ଅନନ୍ତ ତ୍ରିପାଠୀ ଶର୍ମା

ଅନନ୍ତ ତ୍ରିପାଠୀ ଶର୍ମା (ଜନ୍ମ: ୧୦ ଫେବୃଆରୀ ୧୯୦୫ - ମୃତ୍ୟୁ: ୧୧ ଜୁଲାଇ ୧୯୯୧) ଜଣେ ଓଡ଼ିଆ ରାଜନୀତିଜ୍ଞ, କବିରାଜ, ସଂସ୍କୃତଜ୍ଞ, ସାହିତ୍ୟିକ, ଷଡ଼ଭାଷାଭିଜ୍ଞ ଓ ଅନୁବାଦକ ଥିଲେ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ସ୍ୱାଧୀନତା ପୂର୍ବରୁ ଥରେ କାର୍ଯ୍ୟ କରିଥିଲେ ଏବଂ ସ୍ୱାଧୀନତା ପରେ ଲୋକ ସଭାର ସାଂସଦ ଭାବରେ ତିନି ଥର କାର୍ଯ୍ୟ କରିଥିଲେ । ସ୍ୱାଧୀନତା ପୂର୍ବରୁ ହୋଇଥିବା ଦ୍ୱିତୀୟ ଓଡ଼ିଶା ବିଧାନ ସଭା ନିର୍ବାଚନରେ ସେ ପାରଳାଖେମୁଣ୍ଡି ବିଧାନରୁ ସ୍ୱାଧୀନତା ପୂର୍ବର ୨ୟ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ । ୧୯୫୭ ମସିହାରେ ଗଞ୍ଜାମ ଲୋକ ସଭା ନିର୍ବାଚନ ମଣ୍ଡଳୀରେ ହୋଇଥିବା ଉପ ନିର୍ବାଚନରେ ସେ ୨ୟ ଲୋକ ସଭାକୁ ନିର୍ବାଚିତ ହୋଇଥିଲେ । ୧୯୬୨ ଭାରତୀୟ ସାଧାରଣ ନିର୍ବାଚନରେ ଛତ୍ରପୁରରୁ ୩ୟ ଲୋକ ସଭାକୁ ଏବଂ ୧୯୬୭ ଭାରତୀୟ ସାଧାରଣ ନିର୍ବାଚନରେ ଭଞ୍ଜନଗରରୁ ୪ର୍ଥ ଲୋକ ସଭାକୁ ନିର୍ବାଚିତ ହୋଇଥିଲେ ।

ଅନନ୍ତ ତ୍ରିପାଠୀ ଶର୍ମା
ସାଂସଦ: ୪ର୍ଥ ଲୋକ ସଭା
କାର୍ଯ୍ୟକାଳ ୧୯୬୭ – ୧୯୭୦
ନିର୍ବାଚନ ମଣ୍ଡଳୀ	ଭଞ୍ଜନଗର
ସାଂସଦ: ୩ୟ ଲୋକ ସଭା
କାର୍ଯ୍ୟକାଳ ୧୯୬୨ – ୧୯୬୭
ନିର୍ବାଚନ ମଣ୍ଡଳୀ	ଛତ୍ରପୁର
ସାଂସଦ: ୨ୟ ଲୋକ ସଭା
କାର୍ଯ୍ୟକାଳ ୧୯୫୭ – ୧୯୬୨
ନିର୍ବାଚନ ମଣ୍ଡଳୀ	ଗଞ୍ଜାମ
ବିଧାୟକ: ସ୍ୱାଧୀନତା ପୂର୍ବର ୨ୟ ଓଡ଼ିଶା ବିଧାନ ସଭା
କାର୍ଯ୍ୟକାଳ ୧୯୪୬ – ୧୯୫୨
ନିର୍ବାଚନ ମଣ୍ଡଳୀ	ପାରଳାଖେମୁଣ୍ଡି
ବ୍ୟକ୍ତିଗତ ସବିଶେଷ
ମୃତ୍ୟୁ	୧୯୯୧
ନାଗରିକତା	ଭାରତୀୟ
ଜାତୀୟତା	ବ୍ରିଟିଶ ଭାରତ ଭାରତୀୟ ଅଧିରାଜ୍ୟ ଭାରତୀୟ
ରାଜନୀତିକ ଦଳ	ଭାରତୀୟ ଜାତୀୟ କଂଗ୍ରେସ
ଅନ୍ୟାନ୍ୟ ରାଜନୀତିକ ସମ୍ବନ୍ଧ	କଂଗ୍ରେସ
ଜୀବନ ସାଥୀ	ବିଷ୍ଣୁପ୍ରିୟା ଦେବୀ
ସନ୍ତାନ	୯
ବାପା/ବୋଉ	ଗଦାଧର ତ୍ରିପାଠୀ (ବାପା), ରୋହିଣୀ ଦେବୀ (ମାତା)
ବୃତ୍ତି	ରାଜନୀତିଜ୍ଞ

ପରିବାର

ପିତା ଗଦାଧର ତ୍ରିପାଠୀ ଓ ମାତା ରୋହିଣୀ ଦେବୀଙ୍କ ଔରସରୁ ସେ ଗଞ୍ଜାମ ଜିଲ୍ଲାର ଗୁଣ୍ଠପଡ଼ା (ଆସିକା) ନିକଟସ୍ଥ ଜଗନ୍ନାଥପୁର ଶାସନରେ ଜନ୍ମଲାଭ କରିଥିଲେ । ତାଙ୍କ ପତ୍ନୀଙ୍କ ନାମ ବିଷ୍ଣୁପ୍ରିୟା ଦେବୀ ।

ରାଜନୈତିକ ଜୀବନ

ଅନନ୍ତ ତ୍ରିପାଠୀ ଶର୍ମା ଭାରତୀୟ ଜାତୀୟ କଂଗ୍ରେସର ରାଜନେତା ଭାବରେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ସ୍ୱାଧୀନତା ପୂର୍ବରୁ ଥରେ ଏବଂ ସ୍ୱାଧୀନତା ପରେ ଭାରତୀୟ ସଂସଦର ତଳ ସଦନ ଲୋକ ସଭାର ସାଂସଦର ଭାବରେ ୩ ଥର କାର୍ଯ୍ୟ କରିଥିଲେ ।

ଲୋକ ସଭା ସଭ୍ୟ ବିବରଣୀ

ଆରମ୍ଭ	ଶେଷ	ପଦବୀ	ନିର୍ବାଚନ ମଣ୍ଡଳୀ	ଦଳ
୧୯୫୭	୧୯୬୨	ସଭ୍ୟ, ୨ୟ ଲୋକ ସଭା	ଗଞ୍ଜାମ (ଉପ)	ଭାରତୀୟ ଜାତୀୟ କଂଗ୍ରେସ
୧୯୬୨	୧୯୬୭	ସଭ୍ୟ, ୩ୟ ଲୋକ ସଭା	ଛତ୍ରପୁର
୧୯୬୭	୧୯୭୦	ସଭ୍ୟ, ୪ର୍ଥ ଲୋକ ସଭା	ଭଞ୍ଜନଗର

ମୃତ୍ୟୁ

୧୯୯୧ ମସିହାରେ ତାଙ୍କର ମୃତ୍ୟୁ ହୋଇଥିଲା । ୯ ସେପ୍ଟେମ୍ବର ୧୯୯୧ରେ ତାଙ୍କ ପାଇଁ ବିଧାନ ସଭାରେ ଶୋକ ପାଳନ କରାଯାଇଥିଲା ।