ଦାଶରଥୀ ଜେନା

ଦାଶରଥୀ ଜେନା (୨୦ ଜାନୁଆରୀ ୧୯୫୦ - ୨୫ ମଇ ୨୦୦୧) ଜଣେ ଓଡ଼ିଆ ରାଜନୀତିଜ୍ଞ ଥିଲେ । ଓଡ଼ିଶା ରାଜନୀତିରେ ସେ ଜନତା ଦଳର କର୍ମକର୍ତ୍ତା ଭାବରେ ସକ୍ରିୟ ଥିଲେ । ଓଡ଼ିଶା ବିଧାନ ସଭାରେ ସେ ଜଣେ ବିଧାୟକ ଭାବରେ କାର୍ଯ୍ୟ କରିଥିଲେ । ୧୯୯୦ ମସିହାର ଓଡ଼ିଶା ବିଧାନ ସଭା ନିର୍ବାଚନରେ ସେ ଆନନ୍ଦପୁର ବିଧାନ ସଭା ନିର୍ବାଚନ ମଣ୍ଡଳୀରୁ ୧୦ମ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।

ଦାଶରଥୀ ଜେନା
ବିଧାୟକ: ୧୦ମ ଓଡ଼ିଶା ବିଧାନ ସଭା
କାର୍ଯ୍ୟକାଳ ୧୯୯୦ – ୧୯୯୫
ପୂର୍ବ ଅଧିକାରୀ	ଜୟଦେବ ଜେନା
ପର ଅଧିକାରୀ	ଜୟଦେବ ଜେନା
ନିର୍ବାଚନ ମଣ୍ଡଳୀ	ଆନନ୍ଦପୁର
ବ୍ୟକ୍ତିଗତ ସବିଶେଷ
ଜନ୍ମ	(1950-01-20)ଜାନୁଆରୀ ୨୦, ୧୯୫୦
ମୃତ୍ୟୁ	୨୫ ମଇ ୨୦୦୧(2001-05-25) (ବୟସ ୫୧)
ନାଗରିକତା	ଭାରତୀୟ
ଜାତୀୟତା	ଭାରତୀୟ
ରାଜନୀତିକ ଦଳ	ଜନତା ଦଳ
ଜୀବନ ସାଥୀ	ଚମ୍ପାବତୀ ଜେନା
ସନ୍ତାନ	୨ ପୁଅ
ବାପା/ବୋଉ	ଦୁରୁଜୁ ଜେନା (ବାପା)
ବୃତ୍ତି	ରାଜନୀତିଜ୍ଞ

ପରିବାର ଓ ଶିକ୍ଷା

ଦାଶରଥୀ ଜେନା ୧୯୫୦ ମସିହାର ଜାନୁଆରୀ ମାସ ୨୦ ତାରିଖରେ କେନ୍ଦୁଝର ଜିଲ୍ଲାରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ ଦୁରୁଜୁ ଜେନା । ତାଙ୍କର ପତ୍ନୀଙ୍କ ନାମ ଚମ୍ପାବତୀ ଜେନା । ଦାଶରଥୀଙ୍କର ୨ ପୁଅ ଥିଲେ ।

ରାଜନୈତିକ ଜୀବନ

ଦାଶରଥୀ ଜେନା ଓଡ଼ିଶା ରାଜନୀତିରେ ଜନତା ଦଳର କର୍ମକର୍ତ୍ତା ଭାବରେ ସକ୍ରିୟ ଥିଲେ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ କାର୍ଯ୍ୟ କରିଥିଲେ ।

୧୯୮୫ ମସିହାର ଓଡ଼ିଶା ବିଧାନ ସଭା ନିର୍ବାଚନରେ ଦାଶରଥୀ ଜନତା ପାର୍ଟିର ପ୍ରାର୍ଥୀ ଭାବରେ ଆନନ୍ଦପୁର ବିଧାନ ସଭା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ ସେ ସମୁଦାୟ ୧୭,୮୦୪ ଖଣ୍ଡ ଭୋଟ ପାଇ ୨ୟ ସ୍ଥାନରେ ରହି ପରାଜିତ ହୋଇଥିଲେ । ଏହି ନିର୍ବାଚନର ବିଜୟୀ ପ୍ରାର୍ଥୀ ଜୟଦେବ ଜେନା ତାଙ୍କୁ ୧୩,୭୫୬ ଖଣ୍ଡ ଭୋଟରେ ପରାସ୍ତ କରିଥ ୯ମ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।

ଦାଶରଥୀ ୧୯୯୦ ମସିହାରେ ହୋଇଥିବା ଓଡ଼ିଶା ବିଧାନ ସଭା ନିର୍ବାଚନରେ ଜନତା ଦଳର ପ୍ରାର୍ଥୀ ଭାବରେ ଆନନ୍ଦପୁର ବିଧାନ ସଭା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ ସେ ସମୁଦାୟ ୪୮,୯୪୭ ଖଣ୍ଡ ଭୋଟ ପାଇ ବିଜୟୀ ହୋଇ ୧୦ମ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ । ସେ ତାଙ୍କର ନିକଟତମ ପ୍ରତିଦ୍ୱନ୍ଦୀ ଭାରତୀୟ ଜାତୀୟ କଂଗ୍ରେସର ପ୍ରାର୍ଥୀ ଜୟଦେବ ଜେନାଙ୍କୁ ୧୫,୬୩୩ ଖଣ୍ଡ ଭୋଟରେ ପରାଜିତ କରିଥିଲେ । ଏହି ବିଧାନ ସଭାରେ ସେ ୧୯୯୦ ମସିହାରୁ ୧୯୯୫ ମସିହାଯାଏଁ କାର୍ଯ୍ୟ କରିଥିଲେ ।

ମୃତ୍ୟୁ

ଦାଶରଥୀ ଜେନା ୨୦୦୧ ମସିହାର ମଇ ମାସ ୨୫ ତାରିଖରେ ମୃତ୍ୟୁବରଣ କରିଥିଲେ । ମୃତ୍ୟୁବେଳକୁ ତାଙ୍କୁ ୫୧ ବର୍ଷ ବୟସ ହୋଇଥିଲା ।