ନିବେଦିତା ଜେନା

ନିବେଦିତା ଜେନା ହେଉଛନ୍ତି ଓଡ଼ିଆ ଏବଂ ହିନ୍ଦୀ ଭାଷାର ଜଣେ ନାଟକ ଏବଂ ଗଳ୍ପ ଲେଖିକା, ନାଟକ ନିର୍ଦ୍ଦେଶିକା ଏବଂ ନାଟକ ଅଭିନେତ୍ରୀ । ତାଙ୍କଦ୍ୱାରା ରଚିତ ଚଇତୁ ହାଟ ନାଟକ ପାଇଁ ତାଙ୍କୁ ୨୦୧୧ ମସିହାରେ ନାଟକ ଏବଂ ଏକାଙ୍କିକା ବିଭାଗରେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ପ୍ରଦାନ କରାଯାଇଥିଲା । କେନ୍ଦ୍ର ସାହିତ୍ୟ ଏକାଡେମୀର ପତ୍ରିକା 'ସମକାଳୀନ ଭାରତୀୟ ସାହିତ୍ୟ'ରେ ପ୍ରକାଶିତ ତାଙ୍କ ରଚିତ 'ପୁକାର୍' ନାଟକ ଭୋପାଳ, ଇନ୍ଦୋର, ଜୟପୁର, ଭିଲାଇ, ରାୟପୁର ଓ ଭୁବନେଶ୍ୱର ଆଦି ସ୍ଥାନରେ ଏକାଧିକବାର ଅଭିନୀତ ହୋଇଛି । ନାଟକ ଓ ଗଳ୍ପ ଭିନ୍ନ ସେ ଅନେକ କବିତା, ପ୍ରବନ୍ଧ ଓ ସମାଲୋଚନାର ସ୍ରଷ୍ଟା ।

ନିବେଦିତା ଜେନା
ବୃତ୍ତି	ବ୍ୟାଙ୍କ କର୍ମଚାରୀ
ଭାଷା	ଓଡ଼ିଆ, ହିନ୍ଦୀ
ଜାତୀୟତା	ଭାରତୀୟ
ସାହିତ୍ୟ କୃତି	ଚଇତୁ ହାଟ
ପୁରସ୍କାର	ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ଫକୀର ମୋହନ ନାଟକ ସମ୍ମାନ

ବ୍ୟକ୍ତିଗତ ଜୀବନ

ନିବେଦିତା ରାଉରକେଲାର ବାସିନ୍ଦା ଅଟନ୍ତି । ସେ ଏକ ପବ୍ଲିକ ସେକ୍ଟର ବ୍ୟାଙ୍କରେ କାର୍ଯ୍ୟରତ ।

ରଚନାବଳୀ

• ଚଇତୁ ଓ ହାଟ
• ପୁକାର (ହିନ୍ଦୀ ଭାଷା)—ଏହି ହିନ୍ଦୀ ନାଟକ, ଗୋଟିଏ ବଲାତ୍କାରର ଶିକାର ହୋଇଥିବା ବ୍ୟକ୍ତି ଉପରେ ପର୍ଯ୍ୟବସିତ । ଏହି ନାଟକ ଇନ୍ଦୋରରେ ଅଭିନୟ କରି ଦେଖାଯାଇଥିଲା ।
• ଫକୀର ମୋହନ ସେନାପତିଙ୍କ 'ମାମୁ'
• ହୁରୁଡ଼ା ଓ ଘରବାହୁଡ଼ା
• ଚୈତୁ (ଚଇତୁ ନାଟକର ହିନ୍ଦୀ ଅନୁବାଦ)
• ପାଦତଳର ମାଟି (ଗଳ୍ପ)
• ଟିକି ନାଟୁଆ ଓ ଅନ୍ୟାନ୍ୟ ପ୍ରବନ୍ଧ
• ଓଡ଼ିଆ ଆଲୋଚନାର ନବଦିଗନ୍ତ
• ଆଖି ଓ ଦେହ (ନାଟକ)

ପୁରସ୍କାର ଓ ସମ୍ମାନ

• ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (୨୦୧୧)
• ଫକୀର ମୋହନ ନାଟକ ସମ୍ମାନ (୨୦୧୭)