; Sukrita Paul Kumar; Indian Institute of Advanced Study (1 January 2002). Women's studies in India: contours of change. Indian Insitute of Advanced Study.
- ↑ "ଆଜି ଶ୍ରାଦ୍ଧବାର୍ଷିକୀ". ସମ୍ବାଦ ୨୪/୧୦/୨୦୧୭ ଭୁବନେଶ୍ୱର ସଂସ୍କରଣ ପୃଷ୍ଠା ୪. Archived from the original on 29 October 2017. Retrieved 24 October 2017.
- ↑ "ଆର୍କାଇଭ୍ କପି". Archived from the original on 2020-02-21. Retrieved 2017-10-24.
{{cite web}}: Cite has empty unknown parameter:|1=(help)