ମେସେଣ୍ଟେରିକ ସ୍ୱଳ୍ପ ରକ୍ତପ୍ରବାହ
- ଏହି ବିଷୟଟି କ୍ଷୁଦ୍ରାନ୍ତ୍ରର ସ୍ୱଳ୍ପ ରକ୍ତପ୍ରବାହ (ମେସେଣ୍ଟେରିକ ଇସକେମିଆ) ସମ୍ପର୍କରେ ଲେଖାହୋଇଛି । ବୃହଦନ୍ତ୍ରର ସ୍ୱଳ୍ପ ରକ୍ତପ୍ରବାହ ବିଷୟରେ ଜାଣିବାକୁ ଚାହିଲେ ଦେଖନ୍ତୁ ଇସକେମିକ କୋଲାଇଟିସ ।
ମେସେଣ୍ଟେରିକ ସ୍ୱଳ୍ପ ରକ୍ତପ୍ରବାହ, ବା ମେସେଣ୍ଟେରିକ ରକ୍ତନଳୀ ରୋଗ, ଏକ ବେମାରୀ ଯେଉଁଥିରେ କ୍ଷୁଦ୍ରାନ୍ତ୍ରକୁ ରକ୍ତ ସରବରାହ କମିଯାଇଥିଏ । [୧] ଏହି ରୋଗ ହଠାତ ହେଲେ ଆକ୍ୟୁଟ ମେସେଣ୍ଟେରିକ ସ୍ୱଳ୍ପ ରକ୍ତପ୍ରବାହ ଓ ସମୟକ୍ରମେ ହେଲେ କ୍ରନିକ ମେସେଣ୍ଟେରିକ ସ୍ୱଳ୍ପ ରକ୍ତପ୍ରବାହ ନାମ ଦିଆଯାଏ । [୨] ଆକ୍ୟୁଟ ରୋଗରେ ହଠାତ ତୀବ୍ର ଯନ୍ତ୍ରଣା ଆରମ୍ଭ ହୁଏ । [୨] କ୍ରନିକ ରୋଗ ଥାଇ ଆକ୍ୟୁଟ ରୋଗ ହେଲେ ଧୀରେ ଲକ୍ଷଣ ଆସେ । [୧] କ୍ରନିକ ମେସେଣ୍ଟେରିକ ସ୍ୱଳ୍ପ ରକ୍ତପ୍ରବାହ ରୋଗର ଲକ୍ଷଣ: ଖାଇବା ପରେ ପେଟ ଯନ୍ତ୍ରଣା, ଅନିଚ୍ଛାକୃତ ଓଜନ ହ୍ରାସ, ବାନ୍ତି ଓ ଖାଇବାକୁ ଭୟ ଲାଗେ । [୧][୨]
| ମେସେଣ୍ଟେରିକ ସ୍ୱଳ୍ପ ରକ୍ତପ୍ରବାହ | |
|---|---|
 Computer tomography (CT) showing dilated loops of small bowel with thickened walls (black arrow), findings characteristic of ischemic bowel due to thrombosis of the superior mesenteric vein. | |
| ବିଭାଗ | gastroenterology[*], general surgery[*], vascular surgery[*] |
| ଆଇସିଡ଼ି-୧୦ | K55.9 |
| ଆଇସିଡ଼ି-୯-ସିଏମ୍ | 557.9 |
| ରୋଗ ଡାଟାବେସ | 29034 |
| ମେଡ଼ିସିନ-ପ୍ଲସ | 001156 |
| ଇ-ମେଡ଼ିସିନ | radio/2726 |
ଏହି ରୋଗର ସସଙ୍କଟପ୍ରଦ ଅବସ୍ଥାମାନଙ୍କର ନାମ: ଆଟ୍ରିଆଲ ଫିବ୍ରିଲେସନ, ହୃଦ୍ପାତ, କ୍ରନିକ ବୃକ୍କ ଫେଲ, ରକ୍ତ ଜମାଟ ପ୍ରବୃତ୍ତି ଓ ପୂର୍ବରୁ ଥିବା ହୃଦ୍ଘାତ । [୧] ଚାରି ପ୍ରଣାଳୀରେ ରକ୍ତ ସରବରାହ କମିଯାଏ: ଧମନୀ ଏମ୍ବୋଲିଜ୍ମ, ଧମନୀ ଥ୍ରୋମ୍ବୋସିସ, ମେସେଣ୍ଟେରିକ ଶୀରାରେ ରକ୍ତଜମାଟ ଓ ନିମ୍ନ ରକ୍ତଚାପ ତଥା ଧମନୀ ସଙ୍କୋଚନ କାରଣରୁ ସ୍ୱଳ୍ପ ରକ୍ତପ୍ରବାହ । [୩][୪] କ୍ରନିକ ରୋଗ ହେଉଛି ଆକ୍ୟୁଟ ରୋଗର ଏକ ସଙ୍କଟପ୍ରଦ ଅବସ୍ଥା । [୫] ରୋଗ ନିର୍ଣ୍ଣୟର ସର୍ବୋତ୍ତମ ଉପାୟ ହେଉଛି ଆଞ୍ଜିଓଗ୍ରାଫି ଓ କମ୍ପ୍ୟୁଟର ଟୋମୋଗ୍ରାଫି । [୨]
ଧମନୀ ସରୁ ଥିଲେ ଇଣ୍ଟରଭେନସନାଲ ରେଡିଓଲୋଜି ସାହାଯ୍ୟରେ ସ୍ଟେଣ୍ଟିଙ୍ଗ କରାଯାଏ ଓ ରକ୍ତ ଜମାଟ ଥିଲେ ଥ୍ରୋମ୍ବୋଲାଇକ ଔଷଧ ଦେଇ ଜମାଟ ଭଙ୍ଗାଯାଏ । [୨] ଖୋଲା ଅପରେଶନ କରି ବାଧା ସୃଷ୍ଟିକାରୀ ପଦାର୍ଥକୁ କାଢ଼ିଦିଆଯାଏ ବା ବାଇପାସ ଅପରେଶନ କରାଯାଏ ବା ମୃତ ଅନ୍ତନଳୀକୁ କାଢ଼ିଦିଆଯାଏ । [୧] ଶୀଘ୍ର ଚିକିତ୍ସା ନ କଲେ ଫଳ ଅତ ଖରାପ ହୁଏ । [୨] ଚିକିତ୍ସା ସତ୍ତ୍ୱେ ମୃତ୍ୟୁ ସଙ୍କଟ ପ୍ରାୟ ୭୦ %ରୁ ୯୦ % ରହେ । [୩] କ୍ରନିକ ରୋଗ ଥିଲେ ବାଇପାସ ଅପରେଶନ ପସନ୍ଦ କରାଯାଏ । [୨] ଶୀରାରେ ଥ୍ରୋମ୍ବୋସିସ ଥିଲେ ଆଣ୍ଟିକୋଆଗୁଲେସନ ନିମନ୍ତେ ହେପାରିନ ଓ ୱାରଫାରିନ ଦିଆଯାଏ, କିଛି ଉନ୍ନତି ନ ହେଲେ ଅପରେଶନ କରାଯାଏ । [୧][୬]
ବିକଶିତ ଦେଶମାନଙ୍କରେ ପ୍ରତି ଏକ ଲକ୍ଷ ଲୋକରେ ୫ ଜଣକୁ ମେସେଣ୍ଟେରିକ ସ୍ୱଳ୍ପ ରକ୍ତପ୍ରବାହ ରୋଗ ହୁଏ । [୭] କ୍ରନିକ ମେସେଣ୍ଟେରିକ ସ୍ୱଳ୍ପ ରକ୍ତପ୍ରବାହ ରୋଗ ପ୍ରତି ଏକ ଲକ୍ଷ ଲୋକରେ ଜଣକୁ ହୁଏ । [୮] ଅଧିକାଂଶ ରୋଗୀ ୬୦ ବର୍ଷରୁ ଉର୍ଦ୍ଧ୍ୱ ବୟସର ଲୋକ । [୩] ସମାନ ବୟସରେ ପୁରୁଷ ଓ ମହିଲା ରୋଗୀ ସଂଖ୍ୟା ସମାନ ଥାଏ । [୩] ସନ ୧୮୯୫ରେ ଏହି ରୋଗର ପ୍ରଥମେ ବର୍ଣ୍ଣନା କରାଯାଇଥିଲା । [୨]
ଆଧାର
ସମ୍ପାଦନା- ↑ ୧.୦ ୧.୧ ୧.୨ ୧.୩ ୧.୪ ୧.୫ Yelon, Jay A. (2014). Geriatric Trauma and Critical Care (Aufl. 2014 ed.). New York: Springer Verlag. p. 182. ISBN 9781461485018.
- ↑ ୨.୦ ୨.୧ ୨.୨ ୨.୩ ୨.୪ ୨.୫ ୨.୬ ୨.୭ Bobadilla, JL (August 2013). "Mesenteric ischemia". The Surgical clinics of North America. 93 (4): 925–40, ix. doi:10.1016/j.suc.2013.04.002. PMID 23885938.
- ↑ ୩.୦ ୩.୧ ୩.୨ ୩.୩ Britt, L.D. (2012). Acute care surgery (1st ed. ed.). Philadelphia: Wolters Kluwer Health/Lippincott Williams & Wilkins. p. 621. ISBN 9781608314287.
{{cite book}}:|edition=has extra text (help) - ↑ Creager, Mark A. (2013). Vascular medicine : a companion to Braunwald's heart disease (2nd ed. ed.). Philadelphia, PA: Elsevier/Saunders. pp. 323–324. ISBN 9781437729306.
{{cite book}}:|edition=has extra text (help) - ↑ Sreenarasimhaiah, J (April 2005). "Chronic mesenteric ischemia". Best practice & research. Clinical gastroenterology. 19 (2): 283–95. doi:10.1016/j.bpg.2004.11.002. PMID 15833694.
- ↑ Liapis, C.D. (2007). Vascular surgery. Berlin: Springer. p. 420. ISBN 9783540309567.
- ↑ Geoffrey D. Rubin (2012). CT and MR Angiography: Comprehensive Vascular Assessment. Lippincott Williams & Wilkins. p. 318. ISBN 9781469801834.
- ↑ Gustavo S. Oderich (2014). Mesenteric Vascular Disease: Current Therapy. Springer. p. 105. ISBN 9781493918478.