ଶୈବାଳିନୀ ସାହୁ

ଶୈବାଳିନୀ ସାହୁ (ଜନ୍ମ: ୧୩ ଏପ୍ରିଲ ୧୯୭୨) ଜଣେ ଭାରତୀୟ ଓଡ଼ିଆ-ଭାଷୀ କବି, ଗାଳ୍ପିକା ଓ ସମାଜସେବୀ । ସେ ଗଳ୍ପ, କବିତା, ପ୍ରବନ୍ଧ, ଗୀତିକବିତା, ଫିଚର ଆଦି ରଚନା କରିଛନ୍ତି ।

ଶୈବାଳିନୀ ସାହୁ
ଜନ୍ମ	୧୩ ଏପ୍ରିଲ ୧୯୭୨ କୃତ୍ତାଙ୍ଗ, ରଘୁନାଥପୁର, ଜଗତସିଂହପୁର
ଜାତୀୟତା	ଭାରତୀୟ
ଉଲ୍ଲେଖନୀୟ କୃତି	ମମତାର ଧାରେ
ବୈବାହିକ-ସାଥୀ	ମନୋରଞ୍ଜନ ସାହୁ
ସନ୍ତାନ	ମୌସମ ସାହୁ, ସୌମ୍ୟରଞ୍ଜନ ସାହୁ
ପିତାମାତା	ବୈରାଗୀ ଚରଣ ସାହୁ (ପିତା), ଅନ୍ନପୂର୍ଣ୍ଣା ସାହୁ (ମାତା)

ସଂକ୍ଷିପ୍ତ ଜୀବନୀ

ସେ ଜଗତସିଂହପୁର ଜିଲ୍ଲାର ରଘୁନାଥପୁର ଅନ୍ତର୍ଗତ କୃତ୍ତାଙ୍ଗ ଗ୍ରାମରେ ଜନ୍ମଗ୍ରହଣ କରିଥିଲେ । ଉତ୍କଳ ବିଶ୍ୱବିଦ୍ୟାଳୟରୁ ଓଡ଼ିଆରେ ସ୍ନାତକୋତ୍ତର ଶିକ୍ଷା ପ୍ରାପ୍ତ ଶୈବାଳିନୀ ନିଜ ପିତାମାତାଙ୍କ ଦ୍ୱାରା ଅନୁପ୍ରାଣୀତ ହୋଇ ଉତ୍ତର ୮୦ଦଶକରୁ ଓଡ଼ିଆ ସାହିତ୍ୟରେ ଲେଖନୀ ଚାଳନା କଲେ । ୧୯୮୬ ମସିହାରେ ତାଙ୍କର ପ୍ରଥମ ଗଳ୍ପ "ଅତୃପ୍ତ ଆତ୍ମା" ଆନ୍ତଃବିଦ୍ୟାଳୟ ପ୍ରତିଯୋଗିତାରେ ପ୍ରଥମ ସ୍ଥାନ ଅଧିକାର କରିଥିଲା । ତାଙ୍କ ଲେଖାମାନ ସମାଜ, ଧରିତ୍ରୀ, ପ୍ରଗତିବାଦୀ, ପ୍ରମେୟ, ପ୍ରଜାତନ୍ତ୍ର, କାଦମ୍ବିନୀ, ରେବତୀ, ସମାରୋହ, ଅମୃତାୟନ, ଆହ୍ୱାନ ଆଦି ପତ୍ରପତ୍ରିକାରେ ପ୍ରକାଶିତ । କେନ୍ଦ୍ର ସାହିତ୍ୟ ଏକାଡ଼େମୀ ଆୟୋଜିତ ବହୁଭାଷୀ କବି ସମ୍ମିଳନୀରେ ସେ ଅଂଶଗ୍ରହଣ କରିଥିଲେ ।

ରଚନାବଳୀ

• ଶୈବାଳିନୀ (କବିତା)
• ଇତି ତୁମର ଶୈବାଳିନୀ (କବିତା)
• ଶବଦରେ ଶବ୍ଦରେ ଶୈବାଳିନୀ (କବିତା)
• ପ୍ରୀତି କଣିକା (କବିତା)
• ଫେରିବାକୁ ହେବ (ଗଳ୍ପ)
• ମମତାର ଧାରେ (ଗଳ୍ପ)
• ଦ୍ୱାଦଶୀ ଜହ୍ନର ଫଟୋଗ୍ରାଫ୍ (ଗଳ୍ପ)
• ରାଜପ୍ରାସାଦର ମୋହ (ଗଳ୍ପ)

ଇଂରାଜୀ

• Echoes from Ether (ଓଡ଼ିଆରୁ ଅନୂଦିତ)

ସମ୍ମାନ

• ଜାନକୀ ବଲ୍ଲଭ ସ୍ମୃତି ସମ୍ମାନ, ଭୁବନେଶ୍ୱର
• ମୟୂରଭଞ୍ଜ ରୂପା ଥାଳିଆ ତରଫରୁ ସୂର୍ଯ୍ୟ ତନୟା ସମ୍ମାନ
• ଅପରାହ୍ନ ସାରସ୍ୱତ ସମ୍ମାନ, ବାଲେଶ୍ୱର