ନିଖିଳାନନ୍ଦ ପାଣିଗ୍ରାହୀ

ନିଖିଳାନନ୍ଦ ପାଣିଗ୍ରାହୀ, ଓଡ଼ିଶା ସାହିତ୍ୟ ଏକାଡେମୀଦ୍ୱାରା ସମ୍ବର୍ଦ୍ଧିତ ଜଣେ ସାହିତ୍ୟିକ ଓ ସ୍ତମ୍ଭକାର । ବିଜ୍ଞାନ ଭିତ୍ତିକ ସାହିତ୍ୟ ରଚନା ପାଇଁ ସେ ବିଶେଷ ପରିଚିତ । ବିଭିନ୍ନ ଖବରକାଗଜରେ ତାଙ୍କର ସ୍ତମ୍ଭ ପ୍ରକାଶ ପାଇଛି । ଏଯାବତ ତାଙ୍କର ୪୦ଖଣ୍ଡ ବହି ଛପା ସରିଛି ଓ ୨୫୦୦ରୁ ଉର୍ଦ୍ଧ୍ୱ ନିବନ୍ଧ ବିଭିନ୍ନ ପତ୍ରପତ୍ରିକାରେ ପ୍ରକାଶିତ ହୋଇସାରିଛି ।

ନିଖିଳାନନ୍ଦ ପାଣିଗ୍ରାହୀ
ଜନ୍ମ	ନିଖିଳାନନ୍ଦ ପାଣିଗ୍ରାହୀ
ମୃତ୍ୟୁ	୧୯୪୭ ଧନନ୍ତର, ଗଞ୍ଜାମ
ଜାତୀୟତା	ଭାରତୀୟ
ଶିକ୍ଷାନୁଷ୍ଠାନ	ହରିହର ହାଇସ୍କୁଲ, ଖଲ୍ଲିକୋଟ କଲେଜ

ଜୀବନୀ

ନିଖିଳାନନ୍ଦ, ୧୯୪୭ ମସିହାରେ, ଗଞ୍ଜାମ ଜିଲ୍ଲା ଆସିକା ନିକଟବର୍ତ୍ତୀ ଧନନ୍ତରରେ ଜନ୍ମଗ୍ରହଣ କରିଥିଲେ । ୧୯୬୧ ମସିହାରେ ସେ ଆସିକାର ହରିହର ହାଇସ୍କୁଲରୁ ମାଟ୍ରିକ ପାସ କରିଥିଲେ । ଖଲ୍ଲିକୋଟ କଲେଜରୁ ସେ ଯୁକ୍ତ ଦୁଇ କରିଥିଲେ । ପଦାର୍ଥ ବିଜ୍ଞାନ ଅନର୍ସ ରଖି, ସେ ସ୍ନାତକ ପାସ କରି ବୁର୍ଲାରେ ମେକାନିକାଲ ଇଞ୍ଜିନିୟରିଂ ନାମ ଲେଖାଇଥିଲେ । ନାମ ଲେଖାଇବାର ମାସକ ମଧ୍ୟରେ ରାଉରକେଲା ଜାତୀୟ ପ୍ରଯୁକ୍ତି ପ୍ରତିଷ୍ଠାନରେ ପଦାର୍ଥ ବିଜ୍ଞାନର ସ୍ନାତକୋତ୍ତର ଶ୍ରେଣୀ ଆରମ୍ଭ ହେଲା ଓ ନିଖିଳାନନ୍ଦ ସେଥିରେ ନାମ ଲେଖାଇଲେ । ପାଠପଢ଼ା ସରିବା ଆଗରୁ ସେ ଖଲ୍ଲିକୋଟ କଲେଜରେ ଅଧ୍ୟାପକ ଭାବରେ ନିଯୁକ୍ତି ପାଇଲେ । ପ୍ରଥମ ଦରମା ଥିଲା ୨୫୦ଟଙ୍କା । ୩୦ବର୍ଷ କାଳ ଅଧ୍ୟାପନା କରିବା ପରେ, ସେ ଦକ୍ଷିଣ ଓଡ଼ିଶାର ଆଞ୍ଚଳିକ ଶିକ୍ଷା ନିର୍ଦ୍ଦେଶକ ଓ ୨୦୧୫ମସିହାରେ ରାଜ୍ୟ ପାଠ୍ୟ ପୁସ୍ତକ ପ୍ରଣୟନ ଓ ପ୍ରକାଶନ ସଂସ୍ଥାର ନିର୍ଦ୍ଦେଶକ ଭାବରେ କାର୍ଯ୍ୟ କରିବାର ସୁଯୋଗ ଲାଭ କରିଥିଲେ । ଅବସର ପରେ ସେ ସାହିତ୍ୟ ସର୍ଜନାରେ ନିମଗ୍ନ ଅଛନ୍ତି ।

ରଚନାବଳୀ

• କାଟୁନ୍
• ଲଢୁଆ ମେଣ୍ଢାର ଜୀବନୀ
• ଚୁଡାମଣି
• ଯଥା ରାବଣସ୍ୟ ମନ୍ଦୋଦରୀ
• ନାହିଁ ନାହିଁର ବନ୍ଧନ
• ରାଧା ରଚିତ ଅଧା ସତ
• କୁମ୍ଭକର୍ଣ୍ଣ
• ଚେହେରା ଚୋରି
• ମାତ୍ର ଲାଞ୍ଜଟିଏ ନାହିଁ ବୋଲି
• ପ୍ରଜାପତି

ସମ୍ମାନ ଓ ପୁରସ୍କାର

• ଓଡ଼ିଶା ସାହିତ୍ୟ ଏକାଡେମୀଦ୍ୱାରା ସମ୍ବର୍ଦ୍ଧିତ - ୨୦୧୧