ବଂଶଧାରା ନଦୀ

ବଂଶଧାରା ନଦୀ କଳାହାଣ୍ଡି ଜିଲ୍ଲାର ଲାଞ୍ଜିଗଡ଼ ନିକଟସ୍ଥ ଏକ ପାହାଡରୁ ବାହାରି ରାୟଗଡ଼ା ଜିଲ୍ଲା ଓ କଳାହାଣ୍ଡି ଜିଲ୍ଲାରେ ପ୍ରବାହିତ ହୋଇ କଳିଙ୍ଗପାଟଣା ନିକଟରେ ବଙ୍ଗୋପସାଗରରେ ପଡ଼ିଅଛି । ଏହି ନଦୀର କୂଳରେ ରାୟଗଡ଼ା ଓ ଗୁଣୁପୁର ସହର ଅବସ୍ଥିତ । ସମୁଦାୟ ୨୩୧ କି.ମି. ଦୈର୍ଘ୍ୟ ବିଶିଷ୍ଟ ଏହି ନଦୀର ୧୬୦ କି.ମି. ଅଂଶ ଓଡ଼ିଶାରେ ପ୍ରବାହିତ । ଓଡ଼ିଶା ଓ ଆନ୍ଧ୍ର ପ୍ରଦେଶ ସୀମା ଭାବେ ନଦୀଟି ଦୀର୍ଘ ୨୫ କି.ମି. ପ୍ରବାହିତ । ଏହାର ଏକ ମୁଖ୍ୟ ଉପନଦୀ ଚାଉଳଧୁଆ ମୀନାଝୋଲା ନିକଟରେ ଏହି ନଦୀରେ ମିଶିଅଛି । ଆନ୍ଧ୍ର ପ୍ରଦେଶରେ ୩୬ କି.ମି. ପ୍ରବାହିତ ହେବା ପରେ ଏହା ବଙ୍ଗୋପସାଗରରେ ମିଶିଅଛି । ନଦୀକୂଳରେ ଅବସ୍ଥିତ ଓଡ଼ିଶାର ମିନାଝୋଲା ତଥା ଆନ୍ଧ୍ର ପ୍ରଦେଶର ମୁଖଲିଙ୍ଗମ୍ ଏବଂ କଳିଙ୍ଗପାଟଣା ଅନ୍ୟ ଦୁଇଟି ପର୍ଯ୍ୟଟନ ସ୍ଥଳୀ ଅଟେ ।

ବଂଶଧାରା ନଦୀ
ବଂଶଧାରା ନଦୀ
River
ଦେଶ	ଭାରତ
ରାଜ୍ୟ	ଓଡ଼ିଶା
ଜିଲ୍ଲା	ରାୟଗଡ଼ା ଜିଲ୍ଲା, କଳାହାଣ୍ଡି ଜିଲ୍ଲା
Cities	ରାୟଗଡ଼ା, ଗୁଣୁପୁର
Source	କଳାହାଣ୍ଡି ଜିଲ୍ଲା
Mouth	ବଙ୍ଗୋପସାଗର
Length	୨୩୧ km (୧୪୪ mi)

ନାମକରଣ

ବଂଶଧାରାର ନାମକରଣରୁ ଏହାର ଉତ୍ପତ୍ତିସ୍ଥଳ ବିଷୟରେ ଅନୁମାନ କରାଯାଏ । ବାଉଁଁଶବୁଦାରୁ ଜନ୍ମିତ ହେତୁ "ବଂଶ" ଏବଂ "ଧାରା" ଶବ୍ଦର ଅର୍ଥ ପ୍ରବାହିତ ଜଳ । ଅତଏବ ନଦୀଟି ଏକ ବାଉଁଁଶ ବୁଦାରୁ ଉତ୍ପତ୍ତି ହୋଇଥିବାରୁ ଏପରି ନାମକରଣ ହୋଇଛି ବୋଲି ଅନୁମାନ କରାଯାଏ ।