କ୍ଷୀରୋଦ ଚନ୍ଦ୍ର ପୋଥାଳ
କ୍ଷୀରୋଦ ଚନ୍ଦ୍ର ପୋଥାଳ (୩୦ ଜୁନ ୧୯୩୯ - ୧୫ ଜାନୁଆରୀ ୨୦୧୨) କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଳକର ଗୋପପୁର ଗ୍ରାମରେ ୧୯୩୯ ମସିହା ଜୁନ ୩୦ ତାରିଖ ଆଷାଢ଼ ଶୁକ୍ଳ ଚତୁର୍ଦ୍ଦଶୀ ଦିନ ଏକ ସ୍ୱର୍ଣ୍ଣକାର ପରିବାରରେ ଜନ୍ମଗ୍ରହଣ କରିଥିଲେ । ଜନ୍ମ ହେବାର ଦୁଇମାସ ପରେ ମା ଜହ୍ନ ଦେଇ ଓ ଚାରିବର୍ଷ ପରେ ବାପା ଯଦୁମଣୀଙ୍କୁ ହରାଇଥିଲେ।[୧] କ୍ଷୀରୋଦ ଚନ୍ଦ୍ରଙ୍କର କବିତା ଗୁଡ଼ିକ ଦୈନିକ ସମ୍ବାଦପତ୍ର ମାତୃଭୂମିର କିଶୋର ଫଉଜ, ପ୍ରଜାତନ୍ତ୍ରର ମୀନାବଜାର, ସମାଜର ଶିଶୁରାଇଜରେ ପ୍ରକାଶିତ ହୋଇ ଶିଶୁ ପାଠକ ମହଲରେ ଆଦୃତ ହୋଇଥିଲା । ତାଙ୍କ ରଚିତ କବିତା ଟୁଆଁଟୁଇଁ, ମୀନାବଜାର, ସଂସାର ଓ ମନପବନ ପ୍ରଭୃତି ଓଡ଼ିଶାର ବହୁ ପ୍ରତିଷ୍ଠିତ ପତ୍ରପତ୍ରିକାରେ ପ୍ରକାଶିତ ହେଉଥିଲା ।
କ୍ଷୀରୋଦ ଚନ୍ଦ୍ର ପୋଥାଳ | |
|---|---|
| ଜନ୍ମ ଓ ଜନ୍ମସ୍ଥାନ | ୩୦ ଜୁନ ୧୯୩୯ ଗୋପପୁର, ନିଶ୍ଚିନ୍ତକୋଇଲି, କଟକ ଜିଲ୍ଲା |
| ମୃତ୍ୟୁ | ୧୫ ଜାନୁଆରୀ ୨୦୧୨ (ବୟସ ୭୨) କଟକ |
| ବୃତ୍ତି | ଶିଶୁ ସାହିତ୍ୟିକ, ଗୀତିକାର |
| ଭାଷା | ଓଡ଼ିଆ |
| ସାହିତ୍ୟ କୃତି | ମନ ହୁଏ ମୋର ହେବାକୁ ମୀନା ଗାଁ ମାଟି ମୋର ହସେରେ |
| ପୁରସ୍କାର | ଓଡ଼ିଶା ସାହିତ୍ୟ ଏକାଡେମୀ |
ଆକାଶବାଣୀର ଜଣେ ସ୍ୱିକୃତିପ୍ରାପ୍ତ ଗୀତିକାର, ଭଜନ ସମ୍ରାଟ ଭିକାରି ବଳ ଗାଇଥିବା ଭଜନ 'କୋଠଭୋଗ ଖିଆ ମୋ ଚକା ଆଖିଆ ଉଠହେ ପହୁଡ଼ ଭାଙ୍ଗି' ସେ ରଚନା କରିଥିଲେ ।[୨]
୧୫ ଜାନୁଆରୀ ୨୦୧୨, ରବିବାର ଦିନ କଟକ ବଡ଼ଡାକ୍ତରଖାନାରେ ସେ ମୃତ୍ୟୁବରଣ କରିଥିଲେ ।[୩]
ରଚନାବଳୀ
ସମ୍ପାଦନା- ଗାଁ ମାଟି ମୋର ହସେରେ
- ଅକଲ ମକଲ ଟକଲ ଟିଆଁ
- ହସପସରା
- ହସ ରାଇଜରେ ମୁନା
- ଶିଶୁ ସାଥୀ
- ସାବାସ ନାନୀ
- ଗପ ଗୋଲାପ
- ମୋ କଥା ମୋ କବିତା
- ମନ ହୁଏ ମୋର ହେବାକୁ ମୀନା
ପୁରସ୍କାର ଓ ସମ୍ମାନ
ସମ୍ପାଦନା- ୧୯୮୬: ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (ବହି: ମନ ହୁଏ ମୋର ହେବାକୁ ମୀନା)[୪]
- ୨୦୦୧: ରାମକୃଷ୍ଣ ନନ୍ଦ ସ୍ମୃତି ପୁରସ୍କାର (ଉତ୍କଳ ସାହିତ୍ୟ ସମାଜ)
- ୧୯୮୮: ପଣ୍ଡିତ ଉପେନ୍ଦ୍ର ତ୍ରିପାଠୀ ପୁରସ୍କାର (ଗୋକର୍ଣ୍ଣିକା ସାହିତ୍ୟ ସମାଜ ଧର୍ମଶାଳା)
- ୨୦୦୨: ବିଷୁବ ପୁରସ୍କାର (ପ୍ରଜାତନ୍ତ୍ର ପ୍ରଚାର ସମିତି)
- ୧୯୭୮: ମୀନାବଜାର ପୁରସ୍କାର
- ୨୦୦୭: ସାହିତ୍ୟଶ୍ରୀ (ବୈକୁଣ୍ଠନାଥ ସ୍ମୃତି ସଂସଦ)
- ୨୦୦୬: ଭକ୍ତ ସାଲବେଗ ସମ୍ମାନ (ଭକ୍ତସାଲବେଗ ସାଂସ୍କୃତିକ ପରିଷଦ, ପୁରୀ)
- ୧୯୯୯: ହରେକୃଷ୍ଣ ସ୍ମୃତି ପୁରସ୍କାର (ଫକୀର ମୋହନ ସାହିତ୍ୟ ପରିଷଦ)
- ୧୯୯୧: ରାଜ୍ୟ ଶିଶୁ ସାହିତ୍ୟ ସମିତି (ବହି: ସାବସ ନନୀ)
- ୧୯୭୩: ରାଜ୍ୟ ଶିକ୍ଷା ସମ୍ମାନ (ରାଜ୍ୟ ଗଣଶିକ୍ଷା ବିଭାଗ, ବହି: ଗାଁ ମାଟି ମୋର ହସେରେ)
ଆଧାର
ସମ୍ପାଦନା- ↑ "orissaspider.com: Famus Odia Poet Khirod Chandra Pothal". Archived from the original on 2012-01-25. Retrieved 2012-01-17.
- ↑ "orissadiary.com: Noted Writer of "Kotha Bhiga Khia...." Khirod Ch Pothal is no more". Archived from the original on 2012-01-17. Retrieved 2012-01-17.
- ↑ "ଗୀତିକାର କ୍ଷୀରୋଦ ଚନ୍ଦ୍ର ପୋଥାଳଙ୍କ ପରଲୋକ". dharitri.com. Retrieved 20 January 2021.
- ↑ "ଓଡ଼ିଶା ସାହିତ୍ୟ ଏକାଡେମୀ ପୁରସ୍କୃତ ପୁସ୍ତକ ଓ ଲେଖକ". ଓଡ଼ିଶା ସାହିତ୍ୟ ଏକାଡେମୀ. Retrieved 20 January 2021.