ବିଜୟ ମହାପାତ୍ର
ବିଜୟ ମହାପାତ୍ର (ଜନ୍ମ: ୭ ନଭେମ୍ବର ୧୯୫୦) ଜଣେ ଓଡ଼ିଆ ରାଜନୀତିଜ୍ଞ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ଚାରିଥର କାର୍ଯ୍ୟ କରିଥିଲେ ଓ ୧୯୯୦ରୁ ୧୯୯୫ ଯାଏ ବିଜୁ ପଟ୍ଟନାୟକଙ୍କ ବିଭିନ୍ନ ମନ୍ତ୍ରୀମଣ୍ଡଳରେ ମନ୍ତ୍ରୀ ଥିଲେ । ୧୯୮୦, ୧୯୮୫, ୧୯୯୦ ଓ ୧୯୯୫ ମସିହାରେ ବିଧାନ ସଭା ନିର୍ବାଚନରେ ସେ ଜନତା ଦଳ ପକ୍ଷରୁ ପାଟକୁରାରୁ ଯଥାକ୍ରମେ ୮ମ, ୯ମ, ୧୦ମ ଓ ୧୧ଶ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।[୧] ୨୦୦୦ରେ ବିଜୁ ଜନତା ଦଳ (ବିଜେଡି)ରୁ ଟିକେଟ ପାଇ ପରେ ପ୍ରତ୍ୟାହାର କଲା ପରେ ସେ ବିଜେଡି ଛାଡ଼ିଦେଇଥିଲେ । ପରେ ୨୦୦୯ରେ ଭାରତୀୟ ଜନତା ପାର୍ଟି (ଭାଜପା) ତରଫରୁ ୨୦୧୯ରେ ନିର୍ବାଚନ ଲଢ଼ି ପରାସ୍ତ ହୋଇଥିଲେ ଏବଂ ତା' ପରେ ରାଜନୀତିରେ ନୀରବ ଥିଲେ ।[୨]
ବିଜୟ ମହାପାତ୍ର | |
|---|---|
 | |
| ବିଧାୟକ: ୮ମ, ୯ମ, ୧୦ମ, ୧୧ଶ ଓଡ଼ିଶା ବିଧାନ ସଭା | |
| କାର୍ଯ୍ୟକାଳ ୨୪ ନଭେମ୍ବର ୧୯୮୦ – ୨୦୦୦ | |
| ପୂର୍ବ ଅଧିକାରୀ | ବିଜୁ ପଟ୍ଟନାୟକ |
| ପର ଅଧିକାରୀ | ତ୍ରିଲୋଚନ ବେହେରା |
| ନିର୍ବାଚନ ମଣ୍ଡଳୀ | ପାଟକୁରା |
| ବ୍ୟକ୍ତିଗତ ସବିଶେଷ | |
| ଜନ୍ମ | ନଭେମ୍ବର ୭, ୧୯୫୦ |
| ନାଗରିକତା | ଭାରତୀୟ |
| ଜାତୀୟତା | ଭାରତୀୟ |
| ରାଜନୀତିକ ଦଳ | ଭାରତୀୟ ଜନତା ପାର୍ଟି |
| ଅନ୍ୟାନ୍ୟ ରାଜନୀତିକ ସମ୍ବନ୍ଧ | ଜନତା ପାର୍ଟି, ଜନତା ଦଳ |
| ଜୀବନ ସାଥୀ | କଳ୍ପନା ମହାପାତ୍ର |
| ସନ୍ତାନ | ଅରବିନ୍ଦ ମହାପାତ୍ର |
| ବାପା/ବୋଉ | କାହ୍ନୁ ଚରଣ ମହାପାତ୍ର (ବାପା) |
| ବୃତ୍ତି | ରାଜନୀତିଜ୍ଞ |
ଜନ୍ମ, ପରିବାର ଓ ଶିକ୍ଷା
ସମ୍ପାଦନାବିଜୟ ମହାପାତ୍ର ୧୯୫୦ ମସିହାର ନଭେମ୍ବର ମାସ ୭ ତାରିଖରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ କାହ୍ନୁ ଚରଣ ମହାପାତ୍ର ଏବଂ ପତ୍ନୀଙ୍କ ନାମ କଳ୍ପନା ମହାପାତ୍ର ।[୧] ବିଜୟଙ୍କର ଶିକ୍ଷାଗତ ଯୋଗ୍ୟତା କଳାରେ ସ୍ନାତକ ।[୧] ତାଙ୍କ ପୁଅ ଅରବିନ୍ଦ ମହାପାତ୍ର ଜଣେ ରାଜନେତା ଭାବରେ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଛନ୍ତି ।[୩]
ରାଜନୈତିକ ଜୀବନ
ସମ୍ପାଦନାବିଜୟ ମହାପାତ୍ର ଓଡ଼ିଶା ରାଜନୀତିରେ ପ୍ରଥମେ ଜନତା ଦଳରେ ସକ୍ରିୟ ଥିଲେ । ୧୯୯୦ ମସିହାରେ ଜନତା ଦଳ ବିଜୟ ଲାଭ କଲା ପରେ ବିଜୁ ପଟ୍ଟନାୟକ ମୁଖ୍ୟମନ୍ତ୍ରୀ ହେଇଥିଲେ । ୧୯୯୦ ରୁ ୧୯୯୫ ପର୍ଯ୍ୟନ୍ତ ବିଜୟ ଶକ୍ତି ମନ୍ତ୍ରୀ, ଜଳସେଚନ ମନ୍ତ୍ରୀ ଓ ସଂସଦୀୟ ବ୍ୟାପାର ମନ୍ତ୍ରୀ ଭାବେ କାର୍ଯ୍ୟ କରିଥିଲେ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ଚାରିଥର କାର୍ଯ୍ୟ କରିଛନ୍ତି ।[୧][୧] ପରବର୍ତ୍ତୀ ସମୟରେ ବିଜୁ ଜନତା ଦଳର ଗଠନ ସମୟରେ ସେ ସକ୍ରିୟ ଥିଲେ । ୨୦୦୦ରେ ବିଧାୟକ ପ୍ରାର୍ଥୀ ଭାବେ ସେ ପ୍ରାର୍ଥିପତ୍ର ଦାଖଲ କରିଥିଲେ ଓ ଟିକେଟ ପାଇଥିଲେ ମଧ୍ୟ ଶେଷ ମୁହୂର୍ତ୍ତରେ ତାଙ୍କ ଟିକେଟ ପ୍ରତ୍ୟାହାର କରି ନିଆଯାଇଥିଲା । ଏହି କାରଣରୁ ସେ ଦଳ ଛାଡ଼ି ଭାରତୀୟ ଜନତା ପାର୍ଟିରେ ଯୋଗ ଦେଇଥିଲେ । ୨୦୨୪ ମସିହାରେ, ତାଙ୍କ ପୁଅ ଅରବିନ୍ଦ ମହାପାତ୍ର ବିଜୁ ଜନତା ଦଳର ପ୍ରାର୍ଥୀ ଭାବେରେ ପାଟକୁରା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିବା ପରେ ତାଙ୍କୁ ବିଜେପିରୁ ବହିଷ୍କାର କରାଯାଇଥିଲା ।[୪]
ବିଧାନ ସଭା ସଭ୍ୟ ବିବରଣୀ
ସମ୍ପାଦନା| ଆରମ୍ଭ | ଶେଷ | ପଦବୀ | ନିର୍ବାଚନ ମଣ୍ଡଳୀ | ଦଳ |
|---|---|---|---|---|
| ୧୯୮୦ | ୧୯୮୫ | ସଭ୍ୟ, ୮ମ ଓଡ଼ିଶା ବିଧାନ ସଭା | ପାଟକୁରା (ଉପ) | ଜନତା (ଏସ୍) ଚ. ସିଂହ |
| ୧୯୮୫ | ୧୯୯୦ | ସଭ୍ୟ, ୯ମ ଓଡ଼ିଶା ବିଧାନ ସଭା | ପାଟକୁରା | ଜନତା ପାର୍ଟି |
| ୧୯୯୦ | ୧୯୯୫ | ସଭ୍ୟ, ୧୦ମ ଓଡ଼ିଶା ବିଧାନ ସଭା | ଜନତା ଦଳ | |
| ୧୯୯୫ | ୨୦୦୦ | ସଭ୍ୟ, ୧୧ଶ ଓଡ଼ିଶା ବିଧାନ ସଭା | ଜନତା ଦଳ |
ଆଧାର
ସମ୍ପାଦନା- ↑ ୧.୦ ୧.୧ ୧.୨ ୧.୩ ୧.୪ "Shri Bijay Mohapatra". odishaassembly.nic.in. Odisha Assembly. Retrieved 28 March 2020.
- ↑ Bhadra, Tejashree (8 March 2024). "ପୁଅ ବିଜେଡିରେ ଯୋଗଦେବା ପରେ ବିଜୟ ମହାପାତ୍ର କହିଲେ... - Dharitri". Dharitri Odia News. Retrieved 8 January 2025.
- ↑ Bureau, ABP News (2024-03-07). "Arabinda Mohapatra, Son Of Former Minister Bijoy Mohapatra, Joins BJD". news.abplive.com (in ଇଂରାଜୀ). Retrieved 2024-07-03.
- ↑ Mansingh, Sangita (2024-05-17). "ବିଜେପିରୁ ବହିଷ୍କୃତ ହେଲେ ବିଜୟ ମହାପାତ୍ର". OdishaLIVE (in ଆମେରିକୀୟ ଇଂରାଜୀ). Retrieved 2024-07-03.